ବମ୍ବେ: ନିକଟରେ ରିଲିଜ ହୋଇଥିଲା ସାରା ଅଲ୍ଲୀ ଖାଁ-କାର୍ତ୍ତିକ ଆର୍ୟନ ଅଭିନୀତ ଫିଲ୍ମ ‘ଲଭ୍ ଆଜ କଲ୍-୨’। କଥିତ ରିଅଲ୍ ଲାଇଫ୍ ଯୋଡ଼ିର ରୋମାନ୍ସ ରିଲ୍ ଲାଇଫ୍ରେ ଦେଖିବା ପାଇଁ ଅପେକ୍ଷା କରି ଦର୍ଶକେ ନିରାଶ ହୋଇଥିଲେ। ଏବେ କାର୍ତ୍ତିକ ‘ଭୁଲ ଭୁଲୈୟା-୨’ର ଶୁଟିଂର ବ୍ୟସ୍ତ। ରାଜସ୍ଥାନର ଜୟପୁରରେ ଶୁଟିଂ ଆରମ୍ଭ କରାଯାଉଛି। ବର୍ତ୍ତମାନ ଏହି ଫିଲ୍ମ ସେଟ୍ରୁ ଏକ ନୂଆ ଭିଡିଓ ସାମ୍ନାକୁ ଆସିଛି। ଭିଡିଓଟି କାର୍ତ୍ତିକ-କିଆରାଙ୍କ ରୋମାଣ୍ଟିକ୍ ଡ୍ୟାନ୍ସ କରୁଥିବା ସମୟର। କାର୍ତ୍ତିକ ଶେରଓ୍ବାନୀ ପିନ୍ଧିଥିବା ବେଳେ କିଆରା ପିନ୍ଧିଛନ୍ତି ଲେହଙ୍ଗା-ଚୋଲି। ଉଭୟଙ୍କ ଯୋଡ଼ିକୁ ଦେଖି ଫିଲ୍ମକୁ ନେଇ ଉତ୍କଣ୍ଠା ବଢ଼ୁଥିବା ପ୍ରଶଂସକ କହୁଛନ୍ତି।
୨୦୦୭ରେ ରିଲିଜ ହୋଇଥିଲା ଭୁଲ ଭୁଲେୟା ପାର୍ଟ-୧। ଏଥିରେ ନାୟକ ସାଜିଥିଲେ ଅକ୍ଷୟ କୁମାର। ଫିଲ୍ମ ଦ୍ୱିତୀୟ ଭାଗରେ ନାୟକ ସାଜିଛନ୍ତି କାର୍ତ୍ତିକ ଆର୍ୟନ। ତାଙ୍କ ସହ ନଜର ଆସିବେ କିଆରା ଆଡଭାଣୀ। ଉଭୟଙ୍କ ଯୋଡ଼ିକୁ ପ୍ରଥମ ଥର ପାଇଁ ବଡ଼ପରଦାରେ ଦେଖିବାକୁ ମିଳିବ। ଚଳଚ୍ଚିତ୍ରର ନିର୍ଦ୍ଦେଶନା ଭାର ସମ୍ଭାଳିଛନ୍ତି ଅନିସ ବାଜମୀ। ଅନ୍ୟ ପ୍ରମୁଖ ଭୂମିକାରେ ତବ୍ବୁ ନଜର ଆସିବେ। ଚଳିତ ବର୍ଷ ଜୁଲାଇ ୩୧ରେ ଫିଲ୍ମ ରିଲିଜ ହେବ।
