ନୂଆଦିଲ୍ଲୀ, ୧୫।୫: ଲୋକସଭା ନିର୍ବାଚନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଭିନ୍ନ ଟିଭି ଚ୍ୟାନେଲକୁ ସାକ୍ଷାତକାର ଦେଉଛନ୍ତି। ନିକଟରେ ସେ ଦେଇଥିବା ଏକ ସାକ୍ଷାତକାର ଏବେ ଚର୍ଚ୍ଚାରେ ରହିଛି। ଏଥିରେ ମୋଦିଙ୍କୁ କ’ଣ ଖାଇବାକୁ ପସନ୍ଦ ଲାଗେ ବୋଲି ପଚରାଯାଇଥିଲା। ଏହାର ଉତ୍ତରରେ ସେ କହିଥିଲେ, ମିଠା ଏବଂ ଖେଚୁଡି ଖାଇବାକୁ ମୋତେ ପସନ୍ଦ ଲାଗେ। ଖାଦ୍ୟ ଖାଇବାକୁ ଯେତିକି ଭଲ ନ ଲାଗେ ରାନ୍ଧିବାକୁ ତା’ଠାରୁ ଅଧିକ ପସନ୍ଦ ଲାଗେ। ରୋଟି ବେଲିବାଠାରୁ ଆରମ୍ଭ କରି ଖେଚୁଡି ପ୍ରସ୍ତୁତି ପର୍ଯ୍ୟନ୍ତ ମୁଁ ନିଜେ କରିପାରେ। ମୁଁ ଭଲ ରୋଷେଇ କରିପାରେ ବୋଲି ମୋଦି କହିଛନ୍ତି। ଆପଣ ରୋଷଇ କେମିତି ଜାଣିଲେ ବୋଲି ପଚରାଯିବାରୁ ମୋଦି କହିଥିଲେ, ମୋ ଜୀବନ ଏମିତି ବିତିଛି। ଗତ ୫ବର୍ଷ ହେଲା କୌଣସି ଖାଦ୍ୟ ପ୍ରସ୍ତୁତ କରିପାରି ନାହିଁ ବୋଲି ମୋଦି କହିଛନ୍ତି।
