ସୋନପୁର,୮।୧: ୯ ମାସର ବ୍ୟବଧାନ ପରେ ସୁବର୍ଣ୍ଣପୁର ଜିଲାର ଧାର୍ମିକସ୍ଥଳଗୁଡିକ ଜନସାଧାରଣଙ୍କ ଦର୍ଶନ ଓ ଉପାସନା ପାଇଁ ଶୁକ୍ରବାର ଖୋଲିଛି। ଜିଲାର ଇଷ୍ଟଦେବୀ ସୁରେଶ୍ୱରୀଙ୍କ ସମେତ ଇଷ୍ଟ ଦେବତା ସୁବର୍ଣ୍ଣମେରୁ, ରାମେଶ୍ୱର, ଗୋକର୍ଣ୍ଣେଶ୍ୱେର, ପଞ୍ଚରଥ, ପଶ୍ଚିମ ସୋମନାଥ, ବୈଦ୍ୟନାଥର କୋଶଲେଶ୍ୱର, ଚରଦା, ଗୋଧନେଶ୍ୱର, ଚମ୍ପେଶ୍ୱର ଶୈବ ପୀଠ ସମେତ, ସୋନପୁର, ବୀରମହାରାଜପୁର, ତରଭା, ବିନିକା ଜଗନ୍ନାଥ ମନ୍ଦିର, ସୋନପୁର ଦୁର୍ଗା ମନ୍ଦିର, କୋଟସମଲାଇ ସ୍ଥିତ ପାତାଳି ଶ୍ରେକ୍ଷେତ୍ର, ସମସ୍ତ ମନ୍ଦିର, ମସଜିଦ୍ ଓ ଗୀର୍ଜା ଶୁକ୍ରବାରଠାରୁ ଖୋଲିଛି। ନୀତିକାନ୍ତି ସମ୍ପନ୍ନ ପରେ ଶ୍ରଦ୍ଧାଳୁମାନେ ଭକ୍ତିର ସହ ପୂଜା, ଉପାସନା କରିଛନ୍ତି। ଦେବୋତ୍ତର ବିଭାଗ ପକ୍ଷରୁ ଗୁରୁବାର ଧାର୍ମିକସ୍ଥଳର ଟ୍ରଷ୍ଟି, କର୍ମକର୍ତ୍ତା, ପୂଜକ ଓ ଧାର୍ମିକ ଅନୁଷ୍ଠାନର କର୍ମକର୍ତ୍ତାଙ୍କ ସହ ଆଲୋଚନା କରାଯାଇଥିଲା। ଜିଲା ପ୍ରଶାସନ ପକ୍ଷରୁ କୋଭିଡ୍ ଗାଇଡଲାଇନ୍ ଅନୁସାରେ ପ୍ରସ୍ତୁତ ଏସ୍ଓପି(ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଡ୍ୟୁର) ପାଳନ କରି ଧାର୍ମିକସ୍ଥଳଗୁଡିକୁ ଖୋଲିବାକୁ ଅନୁମତି ଦିଆଯାଇଛି। ସପ୍ତାହର ଗୋଟିଏ ଦିନ ମନ୍ଦିର, ମସ୍ଜିଦ୍, ଗୁରୁଦ୍ୱାର ଓ ଚର୍ଚ୍ଚଆଦିକୁ ବନ୍ଦ କରି ପରିସରକୁ ସାନିଟାଇଜ୍ କରାଯିବ।
