ଭାଲେଣ୍ଟାଇନ୍ ଡେ’ ହେଉଛି ପ୍ରେମ ପରିପ୍ରକାଶର ଦିନ। ପ୍ରେମୀଯୁଗଳ ଏହିଦିନଟିକୁ ବେଶ୍ ଉତ୍ସାହର ସହ ଅପେକ୍ଷା କରିଥାନ୍ତି। ବଲିଉଡ୍ ଷ୍ଟାରମାନେ ମଧ୍ୟ ଏହିଦିନକୁ ସ୍ବତନ୍ତ୍ର ଭାବରେ ପାଳନ କରିବା ପାଇଁ କେତେ କ’ଣ ତରିକା ଆପଣାଇଥାନ୍ତି। ଏଥିରୁ ବାଦ୍ ପଡ଼ିନାହାନ୍ତି ଅଭିନେତା ରାଜକୁମାର ରାଓ। ସେ ତାଙ୍କର ଗାର୍ଲଫ୍ରେଣ୍ଡ୍ ପତ୍ରଲେଖାଙ୍କ ପାଇଁ ଭାଲେଣ୍ଟାଇନ୍ ଦିନକୁ ଅଭୁଲା ତଥା ସ୍ମରଣୀୟ କରିବାକୁ ଚାହାନ୍ତି। ଏପରି ଖାସ୍ ଦିନରେ ପତ୍ରଲେଖାଙ୍କୁ ଚିଠି ଲେଖି ନିଜର ପ୍ରେମ ଜାହିର କରିଛନ୍ତି। ରାଜକୁମାରଙ୍କ ଏହି ତରିକା ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି।
ରାଜକୁମାର ଏହି ଚିଠିକୁ ସୋସିଆଲ ମିଡିଆରେ ଶେୟାର କରିଛନ୍ତି। ଯାହା ଖୁବ୍ ଭାଇରାଲ ହେବାରେ ଲାଗିଛି। ଚିଠି ଜରିଆରେ ରାଜକୁମାର ପତ୍ରଲେଖାଙ୍କୁ କେତେ ଭଲ ପାଆନ୍ତି ତାହା ଜଣାଇଛନ୍ତି। ଏଥିରେ ଲେଖିଛନ୍ତି ଡିୟର ପତ୍ରଲେଖା, ଏହା ହେଉଛି ପ୍ରେମର ମାସ। ଶବ୍ଦ ଏବଂ ଇସାରା ଜରିଆରେ ଏହାକୁ ପରିପ୍ରକାଶ କରିବି ବୋଲି ଭାବିଥିଲି। ଭାବିଥିଲି ମୋ’ର କିଏ ଗାର୍ଲଫ୍ରେଣ୍ଡ୍ ହୁଅନ୍ତା କି ମୁଁ ବି ଏମିତି ସ୍ବତନ୍ତ୍ର ଦିନରେ ପ୍ରେମ ଜାହିର କରନ୍ତି। ମୋ’ ମନର ପରିଭାଷାକୁ ଏହି ଖାସ୍ ଦିନରେ ଗୋଟି ଗୋଟି କରି ପ୍ରେମିକା ଆଗରେ କହିଦିଅନ୍ତି। ଚିଠି ମାଧ୍ୟମରେ ମୋ’ ପ୍ରେମ ପରିପ୍ରକାଶ ତୁମକୁ କେମିତି ଲାଗୁଛି। ସେ ଆହୁରି ଲେଖିଛନ୍ତି, ଏମିତି ମଧ୍ୟ ହୋଇଛି ମୁଁ ଅନେକ ଥର ପ୍ରେମରେ ପାଗଳ ହୋଇଛି। ଯାହା କୁହାଯାଏ ପ୍ରେମ ଅନ୍ଧ, ପ୍ରେମ ପାଗଳ। ଏହି କଥା ସତ। ବାସ୍ତବରେ ମୁଁ ପ୍ରେମ ପାଗଳ।
https://www.instagram.com/p/B8d-JMRJvg3/?utm_source=ig_web_copy_link
