ଅଭିନୟ ପ୍ରେମୀ ରୋହନ

‘ଯାତ୍ରା ଏମିତି ଏକ କ୍ଷେତ୍ର ଯେଉଁଠି ପୁରସ୍କାର ସଙ୍ଗେ ସଙ୍ଗେ ମିଳିଥାଏ। ସେଥିପାଇଁ ଅପେକ୍ଷା କରିବାକୁ ପଡ଼େନା।’ ଏକଥା କହନ୍ତି ସିରିଏଲ୍‌ରୁ ଯାତ୍ରାକୁ ଆସି ନିଜ ପାଇଁ ଏକ ସ୍ବତନ୍ତ୍ର ସ୍ଥାନ ତିଆରି କରି ପାରିଥିବା ଅଭିନେତା ରୋହନ୍‌ ଓରଫ୍‌ ଈଶ୍ୱର କୁମାର ଭଞ୍ଜଦେଓ। ଖୋର୍ଦ୍ଧା ଜିଲାର ଗଡ଼ହଳଦିଆ ଗ୍ରାମରେ ଜନ୍ମ ହୋଇଥିବା ରୋହନଙ୍କର ପିଲାବେଳୁ ଯାତ୍ରା ପ୍ରତି ରୁଚି ଥିଲା। ଗଁାରେ ହେଉଥିତ୍ବା ଯାତ୍ରା ତଥା ସ୍କୁଲ ଡ୍ରାମାରେ ରୋଲ୍‌ କରି ସେ ପୁରସ୍କାର ଜିତୁଥିଲେ। ତେବେ ସେ ଏକଥା ଜାଣି ନ ଥିଲେ ଯେ, ସେ ଦିନେ କଳାକୁ ନିଜର ପେସା କରିବେ। ଗ୍ରାଜୁଏଶନ୍‌ ପରେ ତାଙ୍କୁ ସିରିଏଲ୍‌ରୁ ଅଫର ମିଳିଲା। ‘ବଡ଼ଘର ବଡ଼ ଗୁମର କଥା’, ‘ବଧୂ’, ‘କୁମ୍‌କୁମ୍‌’, ‘କଥା ତ ଏତିକି’ ଆଦି ଧାରାବାହିକରେ ଅଭିନୟ କରି ବେଶ୍‌ ସୁନାମ ଅର୍ଜନ କଲେ। ତେବେ ସେ ଗୋଟିଏ କଥା ଅନୁଭବ କଲେ ଯେ ସିରିଏଲ୍‌ରେ ଅଭିନୟ କଲେ ହୁଏତ ସୁନାମ ମିଳିପାରିବ। ମାତ୍ର ଠିକ୍‌ ଭାବରେ ପରିବାର ପ୍ରତିପୋଷଣ କରିହେବ ନାହିଁ। ଆଉ ସେତିକିବେଳେ ହିଁ ତାଙ୍କୁ ଅଫର ମିଳିଲା ଯାତ୍ରାରେ ଯୋଗଦେବା ପାଇଁ। ଆଉ ସେ ସାମାନ୍ୟ ବିଳମ୍ବ ନ କରି ଚାଲି ଆସିଲେ ଯାତ୍ରାକୁ। ପ୍ରଥମ ନାଟକ ଥିଲା କିଶୋର ଖଣ୍ଡୁଆଳଙ୍କ ‘କଥା ଥିଲା ଫଗୁଣକୁ’। ଏଥିରେ ସେ ଖଳ ଚରିତ୍ରରେ ମଞ୍ଚକୁ ଆସିଲେ। ବାସ୍‌, ଆଉ ପଛକୁ ଫେରି ଚାହିଁବାର ଅବକାଶ ମିଳିନାହିଁ। ସେ ‘ଗୌରୀ ଗଣନାଟ୍ୟ’ ଭଳି ନାଟ୍ୟସଂସ୍ଥାରେ ଅଭିନୟ କରି ଏବେ ଆସି ପହଞ୍ଚତ୍ଛନ୍ତି ‘ଶିବାନୀ ଗଣନାଟ୍ୟ’ରେ। ତାଙ୍କ ଅଭିନୀତ ନାଟକଗୁଡ଼ିକ ମଧ୍ୟରେ ରହିଛି ‘ସ୍ବାମୀର ସିନ୍ଦୂର ସତ ଲାଗୁନି’, ‘ମୋ ଠିକଣା ମୋତେ ଅଜଣା’, ‘ସବୁ ଉପରବାଲାର ଖେଳ’, ‘ଧରମ ସ୍ତ୍ରୀ’, ‘ରଜନୀ ସଜନୀ ରାତି ପାହିଲା’, ‘ବରଣୀ କନିଅଁା ବରଷା ରାଣୀ’, ‘ଚାଲ କରିବା ଠିଆପାଲା’, ‘ରାମ ବନବାସ କାହାଣୀ ଶେଷ’, ‘ରୂପ ରାଇଜର ରାଜକୁମାରୀ’ ଏବଂ ଆହୁରି ଅନେକ। ଚଳିତବର୍ଷ ‘ଶିବାନୀ ଗଣନାଟ୍ୟ’ର ସେ ଦୁଇଗୋଟି ନାଟକରେ ଅଭିନୟ କରିଛନ୍ତି। ‘ବାହାଘର ନୁହେଁ ବାହା ବଜାର’ ଏବଂ ‘ସବୁ ଅଧାଅଧା ନଁାଟି ରାଧା’। ଅଭିନୟ ହେଉଛି ରୋହନଙ୍କ ଜୀବନର ପ୍ରଥମ ପ୍ରେମ। ସେ ସବୁବେଳେ ଅଭିନୟକୁ ଗୁରୁତ୍ୱ ଦିଅନ୍ତି। ଯେଉଁ ଚରିତ୍ର ମିଳିଲା ତାହାକୁ କିପରି ନ୍ୟାୟ ଦେବେ ସେହିକଥା ଚିନ୍ତାକରନ୍ତି। ଆଗାମୀ ଦିନରେ ଖୁବ୍‌ ଭଲ ଅଭିନୟ କରି ତାଙ୍କର ପ୍ରିୟ ଦର୍ଶକମାନଙ୍କୁ ମନୋରଞ୍ଜନର ଖୋରାକ ଯୋଗେଇବେ ବୋଲି କହିଛନ୍ତି ଏହି ଅଭିନେତା।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?