ଓ୍ବାଶିଂଟନ,୧।୧୨: ପୃଥିବୀର ସମସ୍ତ ଲୋକଙ୍କୁ ୨୦୨୨ ସୁଦ୍ଧା କରୋନା ଟିକା ଦିଆଯିବ। ୭ ଶହ କୋଟି ଲୋକଙ୍କ ପାଖରେ ୧୪ ଶହ କୋଟି ଟିକା ପହଞ୍ଚାଇବା ପାଇଁ ବିଭିନ୍ନ ବିମାନ କମ୍ପାନୀଗୁଡ଼ିକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ। ଟିକା ପରିବହନ କାର୍ଯ୍ୟରେ ୨୦୦୦ରୁ ଅଧିକ କାର୍ଗୋ ବିମାନ ଲଗାଯିବ। ୧୧୦ ଟନ୍ କ୍ଷମତା ବିଶିଷ୍ଟ ଜୁମ୍ବୋ ବିମାନକୁ ଏଥିପାଇଁ ୮ ହଜାର ଥର ଉଡ଼ାଣ କରିବାକୁ ପଡ଼ିବ ବୋଲି କୁହାଯାଉଛି। ବିମାନ ସହିତ ବସ୍, କାର୍, ଟ୍ରକ୍, ମୋଟର ସାଇକେଲ ସହିତ ଟିକା ପରିବହନ ପାଇଁ ସାଇକେଲର ମଧ୍ୟ ଆବଶ୍ୟକତା ପଡ଼ିବ ବୋଲି ଇଣ୍ଟରନ୍ୟାଶନାଲ ଏୟାର ଟ୍ରାନ୍ସପୋର୍ଟ ଆସୋସିଏଶନ ପକ୍ଷରୁ ଏ ସମ୍ପର୍କରେ ଏକ ରିପୋର୍ଟ ସୋସିଆଲ୍ ମିଡ଼ିଆରେ ପୋଷ୍ଟ କରାଯାଇଛି। ଟିକାକୁ ଡିପ୍ ଫ୍ରିଜ୍ରେ କିପରି ରଖାଯିବ ତାହା ଏକ ସମସ୍ୟା ଭାବେ ଉଭା ହୋଇପାରେ ବୋଲି ଆଶଙ୍କା କରାଯାଉଛି। ପୃଥିବୀର ୯୨ଟି ଗରିବ ଦେଶରେ ଟିକା ପହଞ୍ଚାଇବା ପାଇଁ ୪୦ ବିତରଣକାରୀ ସଂସ୍ଥା ସହିତ ୟୁନିସେଫ୍ ପକ୍ଷରୁ ଯୋଗାଯୋଗ କରାଯାଇଛି। ଟିକା ପ୍ରସ୍ତୁତି କାର୍ଯ୍ୟ ପରେ ଏବେ ଏହାର ସୁରକ୍ଷିତ ପରିବହନ ବେଶ୍ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ପାଲଟି ଥିବା ଇଣ୍ଟରନ୍ୟାଶନାଲ ଏୟାର ଟ୍ରାନ୍ସପୋର୍ଟ ଆସୋସିଏଶନ କହିିଛି।
