Posted inରାଜ୍ୟ

ନିର୍ଭୟ ବଳାତ୍କାରୀ, ନିଷ୍କ୍ରିୟ ପୋଲିସ

ଅନୁଗୋଳ ଅଫିସ, ୨୨।୭: ଶିଳ୍ପ ସମୃଦ୍ଧ ଅନୁଗୋଳ ଏବେ ଅପରାଧୀଙ୍କ ଚରାଭୂଇଁ ପାଲଟିଛି। ଶିଶୁ ବଳାତ୍କାର ପରି ସଙ୍ଗିନ ଘଟଣା ବୃଦ୍ଧି ଏବେ ପୋଲିସ ପ୍ରଶାସନର ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି କରିଛି। ଗତ ଜାନୁୟାରୀ ୨୦ରେ ଅନୁଗୋଳ ଉପକଣ୍ଠ କାଙ୍ଗୁଲାରେ ଜଣେ ନାବାଳିକାଙ୍କୁ ବଳାତ୍କାର ପରେ ନିର୍ମମ ଭାବେ ହତ୍ୟା କରାଯିବା ଘଟଣା ଲୋକଙ୍କ ମନରୁ ଲିଭି ନ ଥିବାବେଳେ ଏବେ ସ୍ଥାନୀୟ ବସ୍‌ଷ୍ଟାଣ୍ଡ ନିକଟ ଆହାର କେନ୍ଦ୍ର ପଛପାଖରେ ୮ ବର୍ଷୀୟା ନାବାଳିକା ଯୌନ ପିପାସୁଙ୍କ ଶିକାର ହୋଇଛନ୍ତି। ମାତ୍ର ୫ ଶହ ମିଟର ଦୂରରେ ଅନୁଗୋଳ ଥାନା ଥିଲେ ମଧ୍ୟ ଅପରାଧୀ ନିର୍ଭୟରେ ନାବାଳିକାଙ୍କୁ ଉଠାଇ ନେଇ ବଳାତ୍କାର କରିବା ଘଟଣାର ଗମ୍ଭୀରତାକୁ ପ୍ରକାଶ କରୁଛି। ପ୍ରତି ଛକରେ ପୋଲିସ କର୍ମଚାରୀଙ୍କୁ ନିୟୋଜିିତ କରାଯିବା ସହ ପାଟ୍ରୋଲିଂ ଭ୍ୟାନ ମଧ୍ୟ ସହରରେ ପଇଁତରା ମାରୁଛି। ହେଲେ ଅପରାଧ କମିବା ପରିବର୍ତ୍ତେ ଦିନକୁ ଦିନ ବଢୁଥିବାରୁ ଖାକିର ନିଷ୍କ୍ରିୟତା ପଦାରେ ପଡିଛି।

ବଳାତ୍କାର ପରେ ବି ଜାରି ଥିଲା ନିର୍ଯାତନା
ନାବାଳିକାଙ୍କୁ ଉଠାଇ ଆଣି ବଳାତ୍କାର କରିବା ପରେ ବି ଥମି ନ ଥିଲା ବଳାତ୍କାରୀଙ୍କ ନିର୍ଯାତନା। ଅଭିଯୁକ୍ତ ଅତି ନିର୍ଦ୍ଦୟ ଭାବେ ପୀଡିତାଙ୍କ ଶରୀରର ବିଭିନ୍ନ ସ୍ଥାନକୁ କ୍ଷତାକ୍ତ କରିଥିବା ଜଣାପଡିଛି। ଏଥିଯୋଗୁ ତାଙ୍କ ଅବସ୍ଥା ସଙ୍କଟାପନ୍ନ ହୋଇପଡିଥିଲା। ଅନୁଗୋଳ ମେଡିକାଲ ଡାକ୍ତରଙ୍କ ପାଇଁ ସ୍ଥିତି ଅସମ୍ଭାଳ ହେବାରୁ ପୀଡିତାଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଥିଲା।

ମା’ ଛେଉଣ୍ଡ ନାବାଳିକା
ବଳାତ୍କାରର ଶିକାର ହୋଇଥିବା ନାବାଳିକା ଜଣକ ମା’ ଛେଉଣ୍ଡ ବୋଲି ତାଙ୍କ ଜେଜେ ମା’ କହିଛନ୍ତି। ବାପା ସବୁବେଳେ କାମରେ ବ୍ୟସ୍ତ ରହୁଥିବାରୁ ଜେଜେ ମା’ଙ୍କ ସାଙ୍ଗରେ ଆସିବାକୁ ସେ ଜିଦ୍‌ ଧରିଥିଲେ। ତେଣୁ ଜେଜେ ମା’ ତାଙ୍କୁ ସାଥୀରେ ନେଇ ଆସିଥିଲେ। ହେଲେ ନାତୁଣୀ ସହ ଏପରି ଘଟଣା ଘଟିଯିବ ବୋଲି ସେ କେବେ ଭାବି ନ ଥିବା ଜେଜେ ମା’ କୋହଭରା କଣ୍ଠରେ କହିଛନ୍ତି। ତୁରନ୍ତ ଦୋଷୀକୁ ଦଣ୍ଡ ଦେବାକୁ ସେ ନେହୁରା ହୋଇଛନ୍ତି।

ଅଚଳ ଆହାରକେନ୍ଦ୍ର ସିସିଟିଭି
ବସଷ୍ଟାଣ୍ଡ ପାଖରେ ଥିବା ଆହାର କେନ୍ଦ୍ରରେ ସିସିଟିଭି ଲାଗିଥିଲେ ହେଁ ଏହା କିଛି ଦିନ ହେଲାଣି ଅଚଳ ହୋଇପଡିଛି। ଏ ବିଷୟରେ ଅପରାଧୀ ପୂର୍ବରୁ ଅବଗତ ଥିବାରୁ ସେହି ସ୍ଥାନକୁ ନିରାପଦ ଭାବି ଏହି ଅପରାଧ ଘଟାଇଥିବା କୁହାଯାଉଛି। ସିସିଟିଭି କାମ କରିଥିଲେ ପୋଲିସ ସହଜରେ ବଳାତ୍କାରୀଙ୍କୁ ଚିହ୍ନଟ କରିପାରିଥାଆନ୍ତା ବୋଲି କେତେଜଣ ସହରବାସୀ ପ୍ରକାଶ କରିଛନ୍ତିି।

ଖୋଜା ଚାଲିଛି ଚନ୍ଦା ମୁଣ୍ଡ, ଦାଢି ଥିବା ବ୍ୟକ୍ତି
ବଳାତ୍କାର କରିଥିବା ବ୍ୟକ୍ତି ଜଣକ ଚନ୍ଦା ଓ ମୁହଁରେ ଦାଢି ଥିବା ନାବାଳିକା ଜଣକ ପୋଲିସକୁ କହିବାକୁ ସାହସ କରିଥିଲେ। ଏପରିକି ଅପରାଧୀଙ୍କୁ ପୀଡିତା ଚିହ୍ନିଥିବା ମଧ୍ୟ ପୋଲିସ ଜାଣିବାକୁ ପାଇଛି। ଅଭିଯୁକ୍ତ ଚିହ୍ନା ହୋଇଥିବାରୁ ନାବାଳିକାଙ୍କୁ ସେ ହତ୍ୟା ଉଦ୍ୟମ କରିଥିବା ପୋଲିସ ସନ୍ଦେହ କରୁଛି। ତେଣୁ ସେହି ଅଞ୍ଚଳର ବିଭିନ୍ନ ସ୍ଥାନରେ ପୋଲିସ ଚଢ଼ାଉ କରି ସନ୍ଦେହ ହେଉଥିବା ଚନ୍ଦା ଓ ଦାଢି ଥିବା ବ୍ୟକ୍ତିଙ୍କୁ ଧରି ପଚରାଉଚରା କରିଥିବା ଦେଖିବାକୁ ମିଳିଥିଲା।

ଅସୁରକ୍ଷିତ ବସ୍ତିବାସିନ୍ଦା
କାମ ଅନୁସନ୍ଧାନରେ ବିଭିନ୍ନ ରାଜ୍ୟରୁ ଅନୁଗୋଳ ଆସି ଏଠାରେ ଅସ୍ଥାୟୀ ଭାବେ ବସ୍ତି କରି ଅସୁରକ୍ଷିତ ଭାବେ ରହୁଛନ୍ତି ଶ୍ରମିକ ଓ ସେମାନଙ୍କ ପରିବାର। ସେମାନଙ୍କ ପାଇଁ କୌଣସି ବ୍ୟବସ୍ଥା ନ କରି ପ୍ରଶାସନ ନୀରବଦ୍ରଷ୍ଟା ସାଜିଥିବାରୁ ଏଭଳି ଏକ ଘଟଣା ଘଟିଗଲା ବୋଲି ସହରବାସୀ ଅଭିଯୋଗ ଆଣିଛନ୍ତି। ଅନୁଗୋଳ ସହରରେ ଥିବା ବାଳସୁଧାର ଗୃହ ନିକଟରେ ଥିବା ପିଟିସିର ଖୋଲା ପଡ଼ିଆରେ ନାଗପୁରରୁ ବହୁ ଶ୍ରମିକ ଅସ୍ଥାୟୀ ଭାବେ ରହିଛନ୍ତି। ପୂର୍ବରୁ ମଧ୍ୟ କେତେଜଣ ଅସାମାଜିକ ବ୍ୟକ୍ତି ବସ୍ତି ଭିତରେ ପଶିଥିବା ବସ୍ତିବାସିନ୍ଦା ଅଭିଯୋଗ କରିଛନ୍ତି।

ଦୋଷୀକୁ କଠୋର ଦଣ୍ଡ ଦାବି
ବଳାତ୍କାରୀଙ୍କୁ କଠୋର ଦଣ୍ଡ ବିଧାନ ପାଇଁ ଦାବି କରିଛି ଅଲ୍‌ ଇଣ୍ଡିଆ ଡେମୋକ୍ରାଟିକ୍‌ ୟୁଥ୍‌ ଅର୍ଗାନାଇଜେଶନ୍‌(ଏଆଇଡିୱାଇଓ) ଅନୁଗୋଳ ଜିଲା କମିଟି। ପୀଡିତା ଓ ତାଙ୍କ ପରିବାରକୁ ସମସ୍ତ ପ୍ରକାର ସହାୟତା ଯୋଗାଇ ଦେବାକୁ କମିଟି ପକ୍ଷରୁ ଏସ୍‌ଡିପିଓଙ୍କୁ ଦାବିପତ୍ର ପ୍ରଦାନ କରାଯାଇଛି। ସହରରେ ପାଟ୍ରୋଲିଂ କଡାକଡି କରାଯିବାକୁ ଡିୱାଇଓ ସଦସ୍ୟ ମାନସ ପାଳ, ବିଷ୍ଣୁ ସାହୁ, କୈଳାସ ସାହୁ ପ୍ରମୁଖ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ନାବାଳିକା ଛାତ୍ରୀଙ୍କୁ ଅଧ୍ୟାପକଙ୍କ ପ୍ରେମ ନିବେଦନ, ଅଡିଓ ଭାଇରାଲ୍‌ ପରେ ଚହଳ, ଥାନାରେ…

ଠାକୁରମୁଣ୍ଡା,୨୦ା୨(ତାରାକାନ୍ତ ପଟ୍ଟନାୟକ)- ଠାକୁରମୁଣ୍ଡା ଥାନା ଅଧୀନ ଏକ ଉଚ୍ଚ ମାଧ୍ୟମିକ ବିଦ୍ୟାଳୟର ଜଣେ ନାବାଳିକା ଛାତ୍ରୀଙ୍କୁ ଜଣେ ଅଧ୍ୟାପକ ପ୍ରେମ ନିବେଦନ ସହ ଶାରୀରିକ ସମ୍ପର୍କ ପାଇଁ…

ଗୋ-ହତ୍ୟା ଅଭିଯୋଗକୁ ନେଇ ବିଷମ କଟକ ଥାନାରେ ଉତ୍ତେଜନା, ମାଂସ ଧରି ଥାନା ସମ୍ମୁଖରେ ଧାରଣା…

ବିଷମକଟକ,୨୦।୨(ପ୍ରସନ୍ନ କୁମାର ପଣ୍ଡା):ରାୟଗଡ଼ା ଜିଲା ବିଷମ କଟକ ଥାନା ଅଞ୍ଚଳରେ ଗୋ-ହତ୍ୟା ଅଭିଯୋଗକୁ କେନ୍ଦ୍ର କରି ପ୍ରବଳ ଉତ୍ତେଜନା ପ୍ରକାଶ ପାଇଛି। ଦୁର୍ଗୀ ଅଞ୍ଚଳରେ ଗୋ-ମାଂସ ଚାଲାଣ…

ମୋହନାରେ ନୂତନ ଥାନା ଅଧିକାରୀ

ମୋହନା,୨୦ା୨(ମନ୍ମଥ ମିଶ୍ର): ଗଜପତି ଜିଲା ମୋହନା ଥାନାରେ ନୂତନ ଥାନା ଅଧିକାରୀ ଭାବେ ଓମ ନାରାୟଣ ପାତ୍ର ଦାୟିତ୍ୱ ଗ୍ରହଣ କରିଛନ୍ତି। ପୂର୍ବରୁ ରହିଥିବା ଥାନା ଅଧିକାରୀ…

ସୁଦୃଢ଼ ହେବ ସ୍ବାସ୍ଥ୍ୟସେବା, ରାଜ୍ୟରେ ୫ ନୂଆ ମେଡିକାଲ କଲେଜ ନେଇ ମୁଖ୍ୟମନ୍ତ୍ରୀଙ୍କ ଘୋଷଣା

ଭୁବନେଶ୍ୱର,୨୦।୨: ରାଜ୍ୟରେ ସ୍ବାସ୍ଥ୍ୟସେବାକୁ ଅଧିକ ସୁଦୃଢ଼ କରିବା ପାଇଁ ଅର୍ଥମନ୍ତ୍ରୀ ତଥା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବଡ଼ ଘୋଷଣା କରିଛନ୍ତି। ରାଜ୍ୟରେ ୫ ନୂଆ ମେଡିକାଲ…

ଏଣିକି ନିଜ ଲଢ଼େଇ ନିଜର

ଦିଗପହଣ୍ଡି,୨୦ା୨(ଅଶେଷ ନାଥ ମିଶ୍ର): ଦିଗପହଣ୍ଡି ସ୍ଥିତ ଖେମୁଣ୍ଡି କଲେଜରେ ଛାତ୍ରୀ ଆତ୍ମ ସୁରକ୍ଷା ପ୍ରଶିକ୍ଷଣ ଶିବିର ଉଦଘାଟିତ ହୋଇଛି। ଅଧ୍ୟାପିକା ଅଞ୍ଜଳୀ ମଣ୍ଡଳଙ୍କ ସଂଯୋଜନାରେ ଅନୁଷ୍ଠିତ ଉଦଘାଟନୀ…

ମାଟି ଅତଡ଼ା ଖସି ଶ୍ରମିକଙ୍କ ମୃତ୍ୟୁ: ଜଳ ସିଞ୍ଚନ ପ୍ରକଳ୍ପ କାର୍ଯ୍ୟରେ ଅଘଟଣ

ଆନନ୍ଦପୁର,୨୦ା୨(ସୁଶାନ୍ତ କୁମାର ସାହୁ): କେନ୍ଦୁଝର ଜିଲା ଆନନ୍ଦପୁର ଥାନା ବୁଢ଼ୀକୁଦ ଗଁା ନିକଟରେ ଚାଲିଥିବା ଜମିକୁ ଜଳ ସିଞ୍ଚନ ପ୍ରକଳ୍ପ କର୍ଯ୍ୟରେ ଶୁକ୍ରବାର ଅଘଟଣ ଘଟିଛି। ୧୫…

ସୁଭଦ୍ରା ଯୋଜନାକୁ ନେଇ ସରକାରଙ୍କ ବଡ଼ ଘୋଷଣା, ମହିଳାଙ୍କୁ ମିଳିବ…

ଭୁବନେଶ୍ୱର,୨୦।୨: ମୁଖ୍ୟମନ୍ତ୍ରୀ ତଥା ଅର୍ଥମନ୍ତ୍ରୀ ମୋହନ ମାଝୀ ଚଳିତ ବର୍ଷ ପାଇଁ ୩ ଲକ୍ଷ ୧୦ ହଜାର କୋଟି ଟଙ୍କାର ବଜେଟ ଆଗତ କରିଛନ୍ତି । ଏହି…

‘ମଧୁବାବୁ ପେନସନ୍‌ ଯୋଜନା’କୁ ନେଇ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା: ବାଦ୍‌ ପଡ଼ିଥିବା ୬ ଲକ୍ଷ ଯୋଗ୍ୟଙ୍କୁ ମିଳିବ ଭତ୍ତା, ଆଉ କାହାକୁ… 

ଭୁବନେଶ୍ୱର,୨୦।୨: ୨୦୨୬-୨୭ ବର୍ଷ ପାଇଁ ଶୁକ୍ରବାର ଉପସ୍ଥାପନ କରାଯାଉଛି ବଜେଟ। ୨୦୨୬-୨୭ ବର୍ଷ ପାଇଁ ଶୁକ୍ରବାର ଉପସ୍ଥାପନ କରାଯାଉଛି ବଜେଟ। ଏଥିରେ ‘ମଧୁବାବୁ ପେନସନ୍‌ ଯୋଜନା’କୁ ନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala

Model This Week

ପିଲାଙ୍କ ଧରିତ୍ରୀ

Why Dharitri