ଆଜି ଡିସେମ୍ବର ୧। ସମଗ୍ର ବିଶ୍ୱ ଏହି ଦିନକୁ ‘ବିଶ୍ୱ ଏଡସ ଦିବସ’ ପାଳନ କରେ। ୧୯୮୮ରୁ ଏଡସ ବିଷୟରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ଲକ୍ଷ୍ୟରେ ଏହି ଦିବସ ପାଳନ କରାଯାଉଛି। ଫଳରେ ଅନେକ ସଚେତନତା ଅଭିଯାନର ସାହାଯ୍ୟରେ ସମଗ୍ର ବିଶ୍ୱ ଏହି ବିପଜ୍ଜନକ ରୋଗ ବିଷୟରେ ଜାଣିପାରୁଛି। କିନ୍ତୁ ଏହି ରୋଗ ବିଷୟରେ ଆଉ ଏକ ପ୍ରଶ୍ନ ଅଛି ଯାହା ବିଷୟରେ ଅନେକ ଲୋକ ଏପର୍ଯ୍ୟନ୍ତ ଜାଣି ନାହାଁନ୍ତି। ସେହି ପ୍ରଶ୍ନଟି ହେଉଛି ପ୍ରଥମ ଏଡ୍ସ ଆକ୍ରାନ୍ତ ବ୍ୟକ୍ତି କିଏ ଥିଲେ ଏବଂ ଏହି ବିପଦପୂର୍ଣ୍ଣ ରୋଗ କିପରି ବ୍ୟାପିଗଲା। ୧୯୨୯ ମସିହାରେ କଙ୍ଗୋରେ ଏକ ସିମ୍ପାଜି ଦ୍ୱାରା ଏଚ.ଆଇ.ଭି. ଭୂତାଣୁ ବ୍ୟାପିତତ୍ବା କୁହାଯାଏ। କାମେରୁନ ଜଙ୍ଗଲରେ ଜଣେ ଶିକାରୀଙ୍କୁ ସିମ୍ପାଜି କାମୁଡ଼ି ଦେଇଥିଲା। ଏହା ପରେଶିକାରୀଙ୍କ ଶରୀରରେ ଗଭୀର କ୍ଷତ ସୃଷ୍ଟି ହୋଇଥିଲା। ଏହି ସମୟ ମଧ୍ୟରେ, ଆହତ ଶିମ୍ପାଜିର ରକ୍ତ ଶିକାରୀଙ୍କ ଶରୀରରେ ପ୍ରବେଶ କଲା ଏବଂ ପରେ ଏହା ଏଚ.ଆଇ.ଭି. ଭୂତାଣୁ ବୋଲି ପରେ ଜଣାପଡିଲା। ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ରର ରିପୋର୍ଟରେ ଆଉ କିଛି କୁହାଯାଇଛି। ତଦନୁସାରେ, ସମଲିଙ୍ଗୀ ଯୁବକଙ୍କ ଯୋଗୁ ଏହି ଭୂତାଣୁ ବ୍ୟାପିଗଲା। ୧୯୮୧ ମସିହାରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ପ୍ରାୟ ୩୮ ବର୍ଷ ପୂର୍ବେ ଆମେରିକାର ଲସ ଏଞ୍ଜେଲସରେ ପାଞ୍ଚ ଜଣଙ୍କଠାରେ ଏହି ଜୀବାଣୁ ମିଳିଥିଲା। ସମସ୍ତ ପାଞ୍ଚଜଣ ସମଲିଙ୍ଗୀ ଥିଲେ। ଏଚ.ଆଇ.ଭିର ପ୍ରଥମ ମାମଲା ଗ୍ୟାଟନ ଡୁଗାସ ନାମକ ଜଣେ ବ୍ୟକ୍ତିଙ୍କଠାରୁ ମିଳିଥିଲା। ଗ୍ୟାଟନ ବୃତ୍ତିରେ କାନାଡାର ଜଣେ ବିମାନ କର୍ମଚାରୀ ଥିଲେ। ସେ ଆମେରିକାର ଅନେକ ଲୋକଙ୍କୁ ସଂକ୍ରମିତ କରିବା ପାଇଁ ଉଦ୍ଦେଶ୍ୟମୂଳକ ଭାବେ ସମ୍ପର୍କ ସ୍ଥାପନ କରିଥିବା କୁହାଯାଏ। ଏହି କାରଣରୁ ତାଙ୍କ ନାମ ‘ପେସେଣ୍ଟ ଜିରୋ’ ରଖାଯାଇଥିଲା। ଆମେରିକାରେ ଏହି ରୋଗ ପ୍ରଥମେ ଚିହ୍ନଟ ହେବାର ପ୍ରଥମ ଆଠ ବର୍ଷ ୯୨ ପ୍ରତିଶତ ଏଚ.ଆଇ.ଭି ରୋଗୀ ପୁରୁଷ ଥିଲେ। ଧୀରେ ଧୀରେ ମହିଳା ରୋଗୀଙ୍କ ସଂଖ୍ୟା ବୃଦ୍ଧି ପାଇଲା।
