ଓ୍ବାଶିଂଟନ୍: ବଲିଉଡ୍ର ଲୋକପ୍ରିୟ କଳାକାର ଶାହରୁଖ ଖାନ୍ଙ୍କର ୪ବର୍ଷ ହେବ କୌଣସି ଫିଲ୍ମ ରିଲିଜ୍ ହୋଇ ନ ଥିବାବେଳେ କିନ୍ତୁ ତାଙ୍କ ଷ୍ଟାର୍ଡମ୍ ଉପରେ ଏହାର କୌଣସି ପ୍ରଭାବ ପଡ଼ିନାହିଁ। ହଲିଉଡ୍ ଷ୍ଟାର ଟମ୍ କ୍ରୁସ୍, ଜର୍ଜ କ୍ଲୁନି, ଜ୍ୟାକି ଚାନ ରବର୍ଟ ଡେ ନିରୋଙ୍କୁ ପଛରେ ପକାଇ ଶାହାରୁଖ ବିଶ୍ୱର ସବୁଠୁ ଧନୀ ସେଲିବ୍ରିଟି ତାଲିକାର ଚତୁର୍ଥ ନମ୍ବର ସ୍ଥାନ ଅଧିକାର କରିଛନ୍ତି। ଶାହରୁଖ ବର୍ତ୍ତମାନ ୭୭୦ ନିୟୁତ ଡଲାରର ମାଲିକ। ଓ୍ବାଲର୍ଡ ଅଫ୍ ଷ୍ଟାଟିଷ୍ଟିକ୍ ପକ୍ଷରୁ ଏହି ସୂଚୀ ଜାରି କରାଯାଇଛି। ପ୍ରକାଶ ପାଇଥିବା ଲିଷ୍ଟର ପ୍ରଥମରେ ଅଛନ୍ତି ୧ ବିଲିୟନ୍ ଡଲାର ସମ୍ପତ୍ତିର ମାଲିକ ଜେରୀ ସେନଫିଲ୍ଡ। ଟାଇଲନ୍ ପେରି ଦ୍ୱିତୀୟ ସ୍ଥାନରେ ଥିବାବେଳେ ଡ୍ବାୟନି ଜୋନସନ୍ ତୃତୀୟ ସ୍ଥାନରେ ରହିଛନ୍ତି।
ଜାନୁୟାରୀ ୨୫ ରେ ରିଲିଜ୍ ହେବ ଶାହରୁଖ ଖାନ୍ଙ୍କ ଅପ୍କମିଂ ଫିଲ୍ମ ପଠାନ୍। ତେବେ ରିଲିଜ୍ ପୂର୍ବରୁ ଫିଲ୍ମକୁ ନେଇ ଅନେକ ବିବାଦ ମୁଣ୍ଡ ଟେକିଛି। ଏଥିରେ ଶାହରୁଖଙ୍କ ସହ ଦୀପିକା ପାଦୁକୋନ୍ ସ୍କ୍ରିନ୍ ଶେୟାର କରିଛନ୍ତି। ଫିଲ୍ମର ନିର୍ଦ୍ଦେଶନା ଦେଇଛନ୍ତି ସିଦ୍ଧାର୍ଥ ଆନନ୍ଦ।
