ବ୍ରହ୍ମପୁର ଅଫିସ,୨୫ା୨-ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଭାରତ ଗସ୍ତକୁ ବିରୋଧ କରିଛି ଏସ୍ୟୁସିଆଇ (କମ୍ୟୁନିଷ୍ଟ) ା ସୋମବାର ଏନେଇ ବ୍ରହ୍ମପୁର କମାପଲ୍ଲୀ ଛକରେ ଏସ୍ୟୁସିଆଇ(କମ୍ୟୁନିଷ୍ଟ) ଗଞ୍ଜାମ ଜିଲା କମିଟି ପକ୍ଷରୁ ବିକ୍ଷୋଭ ପ୍ରଦର୍ଶନ କରଯାଇଥିଲା ା ଏସୟୁସିଆଇ ପକ୍ଷରୁ ଟ୍ରମ୍ପଙ୍କ କୁଶପୁତ୍ତଳିକା ଦାହ କରାଯାଇଥିଲା ା ଟ୍ରମ୍ପଙ୍କ ଭାରତ ଆଗମନ ଦ୍ୱାରା ଦେଶର ସାଧାରଣ ଜନତା କୌଣସି ଉପକୃତ ହେବେ ନାହିଁ ା ଏହାସତ୍ତ୍ୱେ ଟ୍ରମ୍ପଙ୍କ ଗସ୍ତ ଅବସରରେ ଭାରତ ସରକାର ଗୋଟିଏ ଦିନ ପାଇଁ ଶହେ କୋଟି ଟଙ୍କା ବ୍ୟୟ ଅଟକଳ କରିଛନ୍ତି ା ଅଥଚ ଦେଶରେ ବିପର୍ଯ୍ୟସ୍ତ ଶିକ୍ଷା, ସ୍ବାସ୍ଥ୍ୟ ବ୍ୟବସ୍ଥାକୁ ସଜାଡିବା ଦିଗରେ ଅର୍ଥ ବ୍ୟୟବରାଦ ପାଇଁ ସରକାର କୁଣ୍ଠାବୋଧ କରୁଛନ୍ତି ା
ସରକାର ଦେଶବାସୀଙ୍କ ଜରୁରୀ ସମସ୍ୟାଗୁଡିକର ସମାଧାନ ଓ ଭିତ୍ତିଭୂମି ସଜାଡିବା ଦିଗରେ ଧ୍ୟାନ ନ ଦେଇ ଟ୍ରମ୍ପଙ୍କ ନିମନ୍ତ୍ରଣ ପାଇଁ ସରକାରୀ ରାଜକୋଷରେ ସଞ୍ଚିତ ଜନସାଧାରଣଙ୍କ ଶହ ଶହ କୋଟି ଟଙ୍କା ଖର୍ଚ୍ଚ କରିବା ଅତ୍ୟନ୍ତ ଦୁର୍ଭାଗ୍ୟର ବିଷୟ ା ଏଭଳି କରି ସରକାର ଭାରତର ନାଗରିକ ଓ ଜନସାଧାରଣଙ୍କ ପ୍ରତି ବିଶ୍ୱାସଘାତକତା କରିଛନ୍ତି ବୋଲି ଏସ୍ୟୁସିଆଇ ବିକ୍ଷୋଭ ସମାବେଶରେ କହିଛି। ବିକ୍ଷୋଭ ସମାବେଶରେ ଏସ୍ୟୁସିଆଇ(କମ୍ୟୁନିଷ୍ଟ) ଜିଲା ସାଂଗଠନିକ କମିଟି ସମ୍ପାଦକ ସୋମନାଥ ବେହେରାଙ୍କ ସମେତ ଶିବାନୀ ଶଙ୍କର ମିଶ୍ର, ନିମାଇଁ ଚରଣ ସାହୁ, କାର୍ତ୍ତିକ ମହାନ୍ତି, ପପୁନ ସାହୁ, ନାରାୟଣ ସାହୁ ଓ ବିଭୂତି ଭୂଷଣ ସାହୁ ପ୍ରମୁଖ ସାମିଲ ହୋଇଥିଲେ ା
