ବ୍ରହ୍ମପୁର ଅଫିସ,୯ା୩: ଦେଶରେ କରୋନା ଭୂତାଣୁ ସଂକ୍ରମିତ ଚିହ୍ନଟ ହୋଇଛନ୍ତି। ଓଡ଼ିଶାରେ କେହି ଏପରି ଚିହ୍ନଟ ହୋଇନାହାନ୍ତି। ତେଣୁ ଗଞ୍ଜାମ ଜିଲାରେ ଏହି ଭୂତାଣୁକୁ ନେଇ ଭୟ କରିବାର କୌଣସି କାରଣ ନାହିଁ। କେବଳ ସଚେତନ ରହିବା ଆବଶ୍ୟକ ବୋଲି ରବିବାର ବ୍ରହ୍ମପୁର ମହାନଗର ନିଗମ(ବିଏମସି) ସମ୍ମିଳନୀ କକ୍ଷରେ ଆୟୋଜିତ ଖବରଦାତା ସମ୍ମିଳନୀରେ ଜିଲାପାଳ ବିଜୟ ଅମୃତା କୁଲାଙ୍ଗେ କହିଛନ୍ତି ା ବାହାରକୁ ନ ଯାଇ ଘରେ ହୋଲି ପର୍ବ ପାଳନ କରିବାକୁ ସେ ପରାମର୍ଶ ଦେଇଛନ୍ତି। କାଶ, ଥଣ୍ଡା, ଜ୍ୱର ଭଳି ଲକ୍ଷଣ ଦେଖାଦେଲେ ତୁରନ୍ତ ଡାକ୍ତରଙ୍କ ସହ ପରାମର୍ଶ କରିବା ସହ ଯେତେ ସମ୍ଭବ ଜନଗହଳିପୂର୍ଣ୍ଣ ସ୍ଥାନକୁ ନ ଯିବା ଆବଶ୍ୟକ ା କଫ, ଛେପରୁ ମଧ୍ୟ ଏହି ରୋଗ ବ୍ୟାପିବା ସମ୍ଭାବନା ରହିଥିବାରୁ ଏସବୁକୁ ଏଣେତେଣେ ନ ପକାଇବାକୁ ଜିଲାପାଳ କହିଛନ୍ତି ା ନିୟମିତ ହାତ ଧୋଇବା, ଜନଗହଳିପୂର୍ଣ୍ଣ ସ୍ଥାନରେ ମୁହଁରେ ରୁମାଲ କିମ୍ବା ମାକ୍ସ ପିନ୍ଧିବାକୁ ପରାମର୍ଶ ଦେଇଛନ୍ତି ା
ଏମକେସିଜି ମେଡିକାଲରେ କରୋନା ଆକ୍ରାନ୍ତଙ୍କ ପାଇଁ ୧୨ ଶଯ୍ୟା ବିଶିଷ୍ଟ ସ୍ବତନ୍ତ୍ର ଆଇସୋଲେଟେଡ ୱାର୍ଡ ଖୋଲାଯାଇଛି। ସେହିପରି ରୋଗୀଙ୍କ ସମ୍ପର୍କୀୟଙ୍କ ରହିବା ସକାଶେ ୨୦ ଶଯ୍ୟା ବିଶିଷ୍ଟ ସ୍ବତନ୍ତ୍ର କ୍ୱରେଣ୍ଟାଇନ୍ ୱାର୍ଡ, ୧୪ ଶଯ୍ୟା ବିଶିଷ୍ଟ ଚିକିତ୍ସା ୱାର୍ଡ ଖୋଲାଯାଇଛି ା ବର୍ତ୍ତମାନ ସୁଦ୍ଧା କୌଣସି ସନ୍ଦିଗ୍ଧ ଏହି ୱାର୍ଡରେ ଭର୍ତ୍ତି ହୋଇ ନ ଥିବା ଏମକେସିଜି ସୁପରିଣ୍ଟେଣ୍ଡେଣ୍ଟ ଡା. ଏସ.କେ ମିଶ୍ର ସୂଚନା ଦେଇଛନ୍ତି। ସ୍ପଶର୍ର୍ ଯୋଗୁ ମଧ୍ୟ ଏହି କରୋନା ଭୂତାଣୁ ବ୍ୟାପୁଥିବାରୁ ସନ୍ଦିଗ୍ଧ ଏକ ମିଟର ଦୂରରୁ ଅନ୍ୟ ସହ କଥା ହେବା ଓ ହାତ ନ ମିଳାଇବାକୁ ଜିଲା ମୁଖ୍ୟ ଜନସ୍ବାସ୍ଥ୍ୟ ଅଧିକାରୀ ଡା. ଜଗଦୀଶ ପଟ୍ଟନାୟକ ପରାମର୍ଶ ଦେଇଛନ୍ତି ା ବିଦେଶରୁ ଫେରୁଥିବା ବ୍ୟକ୍ତି ତୁରନ୍ତ ନିଜର ସ୍ବାସ୍ଥ୍ୟ ପରୀକ୍ଷା କରିବାକୁ କୁହାଯାଇଛି। ଖବରଦାତା ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ଜିଲା ଜନସ୍ବାସ୍ଥ୍ୟ ଅଧିକାରୀ ଡା. ସନ୍ତୋଷ କୁମାର ପାଢୀ, ଜାତୀୟ ସ୍ବାସ୍ଥ୍ୟ ମିଶନର ଜିଲା ପ୍ରକଳ୍ପ ଅଧିକାରୀ ଶ୍ୟାମସୁନ୍ଦର ତ୍ରିପାଠୀ, ଜିଲା ଏପିଡେମୋଲୋଜିଷ୍ଟ ଡା. ଅଶୋକ ମିଶ୍ର ପ୍ରମୁଖ ମଞ୍ଚାସୀନ ଥିଲେ ା
