କଟକ ଅଫିସ, ୩ା୨: ଶରୀର ସୁସ୍ଥ ରହିବା ପାଇଁ ମନକୁ ଶାନ୍ତ ରଖିବା ଆବଶ୍ୟକ। ମନର ସୁସ୍ଥତା ପାଇଁ ଦରକାର ଅନୁକୂଳ ପରିବେଶ ଓ ଉପଯୁକ୍ତ ପନ୍ଥା, ଯାହା ଯୋଗ ଦ୍ୱାରା ହିଁ ଉପଲବ୍ଧି ହୋଇଥାଏ। ନିୟମିତ ଯୋଗ କଲେ ମଣିଷ ଓ ପ୍ରକୃତି ମଧ୍ୟରେ ସମନ୍ବୟ ସ୍ଥାପିତ ହୋଇ ପ୍ରାପ୍ତହୁଏ ସମ୍ପୂର୍ଣ୍ଣ ସୁସ୍ଥତା। ବର୍ତ୍ତମାନ ସୁସ୍ଥ ରହିବାପାଇଁ ଯୁବପିଢିଙ୍କଠାରୁ ଆରମ୍ଭ କରି ବୃଦ୍ଧ ପର୍ଯ୍ୟନ୍ତ ସମସ୍ତେ ଆଗ୍ରହୀ। ସକାଳ ଓ ସାରେ ଯୋଗକେନ୍ଦ୍ରରେ ଲୋକଙ୍କ ଭିଡ଼ ଜମୁଛି, ଏହି ଭିଡ଼ ମଧ୍ୟରେ ବୟ୍ସ୍କ ବ୍ୟକ୍ତିଙ୍କ ସଂଖ୍ୟା ଅଧିକ ଥିବା ବେଳେ ଯୁବତୀଯୁବକମାନେ ମଧ୍ୟ ନଜର ଆସୁଛନ୍ତି। ଛୋଟ ପିଲାମାନେ ମଧ୍ୟ ଏଥିପ୍ରତି ଆକର୍ଷିତ ହେବାରେ ଲାଗିଲେଣି। ସବୁ ପିଢ଼ିର ଲୋକଙ୍କ ମଧ୍ୟରେ ଦିନକୁ ଦିନ ଯୋଗର ଚାହିଦା ବଢିବାରେ ଲାଗିଛି । ଆଗରୁ ବିଭିନ୍ନ ସ୍ଥାନରେ ନିଃଶୁଳ୍କ ଯୋଗକେନ୍ଦ୍ର ଚାଲିଥିଲା । ବର୍ତ୍ତମାନ ଯୋଗର ଗୁରୁତ୍ୱ୍ ଏତେ ବଢ଼ିଛି ଯେ ଲୋକମାନେ ଅର୍ଥ
ଦେଇ ଯୋଗ କେନ୍ଦ୍ରଗୁଡ଼ିକରେ ଯୋଗାଭ୍ୟାସ କରିବାକୁ ଯାଉଛନ୍ତି। ଏହାଛଡା ବିଭିନ୍ନ ପାର୍କରେ ମଧ୍ୟ ଲୋକମାନେ ଯୋଗାଭ୍ୟାସ କରୁଥିବା ଦେଖିବାକୁ ମିଳୁଛି। କେବଳ କଟକ ନୁହେଁ, ରାଜ୍ୟର ବିଭିନ୍ନ ସହର ଓ ଗ୍ରାମାଞ୍ଚଳରେ ଥିବା ଯୋଗକେନ୍ଦ୍ରରେ ସମାନ ଦୃଶ୍ୟ ନଜରକୁ ଆସୁଛି। ୪୦ରୁ ଊର୍ଦ୍ଧ୍ୱ ବୟସର ଲୋକେ ଯୋଗକୁ ଅଧିକ ଗୁରୁତ୍ୱ ଦେଉଥିବାବେଳେ ୧୮ରୁ ୩୦ ବର୍ଷର ଯୁବବର୍ଗ ଏଥିପ୍ରତି ଧୀରେ ଧିରେ ଆଗ୍ରହୀ ହେଉଛନ୍ତି। କଟକର ବିଭିନ୍ନ ସ୍ଥାନରେ ପ୍ରାୟ ୧୫ ରୁ ୨୦ଟି ଯୋଗ ପ୍ରଶିକ୍ଷଣ କେନ୍ଦ୍ର ଖୋଲିଛି।
-ସୁପ୍ରିୟା ପ୍ରିୟଦର୍ଶିନୀ
