ଭଦ୍ରକ ଅଫିସ,୨୯।୬: ଭଦ୍ରକ ବାଇପାସ୍ ବଜାରରେ ଶନିବାର ସକାଳେ ଏକ ମର୍ମନ୍ତୁଦ ଦୁର୍ଘଟଣାରେ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି। ମୃତକ ହେଲେ ଭଦ୍ରକ ସହର ଗୋପବନ୍ଧୁ ନଗରର କାଳନ୍ଦୀ ପାତ୍ର। କାଳନ୍ଦୀ ପରିବା କିଣିବା ଲାଗି ବଜାରକୁ ଆସିଥିବା ବେଳେ ସେହି ରାସ୍ତାରେ ଏକ ହାଇଓ୍ବା ତାଙ୍କ ଉପରେ ଚଢ଼ିଯାଇଥିଲା। ପଛରେ ଆସୁଥିବା ଏକ ଟ୍ରକ୍କୁ ସାଇଡ୍ ଦେବାକୁ ଯାଇ ହାଇଓ୍ବାଟି ଚଢ଼ିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଘଟଣାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା। ପରେ ସେଠାରେ ଟାଉନ୍ ପୋଲିସ ପହଞ୍ଚି ଘଟଣା ହାଇଓ୍ବାକୁ ଜବତ କରି ଅନୁସନ୍ଧାନ ଚଳାଇଛନ୍ତି।
