ବଡ଼ଦାଣ୍ଡ ସଫେଇରେ ମୁସଲିମ ଯୁବକ ସାମିଲ

ବାରିପଦା ଅଫିସ,୧୫।୭- ବାରିପଦା ସହରରେ ସଫେଇ ସଚେତନତା ଦିଗରେ ଅନନ୍ୟ ଉଦାହରଣ ସୃଷ୍ଟି କରିଥିବା ସାମାଜିକ ଅନୁଷ୍ଠାନ ‘ସବୁଜ ସୁନ୍ଦର ବାରିପଦା’ ପକ୍ଷରୁ ରଥଯାତ୍ରା ଆରମ୍ଭରୁ ପ୍ରତିଦିନ ରାତିରେ ସମଗ୍ର ବଡଦାଣ୍ଡକୁ ସଫେଇ କରାଯାଉଥିଲା। ଏହାକୁ ସମର୍ଥନ କରି ବାରିପଦା ସହରର କେତେକ ମୁସଲମାନ ସମ୍ପଦାୟର ଯୁବକ ବାଡଦାଣ୍ଡ ସଫେଇ କାର୍ଯ୍ୟରେ ସାମିଲ ହୋଇଛନ୍ତି। ଶନିବାର ରାତିରେ ଅନୁଷ୍ଠାନର ଆବାହକ ଜିତେନ୍ଦ୍ର ମହାନ୍ତିଙ୍କ ନେତୃତ୍ୱରେ ସଫେଇ କାର୍ଯ୍ୟ ଚାଲିଥିବା ବେଳେ ସେଖ ମହମ୍ମଦ ଉଲ୍ଲା, ସେଖ ଫରହାଦ, ସେଖ ଇକବାଲ, ସେଖ ଆସଲାମ, ସେଖ ଏଲାମ, ସେଖ ଏକରାମ ଓ ସେଖ ଫଗୁ ପ୍ରମୁଖ ସମଗ୍ର ବଡଦାଣ୍ଡ ସଫେଇ କରିଥିଲେ। ମୁସଲମାନ ସମ୍ପ୍ରଦାୟର ହୋଇ ମଧ୍ୟ ରଥଯାତ୍ରା ପାଇଁ ଜଗନ୍ନାଥଙ୍କୁ ସମ୍ମାନ ଜଣାଇ ସଫେଇ କରିବାକୁ ଆସି ଭାଇଚାରା ସମ୍ପର୍କ ସୃଷ୍ଟି କରିଥିବାରୁ ସେମାନେ ଧନ୍ୟବାଦର ପାତ୍ର ବୋଲି ସବୁଜ ସୁନ୍ଦର ବାରିପଦାର ଆବାହକ ମହାନ୍ତି କହିଛନ୍ତି। ସେହିପରି ରଥ ଡ୍ୟୁଟିରେ ଥିବା ସବ-ଇନ୍ସପେକ୍ଟର ସଚ୍ଚିଦାନନ୍ଦ କିଶାନ ମଧ୍ୟ ଏହି ଯୁବକମାନଙ୍କ କାର୍ଯ୍ୟକୁ ପ୍ରଶଂସା କରିଛନ୍ତି। ଅଗରୁ ଏଭଳି କେବେ ଦେଖି ନ ଥିଲେ ଏଣୁ ଏହା ନିହାତି ଭାବେ ସମାଜକୁ ନୂତନ ବାର୍ତ୍ତ ଦେବ ବୋଲି ସେ କହିଛନ୍ତି। ସାମାଜିକ କର୍ମୀ ସୁଜିତ କୁମାର ମହାନ୍ତି ମଧ୍ୟ ସଫେଇ କାର୍ଯ୍ୟରେ ସାମିଲ ହୋଇ ଅନୁଷ୍ଠାନ ଓ ମୁସଲମାନ ସମ୍ପ୍ରଦାୟର ଯୁବକମାନଙ୍କୁ ଉତ୍ସାହିତ କରିଥିଲେ। କପିଲ ଖଣ୍ଡେଲୱାଲ, ନାନୁ ମହାକୁଡ, ଦେବାଶିଷ କୁମାର ପ୍ରମୁଖ ଉପସ୍ଥିତ ରହି ସଫେଇ କାର୍ଯ୍ୟରେ ସହଯୋଗ କରିଥିଲେ।


Enter your email to get our daily news in your inbox.

All Right Reserved By Dharitri.Com

ବକ୍ରେଶ୍ୱର ମନ୍ଦିରରେ ଲୁଟେରାଙ୍କ ଆତଙ୍କ, ତାଲା ଭାଙ୍ଗି ଲୁଟିନେଲେ ଅଳଙ୍କାର

ଖଇରା, ୧୫।୧୧ (ଉତ୍କଳବନ୍ଧୁ ପଣ୍ଡା): ବାଲେଶ୍ୱର ଜିଲା ଖଇରା ଥାନା ଅନ୍ତର୍ଗତ ଟିପିସଗଡ଼ିଆସ୍ଥିତ ପ୍ରସିଦ୍ଧ ବକ୍ରେଶ୍ୱର ଶୈବପୀଠରୁ ବିଳମ୍ବିତ ରାତିରେ ଚୋରି ହୋଇଥିବା ନେଇ ଖଇରା ଥାନାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?