ଛତ୍ରପୁର,୩୦ା୬(ଦିଲ୍ଲୀପ ସାମଲ): ଗଞ୍ଜାମ ଜିଲା ଚମାଖଣ୍ଡି ଥାନା ଅଧୀନ ଜଗନ୍ନାଥପୁର ନିକଟ ରେଳ ଫାଟକ ନିକଟରେ ମେଣ୍ଢା ବୋଝେଇ ଟାଟା ଏସି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି l ମୃତ ଯୁବକ ଜଣକ ନରେନ୍ଦ୍ରପୁର ଗ୍ରାମର ଧନୁ ବାଡ଼ତ୍ୟା ବୋଲି ଜଣାପଡିଛି l
ସୂଚନାନୁଯାୟୀ ଧନୁ ଓଡି ୦୭ ଏଡବ୍ଲୁ ୨୭୦୪ ନମ୍ବର ବିଶିଷ୍ଟ ଏକ ବାଇକ୍ ଯୋଗେ ନିଜ ଘରୁ କାମକୁ ଯାଉଥିବା ବେଳେ ଓଡି ୦୨ ସିଏନ ୪୨୦୭ ନମ୍ବର ବିଶିଷ୍ଟ ଏକ ଟାଟା ଏସି ତାଙ୍କୁ ଧକ୍କା ଦେଇଥିଲା l ଘଟଣା ସ୍ଥଳରେ ହିଁ ଧନୁଙ୍କ ମୃତ୍ୟୁ ଘଟିଥିଲା l ଚମାଖଣ୍ଡି ପୋଲିସ ପଂହଁଚି ତଦନ୍ତ କରିବା ସହ ଶବ ବ୍ୟବଛେଦ କରିବା ପାଇଁ ପଠାଇଛି l ଘଟଣା ସ୍ଥଳରେ ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ ପଂହଁଚି ରେଡ କ୍ରସ ଫଣ୍ଡ ରୁ ତିରିଶି ହଜାର ଟଙ୍କା ପ୍ରଦାନ କରିବା ସହ ନିଜ ତରଫରୁ ଦଶ ହଜାର ଟଙ୍କା ସହାୟତା ରାଶି ପ୍ରଦାନ କରିଛନ୍ତି l
