ଲୁକ୍କୁ ପରଫେକ୍ଟ କରେ ଏକ ମ୍ୟାଚିଂ ହ୍ୟାଣ୍ଡବ୍ୟାଗ୍। ଏହା ଗ୍ଲାମର୍କୁ ବି ବଢ଼ାଇଥାଏ। ସେଇଥିପାଇଁ ତ ବଲିଉଡ୍ର ଡିଭାମାନେ ଏହା ଉପରେ କରନ୍ତି ଅନେକ ଖର୍ଚ୍ଚ। ଆଉ ତାଙ୍କ ପାଖରେ ଥାଏ ଦାମୀ ହ୍ୟାଣ୍ଡବ୍ୟାଗ୍ର ଅନେକ କଲେକ୍ସନ। ଜାଣନ୍ତୁ ସେ ସମ୍ପର୍କରେ…
କରୀନା କପୁର- ବେବୋ କେବେବି ନିଜ ଲୁକ୍କୁ ନେଇ କମ୍ପ୍ରୋମାଇଜ୍ କରି ନ ଥାଆନ୍ତି। ସବୁବେଳେ ଷ୍ଟାଇଲିସ୍ ଆଉଟଫିଟ୍ ସହ ଟ୍ରେଣ୍ଡି ଆସେସରିଜ୍ ପେୟାର୍ କରନ୍ତି। ବିଭିନ୍ନ ଆସେସରିଜ୍ ଭିତରେ ହ୍ୟାଣ୍ଡବ୍ୟାଗ୍ ତାଙ୍କର ବହୁତ ପ୍ରିୟ। ତାଙ୍କ ପାଖରେ ଏହାର ଏକ ଭଲ କଲେକ୍ସନ ଅଛି। ଏହି କଲେକ୍ସନରେ ଅନେକ ଦାମୀ ବ୍ୟାଗ ବି ଅଛି, ଯେମିତିକି ହର୍ମେଶ୍ ବିର୍କିନ୍ ଏପ୍ସମ୍ ବ୍ୟାଗ୍। ଏହାର ମୂଲ୍ୟ ୮ ଲକ୍ଷରୁ ଊର୍ଦ୍ଧ୍ୱ।
ସୋନମ କପୁର- ବଲିଉଡ୍ର ଜଣେ ଷ୍ଟାଇଲିଶ୍ ଡିଭା ହେଉଛନ୍ତି ସୋନମ। ସେ ଷ୍ଟାଇଲ୍ ଆଇକନ ଭାବେ ବି ପରିଚିତ। ତାଙ୍କ ପାଖରେ ଡିଓର୍, ପୋଲ କା, ହର୍ମେଶ୍ କେଲି ଭଳି ବ୍ରାଣ୍ଡର ୧୦୦ରୁ ଊର୍ଦ୍ଧ୍ୱ ହ୍ୟାଣ୍ଡବ୍ୟାଗ୍ର କଲେକ୍ସନ ଅଛି। ତାଙ୍କୁ ଚ୍ୟାନେଲ୍ ବ୍ରାଣ୍ଡର ବ୍ୟାଗ୍ ବହୁତ ଭଲ ଲାଗେ, ଯାହାର ମୂଲ୍ୟ ୪ ଲକ୍ଷରୁ ଅଧିକ।
ଶିଳ୍ପା ସେଟ୍ଟି- ଶିଳ୍ପା ହେଉଛନ୍ତି ଏମିତି ଜଣେ ସେଲିବ୍ରିଟି, ଯେକି ସବୁବେଳେ ଫ୍ୟାନ୍ଙ୍କ ପାଇଁ ନୂଆ ନୂଆ ଫ୍ୟାଶନ୍ ଟ୍ରେଣ୍ଡ ତିଆରି କରିଥାଆନ୍ତି। ତାଙ୍କ ଫ୍ୟାଶନ୍୍ର ଏକ ଅଂଶ ହେଉଛି ବିଭିନ୍ନ ପ୍ରକାରର ଦାମୀ ହ୍ୟାଣ୍ଡବ୍ୟାଗ୍। ସେ ବିଶେଷକରି ଡିଓର୍ ବ୍ରାଣ୍ଡ ବ୍ୟାଗ୍ ବ୍ୟବହାର କରନ୍ତି, ଯାହାର ମୂଲ୍ୟ ୩ ଲକ୍ଷରୁ ଊର୍ଦ୍ଧ୍ୱ।
ଦୀପିକା ପାଦୁକୋନ୍- କରୀନାଙ୍କ ଭଳି ଦୀପିକାଙ୍କୁ ବି ହର୍ମେଶ୍ ବିର୍କିନ୍ ଏପସମ୍ ବ୍ୟାଗ୍ ବହୁତ ପସନ୍ଦ। ଏହି ବ୍ୟାଗ୍ର ମୂଲ୍ୟ ୮ ଲକ୍ଷରୁ ଊର୍ଦ୍ଧ୍ୱ ହୋଇଥାଏ।
ପ୍ରିୟଙ୍କା ଚୋପ୍ରା- ପ୍ରିୟଙ୍କାଙ୍କର ବି ଦାମୀ ହ୍ୟଣ୍ଡବ୍ୟାଗ୍ର ଏକ ଭଲ କଲେକ୍ସନ ଅଛି। ସେ ସବୁବେଳେ କ୍ୱିର୍କି ଓ ଟ୍ରେଣ୍ଡି ଆସେସରିଜ୍ ବ୍ୟବହାର କରନ୍ତି। ତାଙ୍କୁ ଭାଲେଣ୍ଟିନୋ ଗାରାବାନି ରକ୍୍ଷ୍ଟଡ୍ ବ୍ୟାଗ୍ ବହୁତ ପସନ୍ଦ, ଯାହାର ମୂଲ୍ୟ ୧ ଲକ୍ଷରୁ ଊର୍ଦ୍ଧ୍ୱ। ଏହା ବ୍ୟତୀତ ସେ ଅନ୍ୟ ବହୁ ଦାମୀ ବ୍ରାଣ୍ଡର ବ୍ୟାଗ୍ ବି ବ୍ୟବହାର କରନ୍ତି।
ଅନୁଷ୍କା ଶର୍ମା- ଅନୁଷ୍କାଙ୍କ ପ୍ରିୟ ବ୍ୟାଗ୍ କୌଣସି ଫ୍ୟାନ୍ସି ଲକ୍ଜ୍ୟୁରୀ ହ୍ୟାଣ୍ଡବ୍ୟାଗ୍ ନୁହେଁ। ବରଂ ଏକ କ୍ୱିର୍କି ଓ ଫନ୍ ବ୍ୟାକ୍ପ୍ୟାକ୍ ଅଟେ। ‘ଫେଣ୍ଡି’ ବ୍ରାଣ୍ଡର ଏହି ବ୍ୟାଗ୍ର ମୂଲ୍ୟ ୧୨ ଲକ୍ଷ।
ଆଲିଆ ଭଟ୍ଟ-ଆଲିଆଙ୍କୁ ‘ଟିଓଡି’ର ଫ୍ରିଞ୍ଜଡ୍ ବ୍ୟାଗ୍ ବହୁତ ପସନ୍ଦ, ଯାହାର ମୂଲ୍ୟ ୧ ଲକ୍ଷ ଟଙ୍କା। ନିଜ ଗ୍ଲାମର୍କୁ ବଢେଇବା ପାଇଁ ସେ ଆହୁରି ଅନେକ ସୁନ୍ଦର ଓ ଦାମୀ ବ୍ୟାଗ୍ କ୍ୟାରି କରିଥାଆନ୍ତି।
ଜ୍ୟାକଲିନ୍ ଫର୍ନାଣ୍ଡିଜ୍- ଜ୍ୟାକ୍ଲିନ୍ଙ୍କୁ ଗୁସି ବ୍ରାଣ୍ଡର ବ୍ୟାଗ୍ କ୍ୟାରି କରିବାକୁ ଭଲ ଲାଗେ। ଏହି ବ୍ୟାଗ୍ଗୁଡିକର ମୂଲ୍ୟ ୧ ଲକ୍ଷରୁ ଊର୍ଦ୍ଧ୍ୱ ହୋଇଥାଏ।
