ରାଇରଙ୍ଗପୁର,୨୮ା୧୨(ଡି.ଏନ୍.ଏ.): ମୟୂରଭଞ୍ଜ ଜିଲା ବହଳଦା ଥାନା ଅନ୍ତର୍ଗତ ଗମ୍ଭାରିଆ ଗ୍ରାମାଞ୍ଚଳ ୨୨୦ ନଂ ଜାତୀୟ ରାଜପଥରେ ବୁଧବାର ଏକ ଦୁର୍ଘଟଣା ଘଟିଛି। ଏଥିରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି।
ପ୍ରକାଶ ଯେ, ଆଜି ଅପରାହ୍ନରେ ଏକ ବୁଲେଟ୍ ଯୋଗେ ୨ ଜଣ ଯୁବକ ରାଇରଙ୍ଗପୁର ପଟୁ ବହଳଦା ଅଞ୍ଚଳକୁ ଯାଉଥିବା ବେଳେ ଗମ୍ଭାରିଆ ଗ୍ରାମ ନିକଟସ୍ଥ ୨୨୦ ନଂ ଜାତୀୟ ରାଜପଥ ଟର୍ନିଂରେ ଭାରସାମ୍ୟ ହରାଇ ବୁଲେଟ୍ରୁ ପଡ଼ି ଯାଇଥିଲେ। ଫଳରେ ସମୀର ଟୁଡୁ(୧୯)ଙ୍କ ମୃତ୍ୟୁ ଘଟିଥିଲା। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଛି।
