ଗୁଆହାଟୀ,୬।୯: ଭାରତ ଓ ଶ୍ରୀଲଙ୍କା ମଧ୍ୟରେ ତିନିମ୍ୟାଚ ବିଶିଷ୍ଟ ଟି-୨୦ ସିରିଜର ପ୍ରଥମ ମୁକାବିଲା ବର୍ଷା କାରଣରୁ ବାତିଲ ହୋଇଛି। ଟସ୍ ପରେ ଗୋଟିଏ ବି ବଲ ପଡିବା ପୂର୍ବରୁ ମ୍ୟାଚକୁ ବାତିଲ କରିଦିଆଯାଇଛି। ଟସ୍ ପରେ ଲଗାତର ବର୍ଷା କାରଣରୁ ମ୍ୟାଚ ଆରମ୍ଭ ହୋଇପାରି ନ ଥିଲା। ମ୍ୟାଚ ବାତିଲ ହେବା ଦ୍ୱାରା ଷ୍ଟାଡିୟମରେ ଉପସ୍ଥିତ ହଜାର ହଜାର ସଂଖ୍ୟକ ଦର୍ଶକଙ୍କୁ ନିରାଶ ହେବାକୁ ପଡିଥିଲା। କିନ୍ତୁ ଷ୍ଟାଡିୟମରେ ଏକ ନିଆରା ଦୃଶ୍ୟ ଦେଖିବାକୁ ମିଳିଥିଲା। ବର୍ଷା ପରେ ପଡିଆକୁ ଶୁଖାଇବା ପାଇଁ ଗ୍ରାଉଣ୍ଡ ଷ୍ଟାଫମାନେ ଚେଷ୍ଟା କରୁଥିବାବେଳେ ଷ୍ଟାଡିୟମରେ ଉପସ୍ଥିତ ପ୍ରାୟ ୩୦ ହଜାର ଦର୍ଶକ ଏକସଙ୍ଗରେ ଛିଡା ହୋଇ ମୋବାଇଲ୍ ଫ୍ଲାସ୍ ଅନ୍ କରି ବନ୍ଦେ ମାତରମ୍ ଗାଇବାକୁ ଲାଗିଥିଲେ। ବିସିସିଆଇ ନିଜ ଟୁଇଟର୍ ପେଜ୍ରେ ଏହାର ଏକ ଭିଡିଓ ଶେୟାର କରିଛି। ଏପରିକି ଶ୍ରୀଲଙ୍କ କ୍ରିକେଟରମାନେ ମଧ୍ୟ ନିଜ ସୋସିଆଲ ଆକାଉଣ୍ଟରେ ଏହି ଭିଡିଓକୁ ଶେୟାର କରିବାକୁ ପଛାଇନାହାନ୍ତି। ସିରିଜର ଦ୍ୱିତୀୟ ମ୍ୟାଚ ଆସନ୍ତା ୭ ତାରିଖରେ ଇନ୍ଦୋରରେ ଖେଳାଯିବ।
