ଛେଣ୍ଡିପଦା,୨୫।୪(ସ୍ବ.ପ୍ର): ଅନୁଗୋଳ ଜିଲାର ଛେଣ୍ଡିପଦା ବନାଞ୍ଚଳର କଣଲୋଇ ସଂରକ୍ଷିତ ଜଙ୍ଗଲ ନିକଟସ୍ଥ ଭାଲୁତଇଲାରେ ଶନିବାର ହାତୀ ଆକ୍ରମଣରେ ଜଣେ ଯୁବକଙ୍କର ମୃତ୍ୟୁ ଘଟିଛି। ମୃତକ ହେଲେ କଣଲୋଇ ଗ୍ରାମର କିଶୋର ଚନ୍ଦ୍ର ସାହୁ (୫୦)।
ସୂଚନା ଅନୁଯାୟୀ, କଣଲୋଇ ମଝିସାହି ବନସଂରକ୍ଷଣ ସମିତି ପକ୍ଷରୁ କିଶୋର ଜଙ୍ଗଲ ଭାଲୁତଇଲା ନିକଟସ୍ଥ ଜଙ୍ଗଲକୁ ଜଙ୍ଗଲ ଜଗିବା ପାଇଁ ଯାଇଥିଲେ । ସେଠାରୁ ସେ ମଧ୍ୟାହ୍ନରେ ଘରକୁ ଫେରୁଥିବା ବେଳେ ଏକ ହାତୀ ସହିତ ମୁହାଁମୁହିଁ ହୋଇଯାଇଥିଲେ। ତାଙ୍କୁ ହାତୀଟି ଘଟଣାସ୍ଥଳରେ ଦଳିଚକଟି ଫୋପାଡିଦେଇଥିଲା। ଫଳରେ ଘଟଣାସ୍ଥଳରେ କିଶୋରଙ୍କର ମୃତ୍ୟୁ ହୋଇଥିଲା। ଖବର ପାଇ ଛେଣ୍ଡିପଦା ବନବିଭାଗ ଘଟଣାସ୍ଥଳରେ ପହଁଚି ଗ୍ରାମବାସୀଙ୍କ ସହିତ ଆଲୋଚନା ଜାରିରଖିଛି ।
