ଛତିଆ,୩୦-୮(ଡି.ଏନ୍.ଏ.)- ବଡ଼ଚଣା ବ୍ଲକ ଅଧୀନସ୍ତ ବୈରୀ ଥାନା ଅନ୍ତର୍ଗତ ସମିଆ ପଞ୍ଚାୟତରେ ଥିବା ବଗପାଳ କ୍ଷୁଦ୍ର ଜଳସେଚନ ଡ୍ୟାମ୍ରୁ ଗୁରୁବାର ସକାଳେ ଜଣେ ଯୁବକଙ୍କ ମୃତଦେହ ପୋଲିସ ଉଦ୍ଧାର କରିଛି। ମୃତକ ଜଣଙ୍କ ସମିଆ ପଞ୍ଚାୟତର ୭ମାଣ ଗ୍ରାମର ରାଜୁ ବାଲମୁଖୀ (୨୨)। ଏ ନେଇ ପୋଲିସ ଏକ ଅପମୃତ୍ୟୁ ମାମଲା (ନଂ. ୮/୧୯) ରୁଜୁକରି ମୃତଦେହ ବ୍ୟବଚ୍ଛେଦ ପାଇଁ ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ତଦନ୍ତକାରୀ ଅଧିକାରୀ କହିଛନ୍ତି।
ପ୍ରକାଶ ଯେ, ରାଜୁ ବୁଧବାର ଅପରାହ୍ନରେ ବଗପାଳ ବନ୍ଧ ନିକଟରେ ଧାନ ଜମିକୁ ଦେଖିବା ପାଇଁ ଯାଇଥିଲେ। ମାତ୍ର ରାତ୍ରିରେ ନ ଫେରିବାରୁ ପରିବାର ଲୋକେ ବହୁତ ଖୋଜାଖୋଜି କରିଥିଲେ ମଧ୍ୟ ପାଇ ନ ଥିଲେ। ସକାଳୁ ବଗପାଳ ଡ୍ୟାମ୍ପରେ ରାଜୁର ମୃତଦେହ ଭାସୁଥିବା ଦେଖି ବୈରୀ ପୋଲିସକୁ ଖବର ଦେଇଥିଲେ। ଥାନା ସବ୍ଇନ୍ସ୍ପେକ୍ଟର ବିଶ୍ୱଜିତ୍ ବିଶ୍ୱାଳ, ଏଏସ୍ଆଇ ଅନୀଲ ସାହୁ ଘଟଣା ସ୍ଥଳରେ ପହଞ୍ଚତ୍ ମୃତ ଦେହ ଉଦ୍ଧାର କରିଥିଲେ ।
