ପ୍ରାକୃତିକ ସମ୍ପଦର କ୍ଷତି ନ କରି ଏକ ପରିବେଶ ଉପଯୋଗୀ ଘର ନିର୍ମାଣ କରିବା କଷ୍ଟକର ହେଲେ ବି ତାହା ସମ୍ଭବ ହୋଇପାରିଛି ହାଇଦ୍ରାବାଦର ଏକ ପିତା-ପୁତ୍ର ଯୋଡ଼ିଙ୍କ ଦ୍ୱାରା। ଏମାନେ ହେଉଛନ୍ତି ଏମ୍.ଭି. ରାମଚନ୍ଦ୍ରାଡୁ ଏବଂ ଭବାନୀ। ପିତା-ପୁତ୍ର ମିଶି ଏକ ଶିପିଂ କଣ୍ଟେନରକୁ ପରିବେଶ ଉପଯୋଗୀ ଦୁଇ ମହଲା ବିଶିଷ୍ଟ ଘର କରିପାରିଛନ୍ତି। ଶିପିଂ କଣ୍ଟେନରକୁ କାର୍ଗୋ କମ୍ପାନୀରୁ ସେମାନେ କିଣିଛନ୍ତି। ଘରକୁ ଏଭଳି ନିର୍ମାଣ କରିଛନ୍ତି ଯେ ସେଥିରେ ସୌର ଶକ୍ତି ଉପତ୍ାଦନ କରି ଆବଶ୍ୟକ ଚାହିଦା ପୂରଣ କରିପାରୁଛନ୍ତି। ଏହାବ୍ୟତୀତ ବର୍ଷକୁ ଏହି ଘରେ ୪୦,୦୦୦ ଲିଟର ବର୍ଷାଜଳ ସଂରକ୍ଷଣ କରିବାର ବ୍ୟବସ୍ଥା କରିଛନ୍ତି। ଏହି ଜଳକୁ ବଗିଚା ଓ ଅନ୍ୟ କାମରେ ବ୍ୟବହାର କରାଯାଉଛି। ୫୭ ବର୍ଷୀୟ ରାମଚନ୍ଦ୍ରାଡୁ ୩୦ ବର୍ଷ ହେଲା ପରିବେଶ ସୁରକ୍ଷା ଦିଗରେ କାର୍ଯ୍ୟ କରୁଛନ୍ତି। ସେ ଶିପିଂ କଣ୍ଟେନରରେ କରିଥିବା ଘରେ ସାଇକେଲ ରିମ୍, ପୁରୁଣା ଗ୍ଲାସ୍ ଡୋର, ପୁରୁଣା ଷ୍ଟିିଲ୍ ପାଇପ ଆଦି ଉପଯୋଗ ହୋଇଛି। ଭଙ୍ଗା ସେରାମିକ ମଧ୍ୟ ବ୍ୟବହାର ହୋଇଛି।
