ପୁଞ୍ଛ,୨୭।୧୨: ଭାରତ ନିୟନ୍ତ୍ରଣ ରେଖା(ଏଲଓସି)ରେ ପାକିସ୍ତାନ ପକ୍ଷରୁ ଲଗାତର ଅସ୍ତ୍ରବିରତି ଉଲ୍ଲଂଘନ କରାଯାଉଛି। ଏନେଇ ଭାରତୀୟ ସେନା ପକ୍ଷରୁ ପାକିସ୍ତାନକୁ କଡ଼ା ଜବାବ ଦିଆଯାଇଛି। ଏଥିରେ ପାକିସ୍ତାନର ୩ଜଣ ସେନା ନିହତ ହୋଇଥିବା ଜଣାପଡ଼ିଛି। ଗୁରୁବାର ରାତିରେ ପୁଞ୍ଛର ରାଜୌରୀ ସେକ୍ଟର ନିକଟସ୍ଥ ଏଲଓସିରେ ହଠାତ୍ ପାକିସ୍ତାନ ସେନା ଗୁଳିଗୋଳା ବର୍ଷଣ କରିଥିଲେ। ଏଥିସହ ଭାରତୀୟ ସେନାଙ୍କ କ୍ୟାମ୍ପ ଉପରେ ମୋର୍ଟାର ମାଡ଼ ମଧ୍ୟ କରିଥିଲେ। ପରେ ଭାରତୀୟ ସେନା ପକ୍ଷରୁ ଏହାର ପାଲଟା ଜବାବ ଦିଆଯାଇଥିଲା। ପାକିସ୍ତାନର କିଛି କ୍ୟାମ୍ପକୁ ଭାରତୀୟ ସେନା ଧ୍ୱଂସବିଧସ୍ତ କରିଥିବା ବେଳେ ସେନାର ଗୁଳିରେ ୩ଜଣ ପାକ୍ ସେନା ନିହତ ହୋଇଥିବା ସୂଚନା ମିଳିଛି।
