ତୁମୁଡିବନ୍ଧ, ୧।୬(ଦିପକ କୁମାର ପରାସେଠ): କନ୍ଧମାଳ ଜିଲା ତୁମୁଡିବନ୍ଧ ବ୍ଲକ କଦମ ପଦର ଗ୍ରାମରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ଜମି ବିବାଦକୁ ନେଇ ବଡ଼ ଭାଇଙ୍କ ଟାଙ୍ଗିଆରେ ଚାଲିଗଲା ସାନ ଭାଇର ଜୀବନ। ସୂଚନା ପ୍ରକାରେ କଦମ ପଦର ଗ୍ରାମର ମୁଦୁ ପାତ୍ର ଏବଂ ଗାଉଁଟିଆ ପାତ୍ର ଦୁଇଭାଇଙ୍କ ମଧ୍ୟରେ ଦୀର୍ଘ ଦିନରୁ ଜମିଜମାକୁ ନେଇ ବିବାଦ ଚାଲି ଆସିଥିଲା । ହଠାତ୍ ଏହି ବିବାଦ ଉଗ୍ରରୂପ ନେଇଥିଲା ଏବଂ ଶେଷରେ ବଡ ଭାଇ ଗାଉଁଟିଆ ପାତ୍ର (୭୨)ଙ୍କ ଟାଙ୍ଗିଆ ଚୋଟରେ ସାନଭାଇ ମୁଦୁ ପାତ୍ର (୬୨)ଙ୍କ ମୃତ୍ୟୁ ହୋଇଛି। ଘଟଣାସ୍ଥଳରେ ତୁମୁଡିବନ୍ଧ ପୋଲିସ ପହଞ୍ଚି ଅଭିଯୁକ୍ତ ଗାଉଁଟିଆ ପାତ୍ରଙ୍କୁ ଗିରଫ କରିବା ସହ ପୋଲିସ ୭୩/୨୬ରେ ଏକ ହତ୍ୟା ମାମଲା ରୁଜୁ କରି ମୁଦୁ ପାତ୍ରଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ତୁମୁଡିବନ୍ଧ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇ ଦେଇଥିବା ତଦନ୍ତକରି ଅଧିକାରୀ ତୁମୁଡିବନ୍ଧ ଥାନା ଅଧିକାରୀ ଶୁଭ୍ରଜିତ ସାମନ୍ତରାୟ ସୂଚନା ଦେଇଛନ୍ତି ।
