କ୍ୱାଲାଲମପୁର୍,୩।୩: ଗଣତାନ୍ତ୍ରିକ ଦେଶଗୁଡିକରେ ସରକାର ନିର୍ବାଚିତ ଏମ୍ପି ଏବଂ ବିଧାୟକଙ୍କ ଦ୍ୱାରା ପରିଚାଳିତ ହୁଏ। ସଂସଦରେ ଲୋକଙ୍କ ସ୍ବାର୍ଥ ପାଇଁ କାର୍ଯ୍ୟ କରିବା ତାଙ୍କର ଦାୟିତ୍ୱ ଅଟେ। ଲୋକଙ୍କ ସମସ୍ୟା ସଂସଦରେ ଉପସ୍ଥାପନ କରିବା ଏମ୍ପିଙ୍କ କାର୍ଯ୍ୟ। କିନ୍ତୁ ଅନେକ ନେତାଙ୍କ ନିର୍ବାଚନ ଜିତିବା ପରେ ଜନସାଧାରଣଙ୍କ ପ୍ରତି ଦାୟିତ୍ୱହୀନ ହୋଇଯାଆନ୍ତି। ଏହାର ଜ୍ୱଳନ୍ତ ଉଦାହରଣ ମାଲେସିଆରେ ଦେଖିବାକୁ ମିଳିଛି।
ଏହି ମହିଳା ଏମ୍ପି ସଂସଦରେ ଅନଲାଇନରେ ଶପିଂ କରୁଥିବା ଦେଖିବାକୁ ମିଳିଥିଲା। ଗୃହ ଭିତରେ ଅନଲାଇନ କିଣିବା ସମୟରେ କ୍ୟାମେରାରେ କଏଦ ହୋଇଥିଲା। ଏହା ପରେ ବିରୋଧୀ ଦଳର ନେତାମାନେ ଟୁଇଟର୍ରରେ ଏହାର ଫଟୋ ଶେୟାର କରିଥିଲେ। ଏବେ ଏପ୍ପି ଜଣଙ୍କ ସମାଲୋଚନାର ଶିକାର ହୋଇଛନ୍ତି।
ମାଲେସିଆର ପୂର୍ବତନ ଏମ୍ପି ୱାଇ ଚୋ କେଓଙ୍ଗ ତାଙ୍କ ଅଫିସିଆଲ ଟୁଇଟର୍ ଆକାଉଣ୍ଟରେ ଗାଜି ବୁଟା ନାମକ ଜଣେ ମହିଳା ଏମ୍ପିଙ୍କ ଫଟୋ ପୋଷ୍ଟ କରିଛନ୍ତି। ଏହି ଫଟୋରେ ଗାଜି ନିଜ ଲାପଟପରୁ ‘ଜିନ୍ସ ଏବଂ ଟପ୍ସ’ ଅର୍ଡର କରୁଥିବା ଦେଖାଯାଉଛି। ଏହି ଟୁଇଟରେ ପୂର୍ବତନ ଏମ୍ପି ଗାଜିଙ୍କ ନାଁରେ କଣସି କାମ କରୁ ନ ଥିବା ବେଳେ ମାଗଣା ଦରମା ନେଉଥିବା ଅଭିଯୋଗ କରିଛନ୍ତି। ସେ ଆହୁରି ଲେଖିଛନ୍ତି ଯେ ଏମ୍ପି ବର୍ତ୍ତମାନ ଏକ ସର୍କସରେ ପରିଣତ ହୋଇଛି। ମାଲେସିଆର ପୂର୍ବତନ ଏମ୍ପି ଏହି ଫଟୋ ଶେୟାର କରିବା ମାତ୍ରେ ଏହା ସାରା ବିଶ୍ୱରେ ଭାଇରାଲ ହୋଇଥିଲା।
