ଭବାନୀପାଟଣା,୨୨।୯(ଡି.ଏନ.ଏ.)
ଭବାନୀପାଟଣାସ୍ଥିତ କର୍ମଚାରୀ ଭବନଠାରେ ଶନିବାର ସନ୍ଧ୍ୟାରେ ଭାବଗ୍ରାହୀ ନାୟକଙ୍କ ସଭାପତିତ୍ୱରେ ଜିଲା ୪ର୍ଥ କର୍ମଚାରୀ ସଂଘ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ଉପଦେଷ୍ଟା ରୂପକେଶର ଦଳାଇ, ଅଶୋକ କୁମାର ନାଏକ, ଅମଲା ସଂଘ ସଭାପତି ସୁକାନ୍ତ ମହାପାତ୍ର, ୪ର୍ଥ ଶ୍ରେଣୀ ସଂଘ ଉପସଭାପତି ବିଶ୍ୱନାଥ ବାଗ, ସହ ସମ୍ପାଦକ ଡମ୍ବରୁଧର ବାଗ, କୋଷାଧ୍ୟକ୍ଷ ବିଶ୍ୱନାଥ ମୁଣ୍ଡ ଏବଂ ସଂଘ କର୍ମକର୍ତ୍ତାମାନେ ଯୋଗଦେଇଥିଲେ। ସଂଘ ସମ୍ପାଦକ ଶୁକଦେବ ମାଝି ସପ୍ତମ ବେତନ ମୁତାବକ ଘରଭଡା ଓ ତା.୧/୧/୨୦୧୬ରିଖଠାରୁ ବକେୟା ଥିବା ଶତକଡା ୬୦ % ଦରମା ତୁରନ୍ତ ପ୍ରଦାନ କରିବା ପାଇଁ ସ୍ଥିର କରାଯାଇଥିଲା। ଯଦି ଏହା ପୂରଣ ନ ହେଲେ ଭବିଷ୍ୟତରେ ଆନ୍ଦୋଳନ କରିବା ପାଇଁ ନିଷ୍ପତ୍ତି ନିଆଯାଇଥିଲା । ସରକାରଙ୍କ ନୀୟମ ମୁତାବକ ୪ର୍ଥ ଶ୍ରେଣୀ କର୍ମଚାରୀ ୧୦ ବର୍ଷ ଚାକିରୀ ଓ ୧୦ମ ପାସ କରିଥିଲେ, ଖାଲିଥିବା କନିଷ୍ଠ ସହାୟକ ପଦବୀରୁ ଶତକଡା ୧୦% ପଦୋନ୍ନତି ଦେବା କଥା । କିନ୍ତୁ ଜିଲାରେ ଗତ ୨୦୦୪ଠାରୁ ଆଜି ପର୍ଯ୍ୟନ୍ତ ଦିଆଯାଇନାହିଁ । ଏଥିପାଇଁ କର୍ମଚାରୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଜିଲା ପ୍ରଶାସନ ଏଥି ପ୍ରତି ତୁରନ୍ତ ପଦକ୍ଷେପ ନେବା ପାଇଁ ସଭାପତି ଜଣାଇବା ପାଇଁ ପ୍ରତିଶ୍ରୁତି ଦେଇଥିଲେ । ସମ୍ପାଦକ ଶୁକଦେବ ମାଝିୁ ଧନ୍ୟବାଦ ଦେଇଥିଲେ ।
