ଜୋହାନ୍ସବର୍ଗ,୬।୯- ଆଗାମୀ ବର୍ଷ ହେବାକୁ ମହିଳା ଟି୨୦ ବିଶ୍ୱକପ୍ ପୂର୍ବରୁ ଦଳ ପ୍ରସ୍ତୁତ କରିବା ପାଇଁ କ୍ରିକେଟ ଦକ୍ଷିଣ ଆଫ୍ରିକା (ସିଏସ୍ଏ) ଟକ୍ସ କ୍ରିକେଟ କ୍ଲବହାଉସଠାରେ ମହିଳା ଟି୨୦ ସୁପର ଲିଗ୍ ଆରମ୍ଭ କରିଛି। ୪ ଦଳକୁ ନେଇ ଶୁକ୍ରବାରଠାରୁ ଆରମ୍ଭ ହୋଇଥିବା ଲିଗ୍ ୩ ଦିନ ଧରି ଚାଲିବ। ଏହା ଲିଗ୍ର ପ୍ରଥମ ପର୍ଯ୍ୟାୟ। ପ୍ରତିଯୋଗିତାର ଦ୍ୱିତୀୟ ଲେଗ୍ ଡିସେମ୍ବରରେ କେପ୍ଟାଉନଠାରେ ଅନୁଷ୍ଠିତ ହେବ। କ୍ୱାଲିଟି ମହିଳା ଖେଳାଳି ବାହାର କରିବା ଲାଗି ଆମେ ଅଧିକ ପ୍ରତିଦ୍ୱନ୍ଦ୍ୱିତାମୂଳକ ମ୍ୟାଚ୍ ଯୋଗାଇବାକୁ ଉଦ୍ୟମ କରୁଛୁ। ଲିଗ୍ ଦ୍ୱାରା ଜାତୀୟ ଦଳର ଖେଳାଳିଙ୍କ ସଂଖ୍ୟା ମଧ୍ୟ ବୃଦ୍ଧି ପାଇବ ବୋଲି ସିଏସ୍ଏ ମୁଖ୍ୟ ପାଥଓ୍ବେଜ ଏଡ୍ବାର୍ଡ ଖୋଜା କହିଛନ୍ତି।
