ନୂଆଦିଲ୍ଲୀ, ୯ା୧୨: ବିକଶିତ ଭାରତ ସଂକଳ୍ପ ଯାତ୍ରାକୁ ସମ୍ବୋଧିତ କରି ବିରୋଧୀଙ୍କୁ ପ୍ରତ୍ୟାଖାନ ଜନସାଧାରଣ କରିଥିବା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ତେଣୁକରି ସେମାନେ ସରକାରଙ୍କ ଯୋଜନାକୁ ବିରୋଧ କରି ସୋସିଆଲ ମିଡିଆରେ ନିର୍ବାଚନ ଜିତି ପାରିବେ ନାହିଁ, ଏଥିପାଇଁ ସେମାନଙ୍କୁ ଜନତାଙ୍କ ପାଖକୁ ଯିବାକୁ ପଡିବ।
ସରକାରଙ୍କ ବିରୋଧରେ ଠିଆ ହୋଇଥିବା ଲୋକ, ଜନସାଧାରଣଙ୍କ ବିବେକକୁ ଅଣଦେଖା କରିବା ପାଇଁ ନିଜ ରହସ୍ୟ ଉପରେ ଆଲୋକପାତ କରି ପ୍ରଧାନମନ୍ତ୍ରୀ ଏହା କହିଥିଲେ। ଯଦି ବିରୋଧୀ ଦଳମାନେ ରାଜନୈତିକ ସ୍ୱାର୍ଥ ପରିବର୍ତ୍ତେ ସେବା ଭାବନାକୁ ପ୍ରାଧାନ୍ୟ ଦେଇଥାନ୍ତେ, ତେବେ ଦେଶର ଜନସଂଖ୍ୟାର ଏକ ବଡ଼ ଅଂଶ ଦାରିଦ୍ର୍ୟରେ ରହିନଥାନ୍ତା ଏବଂ ମୋଦୀଙ୍କ ଆଜିର ଗ୍ୟାରେଣ୍ଟୀ ୫୦ ବର୍ଷ ପୂର୍ବେ ପୂରଣ ହୋଇଥାନ୍ତା ବୋଲି ସେ ଉଲ୍ଲେଖ କରିଥିଲେ।
ବିଭିନ୍ନ ସରକାରୀ ଯୋଜନାଗୁଡ଼ିକର ସୁଫଳ ଯେପରି ନିର୍ଦ୍ଧାରିତ ସମୟରେ ସମସ୍ତ ହିତାଧିକାରୀଙ୍କ ପାଖରେ ପହଞ୍ଚିପାରିବ ସେଥିପାଇଁ ସରକାରଙ୍କ ପ୍ରମୁଖ ଯୋଜନାଗୁଡିକର ସମନ୍ୱୟ ହାସଲ କରିବା ପାଇଁ ସମଗ୍ର ଦେଶରେ ବିକଶିତ ଭାରତ ସଂକଳ୍ପ ଯାତ୍ରା ଆୟୋଜନ କରାଯାଉଛି। ପ୍ରଧାନମନ୍ତ୍ରୀ ସମ୍ବୋଧିତ କରି ସୂଚନା ଦେଇଥିଲେ ଯେ ଏହି ଯାତ୍ରା ସମୟରେ ୧.୫ ଲକ୍ଷରୁ ଅଧିକ ହିତାଧିକାରୀ ସେମାନଙ୍କର ଅନୁଭୂତି ବାଣ୍ଟିଛନ୍ତି। କେନ୍ଦ୍ର ସରକାରଙ୍କ ର ବିଭିନ୍ନ ଉନ୍ନତି ମୂଳକ ଯୋଜନା ଯଥା ସ୍ଥାୟୀ ଘର, ଜଳ ସଂଯୋଗ, ଶୌଚାଳୟ, ମାଗଣା ଚିକିତ୍ସା, ମାଗଣା ରାସନ, ଗ୍ୟାସ ସଂଯୋଗ, ବିଦ୍ୟୁତ ସଂଯୋଗ, ବ୍ୟାଙ୍କ ଏକାଉଣ୍ଟ ଖୋଲିବା, ପିଏମ କିଷାନ ସମ୍ମାନ ନିଧି ଅଧୀନରେ ସୁବିଧା, ପିଏମ ଫସଲ ବୀମା ଯୋଜନା, ପିଏମ ସ୍ୱନିଧି ଯୋଜନା ଏବଂ ପିଏମ ସ୍ଵାମୀତ୍ୱ ସମ୍ପତ୍ତି କାର୍ଡ ଆଦି ବିଷୟରେ ସେ ଉଲ୍ଲେଖ କରିଥିଲ।
ଏହି ଯୋଜନା ଗୁଡିକୁ ବାରମ୍ବାର କୌଣସି ସରକାରୀ କାର୍ଯ୍ୟାଳୟକୁ ନଯାଇ ଦେଶର ବିଭିନ୍ନ ଗ୍ରାମର କୋଟି କୋଟି ପରିବାର ସରକାରଙ୍କ କୌଣସି ଯୋଜନାର ଲାଭ ପାଇଁ ପାରୁଛନ୍ତି। ସରକାର ହିତାଧିକାରୀଙ୍କୁ ଚିହ୍ନଟ କରିବା ପରେ ସେମାନଙ୍କୁ ସୁବିଧା ଦେବା ପାଇଁ ପଦକ୍ଷେପ ନେଇଥିବା ସେ ଉଲ୍ଲେଖ କରିଥିଲେ। ସେଥିପାଇଁ ଲୋକମାନେ କହୁଛନ୍ତି, ମୋଦୀ କି ଗ୍ୟାରେଣ୍ଟୀର ଅର୍ଥ ପ୍ରତିଶ୍ରୁତି ପୂରଣର ଗ୍ୟାରେଣ୍ଟୀ।
