ଖପ୍ରଖୋଲ, ୩୦ା୯ (ଡି.ଏନ.ଏ.) : ବଲାଙ୍ଗୀର ଜିଲା ଖପ୍ରାଖୋଲ ସଦର ମହକୁମାରେ ଝାଡାବାନ୍ତି ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି ା ଶନିବାର ଆଠ ଜଣ ଆକ୍ରାନ୍ତ ହୋଇଥିବାବେଳେ ସୋମବାର ଏହି ସଂଖ୍ୟା ୧୩ରେ ପହଞ୍ଚିଛି ା ଦୂଷିତ ପାଣି ଯୋଗୁଁ ଏଭଳି ହୋଇଥିବା ଅନୁମାନ କରି ସ୍ବାସ୍ଥ୍ୟ ବିଭାଗ ପାଇପ ଜଳ ଯୋଗାଣ ବନ୍ଦ କରାଇଛି। ଏଥିସହିତ ଗାଁରେ ସଚେତନତା ପାଇଁ ସଭା କରାଯାଇଛି। ମାଇକ ଯୋଗେ ପ୍ରଚାର କରାଯାଇ ଲୋକଙ୍କୁ ସଚେତନ କରାଯାଉଛି। ପାଣି ଫୁଟାଇ ପିଇବା, ନଳକୂଅ ପାଣି ବ୍ୟବହାର, ନିଜ ଘର ଚାରିପାଖ ସଫା କରିବା, ହେଲୋଜିନ ବଟିକା ଓ ବ୍ଲିଚିଙ୍ଗ ପାଉଡର ବଣ୍ଟନ ଆଦି କାର୍ଯ୍ୟକ୍ରମ ହାତକୁ ନିଆଯାଇଛି। ଏହି ଅବସରରେ ଜିଲା ମହାମାରୀ ବିଶେଷଜ୍ଞ ଡା.ସତୀଶ କୁମାର ନାଏକ ପହଞ୍ଚି ରୋଗୀଙ୍କ ସ୍ବାସ୍ଥ୍ୟାବସ୍ଥା ପଚାରି ବୁଝିଛନ୍ତି। ଏହି ଅବସରରେ ପ୍ରହରି ମଣ୍ଡପଠାରେ ଏକ ସଚେତନତା ସଭା ବ୍ଲକ ଜନସ୍ବାସ୍ଥ୍ୟ ସମ୍ପ୍ରସାରଣ ଅଧିକାରୀ ବାଳଚନ୍ଦ୍ର ଛତ୍ରିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ମହାମାରୀ ବିଶେଷଜ୍ଞ ଡା. ନାଏକ, ଡା.ମିନତୀ ହେମ୍ରମ୍, ସ୍ବାସ୍ଥ୍ୟକର୍ମୀ ସୁଶୀଲ କୁମାର ଭୋଇ, ଏଏନଏମ୍ ରୀତାଞ୍ଜଳି ସାହୁ, ଆଶାକର୍ମୀ, ଅଙ୍ଗନଓ୍ବାଡି କର୍ମୀ, ସ୍ବୟଂ ସହାୟକ ଦଳ ମହିଳା ପ୍ରମୁଖ ଉପସ୍ଥିତ ଥିଲେ ା ସନ୍ଧ୍ୟାରେ ପାଟଣାଗଡ ବିଧାୟକ ସରୋଜ କୁମାର ମେହେର ଖପ୍ରାଖୋଲ ଡାକ୍ତରଖାନାରେ ପହଞ୍ଚି ରୋଗୀଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଥିଲେ ା ଏ ନେଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ମେଡିକାଲ ଅଫିସର ଡା. ଉତ୍କଳମଣି ମେହେରଙ୍କୁ ପଚାରିବାରୁ ବର୍ତ୍ତମାନ ଖପ୍ରାଖୋଲ ଡାକ୍ତରଖାନାରେ ୩ ଜଣ, ପାଟଣାଗଡରେ ୪ଜଣ ଏବଂ ବଲାଙ୍ଗୀର ଡାକ୍ତରଖାନାରେ ଜଣେ ଚିକିତ୍ସିତ ହେଉଛନ୍ତି। ଅନ୍ୟ ପାଞ୍ଚ ଆକ୍ରାନ୍ତଙ୍କୁ ଚିକିତ୍ସା ପରେ ସେମାନଙ୍କ ଘରକୁ ପଠାଇ ଦିଆଯାଇଛି। ସ୍ଥିତି ନିୟନ୍ତ୍ରଣାଧୀନ ଥିବା ଡାକ୍ତର ମେହେର ପ୍ରକାଶ କରିଛନ୍ତି।
