ଦୁର୍ଘଟଣାରେ ୨ ଟ୍ରକ୍‌ ଚାଳକ ମୃତ
7:45 amJanuary 15, 2020 / 21

ଛତ୍ରପୁର,୧୫ା୧(ଡି.ଏନ୍‌.ଏ.)-ଛତ୍ରପୁରର ସତ୍ୟବାଦୀ ନଗର -ଏକାମ୍ର ନଗର ନିକଟ ଜାତୀୟ ରାଜପଥରେ ମଙ୍ଗଳବାର ରାତିରେ ଏକ ଟ୍ରକ୍‌କୁ ଅନ୍ୟ ଏକ ଟ୍ରକ୍‌ ପଛରୁ ଧକ୍କା ଦେବା ଫଳରେ ୨ ଟ୍ରକ ଚାଳକଙ୍କ ମୃତ୍ୟୁ ଘଟିଛି। ମୃତକମାନେ ହେଲେ ପଶ୍ଚିମବଙ୍ଗ ବର୍ଦ୍ଧମାନ ଅଞ୍ଚଳର ରାଜେଶ ଓ ଫରାଜ୍‌। ମିଳିଥିବା ସୂଚନା ଅନୁଯାୟୀ, ଆନ୍ଧ୍ରପ୍ରଦେଶର ଏକ ଟ୍ରକ୍‌ (ଡବ୍ଲ୍ୟୁବି୪୧ଏଫ୍‌-୦୨୫୪) ଖରାପ ହୋଇଥିଲା। ଏହାକୁ ଅନ୍ୟଏକ ଟ୍ରକ୍‌ (ଡବ୍ଲ୍ୟୁବି୪୧ଇ-୫୫୬୭) ଚେନ୍‌ରେ ବାନ୍ଧି ଟାଣି ଆଣୁଥିଲା। ଛତ୍ରପୁର ସତ୍ୟବାଦୀ ନଗର-ଏକାମ୍ର ନଗରଠାରେ ଚେନ୍‌ଟି ଛିଡି ଯାଇଥିଲା। ଜାତୀୟ ରାଜପଥରେ ଉକ୍ତ ୨ ଟ୍ରକ୍‌ ମଝିରେ ଛିଡିଥିବା ଚେନ୍‌କୁ ୨ ଚାଳକ ପୁନଃ ଯୋଡୁଥିବାବେଳେ ପଛପଟୁ ଆଉ ଏକ ଟ୍ରକ୍‌ (ଏନ୍‌ଏଲ୍‌୦୧କ୍ୟୁ-୯୦୫୪) ଜୋରରେ ଧକ୍କା ଦେଇଥିଲା। ଫଳରେ ଆଗରେ ଥିବା ୨ ଟ୍ରକର ଚାଳକଙ୍କର ମଝିରେ ଚାପି ହୋଇ ଘଟଣାସ୍ଥଳରେ ମୃତ୍ୟୁ ଘଟିଥିଲା। ଖବର ପାଇ ଛତ୍ରପୁର ପୋଲିସ ପହଞ୍ଚତ୍ ତଦନ୍ତ ଆରମ୍ଭ କରିଛି। କକକଧକ୍କା ଦେଇଥିବା ଟ୍ରକ୍‌ର ଚାଳକ ଓ ହେଲପର ଘଟଣାସ୍ଥଳରୁ ଫେରାର ହୋଇଯାଇଛନ୍ତି।