ଆଜିକାଲି ଯୁବପିଢ଼ି ରିଲ୍ କରିବା ଚକ୍କରରେ କିଛି ବି କରିବାକୁ ପଛାଉନାହାନ୍ତି। କେଉଁଠି ବିପଦ ଅଛି, ତାହା ଜାଣି ବି ଅଜଣା ହୋଇ ବିପଦକୁ ଆମନ୍ତ୍ରଣ କରୁଛନ୍ତି। ବର୍ତ୍ତମାନ ସୋସିଆଲ ମିଡିଆରେ ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ରେଲଓ୍ବେ ପ୍ଲାଟଫର୍ମରେ ଜଣେ ୟୁଟ୍ୟୁବର ବାଣ ଫୁଟାଇଛନ୍ତି। ପରେ ଯାହା ଘଟିଛି ଭିଡିଓ ଦେଖିଲ ଜାଣିବେ।
YouTuber bursting crackers on Railway Tracks!!
Such acts may lead to serious accidents in form of fire, Please take necessary action against such miscreants.
Location: 227/32 Near Dantra Station on Phulera-Ajmer Section.@NWRailways @rpfnwraii @RpfNwr @DrmAjmer @GMNWRailway pic.twitter.com/mjdNmX9TzQ— Trains of India 🇮🇳 (@trainwalebhaiya) November 7, 2023
୩୩ ସେକେଣ୍ଡର ଏହି ଭିଡିଓ। ଯାହାକି ୟୁଜରମାନଙ୍କୁ କ୍ରୋଧିତ କରିଛି। ଭିଡିଓରେ ଜଣେ ଯୁବକ ରେଳ ଟ୍ରାକ୍ ମଝିରେ ସାପ ବାଣରେ ନିଆଁ ଲଗାଉଛନ୍ତି। ଏହା ଜଳୁଥିବା ଦେଖିବାକୁ ମିଳିଛି। ଖୁବ୍ଶୀଘ୍ର ବାଣରୁ ଘନ କଳା ଧୂଆଁ ବାହାରି ବାୟୁମଣ୍ଡଳକୁ ବ୍ୟାପିଯାଉଛି। ଫୁଲେରା-ଅଜମେର ବିଭାଗର ଦାନ୍ତ୍ରା ଷ୍ଟେଶନ ନିକଟରେ ଏହି ଭିଡିଓ ଶୁଟିଂ କରାଯାଇଛି।
‘ରେଲଓ୍ବେ ଟ୍ରାକ୍ରେ ୟୁଟ୍ୟୁବର ଫୁଟାଇଥିବା ବାଣ କ୍ୟାପଶନ ଲେଖାଯାଇଛି। ଏଭଳି କାର୍ଯ୍ୟ ଗୁରୁତର ଦୁର୍ଘଟଣା ଘଟାଇପାରେ। ଦୟାକରି ଏହିପରି ଅଭିଯୁକ୍ତଙ୍କ ବିରୋଧରେ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କର। ‘ଭିଡିଓ କ୍ୟାପଶନରେ ଟ୍ରେନ୍ ଅଫ୍ ଇଣ୍ଡିଆ ଦ୍ୱାରା ଭିଡିଓ ଶେୟାର କରାଯାଇଛି।
ଭିଡିଓ ଦେଖି ୟୁଜରମାନେ ପ୍ରତିକ୍ରିୟା ପ୍ରକାଶ କରିଛନ୍ତି ଏବଂ ତାଙ୍କର ଅସାବଧାନତା ପାଇଁ ୟୁଟ୍ୟୁବରଙ୍କୁ ସମାଲୋଚନା କରି କହିଛନ୍ତି ଯେ, ଏପରି କାର୍ଯ୍ୟ ଗୁରୁତର ହୋଇପାରେ। ଏପରି ଉଲ୍ଲଂଘନକାରୀଙ୍କୁ କଠୋର ଦଣ୍ଡ ଦିଆଯିବା ସହ ରେଳବାଇକୁ ଯଥାଶୀଘ୍ର ପଦକ୍ଷେପ ନେବାକୁ କହିଛନ୍ତି।
ଏହି ଭିଡିଓ ଉପରେ ଉତ୍ତର ପଶ୍ଚିମ ରେଳ ବିଭାଗର ରେଳ ପରିଚାଳକ ଜୟପୁର ଏବଂ ରେଳ ସୁରକ୍ଷା ବଳକୁ ଏହି ଘଟଣାର ଦୃଷ୍ଟି ଦେବାକୁ ନିର୍ଦ୍ଦେଶ ଦେଇଛନ୍ତି। ବର୍ତ୍ତମାନ ଆର୍ପିଏଫ୍ ଭିଡିଓର ଅନୁସନ୍ଧାନ କରୁଛି।
