ନୂଆଦିଲ୍ଲୀ,୨୪।୯(ପି.ଟି.)- ଲୋଭର କୌଣସି ଉପାଚର କିମ୍ବା ସୀମା ନାହିଁ। ତେଣୁ କ୍ରୀଡ଼ାରେ ଫିକ୍ସିଂ ସମ୍ପୂର୍ଣ୍ଣ ଭାବେ ନିୟନ୍ତ୍ରଣକୁ ଆସିପାରିବ ନାହିଁ ବୋଲି କିମ୍ବଦନ୍ତୀ ବ୍ୟାଟ୍ସମ୍ୟାନ ଗାଭାସ୍କର କହିଛନ୍ତି। କ୍ରିକେଟରେ ମ୍ୟାଚ୍ ଫିକ୍ସିଂ ଭଳି କଳଙ୍କକୁ ସମ୍ପୂର୍ଣ୍ଣ ଭାବେ ସଫା କରିହେବ ନାହିଁ । ତାମିଲନାଡୁ ପ୍ରିମିୟର ଲିଗ୍ (ଟିଏନ୍ପିଏଲ୍)ରେ କେତେକ ଖେଳାଳି ଓ ମାଚ୍ ଅଫିସିଆଲ ମ୍ୟାଚ୍ ଫିକ୍ସିଂରେ ସାମିଲ ରହିବା ନେଇ ପ୍ରଶ୍ନ ହେବାରୁ ସେ ଏହି କଥା କହିଛନ୍ତି। ଏ ନେଇ ଅବଶ୍ୟ ତଦନ୍ତ ଚାଲୁ ରହିଛି। ମଣିଷର ସ୍ବଭାବ ସହ ଲୋଭ ଓ ମୋହ ସାମିଲ ରହିଛି ବୋଲି ଏଠାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ସେ ଏହି କଥା କହିଛନ୍ତି। ଏକ ଶ୍ରେଷ୍ଠ ସମାଜରେ ମଧ୍ୟ ଅପରାଧୀ ରହିଛନ୍ତି। କ୍ରିକେଟରେ ମଧ୍ୟ କେତେଜଣ ଭିନ୍ନ ପ୍ରକାରର ଲୋକ ରହିବା ସ୍ବାଭାବିକ। ତେବେ କ୍ରିକେଟରେ ଦୁର୍ନୀତି କରୁଥିବା ଲୋକେ ସହଜରେ ଖସି ଚାଲିଯାଇ ପାରିବେ ନାହିଁ ବୋଲି ସେ ସ୍ପଷ୍ଟ କରିଛନ୍ତି। ଟେଲିଭିଜନରେ ମ୍ୟାଚ୍ ଲାଇଭ୍ ହେଉଥିବାରୁ ଯେକୌଣସି ଜଣେ ଲୋକେ ଭୂଲ୍ କରି ଖସି ଯାଇପାରିବନି। ଏ ସବୁ ଦୁର୍ନୀତି ସତ୍ତ୍ୱେ ଟିଏନ୍ପିଏଲ୍ ଭଳି ଘରୋଇ ଟୁର୍ନାମେଣ୍ଟ ତଥା ଲିଗ୍ ଚାଲୁ ରହିବା ଆବଶ୍ୟକ। ଏହି ଲିଗ୍ ଗୁଡିକ ମାଧ୍ୟମରେ ପ୍ରତିଭା ଚିହ୍ନଟ ହୋଇଥାଏ ବୋଲି ସେ କହିଛନ୍ତି।
