ବିଭୋର କରୁଛି ବନ୍ୟଜୀବନ

ଢେଙ୍କାନାଳ ଅଫିସ,୧୮।୧: ଢେଙ୍କାନାଳ ଜିଲା ବନ ବିଭାଗ ପକ୍ଷରୁ କପିଳାସ ଅଭୟାରଣ୍ୟରେ ଆରମ୍ଭ ହୋଇଛି ଜଙ୍ଗଲ ସଫାରି। ପର୍ଯ୍ୟଟକଙ୍କୁ ପ୍ରକୃତି ଏବଂ ବନ୍ୟଜୀବନ ସହିତ ଯୋଡ଼ିବା ଲାଗି ୩ଦିନ ହେଲା ପରୀକ୍ଷାମୂଳକ ଭାବେ ଏହାର ଶୁଭାରମ୍ଭ ହୋଇଥିବାବେଳେ ଆସନ୍ତା ୭ଦିନ ମଧ୍ୟରେ ଏହା ବିଧିବଦ୍ଧ ଭାବେ କାର୍ଯ୍ୟକ୍ଷମ ହେବ। ତେବେ ଆରମ୍ଭରୁ ଜଙ୍ଗଲ ଇଲାକାର ଶାନ୍ତ ପରିବେଶ ପ୍ରକୃତିପ୍ରେମୀଙ୍କୁ ବିଭୋର କରୁଥିବାବେଳେ ଏହା ଜିଲା ପର୍ଯ୍ୟଟନକୁ ସମୃଦ୍ଧ କରିବ ବୋଲି ମତପ୍ରକାଶ ପାଇଛି।
କପିଳାସ ଅଭୟାରଣ୍ୟରେ ଜଙ୍ଗଲ ସଫାରି କରିବା ଲାଗି ଦୀର୍ଘଦିନରୁ ବନ ବିଭାଗ ଯୋଜନା କରିଥିଲା। ନିକଟରେ ଏହା ଚୂଡ଼ାନ୍ତ ରୂପ ନେଇଛି। ରାଜ୍ୟ ସରକାରଙ୍କ ସହଯୋଗରେ ୧୦ ଜଣ ପର୍ଯ୍ୟଟକ ବସିବା ଭଳି ୧୨ ଲକ୍ଷ ଟଙ୍କା ବ୍ୟୟରେ ଏକ ସ୍ବତନ୍ତ୍ର ଗାଡ଼ି ପ୍ରସ୍ତୁତ କରାଯାଇଛି। ଜିଲାକୁ ଆସୁଥିବା ପର୍ଯ୍ୟଟକଙ୍କୁ ମଧୁର ଅନୁଭୂତି ଦେବା ଲାଗି ପରୀକ୍ଷାମୂଳକ ଭାବେ ଜଙ୍ଗଲ ସଫାରି ଆରମ୍ଭ କରାଯାଇଛି। ଦୁଇଦିନ ତଳେ ବିଦେଶୀ ପର୍ଯ୍ୟଟକ ଏହାର ମଜା ନେଇଛନ୍ତି।
କପିଳାସ ରେଞ୍ଜ କାର୍ଯ୍ୟାଳୟରୁ ପର୍ଯ୍ୟଟକଙ୍କୁ ଧରି ଏହି ସଫାରି ଯାନ ଅଭୟାରଣ୍ୟ ଅଭିମୁଖେ ଯାତ୍ରା କରୁଛି। ଦେଓଗାଁ-ଟାଙ୍ଗୀ ରାସ୍ତାର ବାଇଁଶିଆ ବିଟ୍‌ଠାରେ ଅଭୟାରଣ୍ୟ ଭିତରକୁ ପ୍ରବେଶ କରିବା ପରେ ଢେଙ୍କାନାଳ-କଟକ ସୀମାନ୍ତ କପିଳାସ ଅଭୟାରଣ୍ୟରେ ପ୍ରାୟ ୩୧ କିଲୋମିଟର ପଥ ପରିକ୍ରମା କରୁଛି। ବନ କର୍ମଚାରୀ, ହାତୀ ସ୍କ୍ବାଡ୍‌ କର୍ମଚାରୀ ସୁରକ୍ଷା ଉପକରଣ ସହ ଗାଡ଼ି ସହିତ ଯାଉଛନ୍ତି। ଗାଡ଼ିରେ ପର୍ଯ୍ୟଟକଙ୍କୁ ସ୍ନାକ୍ସ ଓ କଫି ଦିଆଯିବା ବ୍ୟବସ୍ଥା କରାଯାଇଛି। ଜଙ୍ଗଲ ମଝିରେ ଥିବା ଚିକିଟା ବିଟ୍‌ ହାଉସଠାରେ ସବୁଜିମାମୟ ଜଙ୍ଗଲ ଦୃଶ୍ୟ, ପାହାଡ଼ ଏବଂ ବନ୍ୟଜନ୍ତୁଙ୍କୁ ଦେଖିବା ଲାଗି ବଡ଼ ଓ୍ବାଚ୍‌ଟାଓ୍ବାର କରାଯାଇଛି। ଅଭୟାରଣ୍ୟରେ ହାତୀ, ଗୟଳ, ଅଜଗର, ଅହିରାଜ, ଭାଲୁ, ହରିଣ, ବାର୍‌ହା, ଝିଙ୍କ ଆଦି ବହୁ ପ୍ରଜାତିର ବନ୍ୟଜନ୍ତୁ ରହୁଥିବାବେଳେ ପର୍ଯ୍ୟଟକମାନେ ଦୂରରୁ ସେମାନଙ୍କୁ ଦେଖିବାର ସୁଯୋଗ ହାତଛଡ଼ା କରୁନାହାନ୍ତି।
ଏ ସଂକ୍ରାନ୍ତରେ ହାତୀ ସ୍କ୍ବାଡ୍‌ କର୍ମଚାରୀ ହରିଶ ଚନ୍ଦ୍ର ପତି, ଲାଣ୍ଡୁ କାଲୁଣ୍ଡିଆ କୁହନ୍ତି, ପର୍ଯ୍ୟଟକମାନେ ସଫାରି ଗାଡିରେ ବସି ଘନଜଙ୍ଗଲ ପରିବେଶର ଆନନ୍ଦ ଉଠାଉଛନ୍ତି। ହାତୀ, ହରିଣ, କୁଟୁରା, ଶାଲିଆପତନି ଭଳି ବନ୍ୟଜନ୍ତୁଙ୍କୁ ପାଖରୁ ଦେଖୁଛନ୍ତି। ଓ୍ବାଚ୍‌ଟାଓ୍ବାର ଉପରୁ ଦିନରାତି ବନ୍ୟଜନ୍ତୁଙ୍କ ସୁରକ୍ଷା ବ୍ୟବସ୍ଥା ନିରୀକ୍ଷଣ କରାଯାଉଛି। ଜିଲା ବନଖଣ୍ଡ ଅଧିକାରୀ ଡ. ପ୍ରକାଶଚାନ୍ଦ ଗୋଗିନେନି କୁହନ୍ତି, ପରୀକ୍ଷାମୂଳକ ଭାବେ ଜଙ୍ଗଲ ସଫାରି ଆରମ୍ଭ ହୋଇଛି। ୭ଦିନ ମଧ୍ୟରେ ଏହା ବିଧିବଦ୍ଧ ଭାବେ କାର୍ଯ୍ୟକାରୀ ହେବ। ଏଥିଲାଗି ଦେୟ ମଧ୍ୟ ନିର୍ଦ୍ଧାରିତ ହେବ। ପର୍ଯ୍ୟଟକଙ୍କ ଆକର୍ଷଣ ପାଇଁ ସମସ୍ତ ପ୍ରକାର ବ୍ୟବସ୍ଥା କରାଯିବ।


Enter your email to get our daily news in your inbox.

All Right Reserved By Dharitri.Com

ରାସ୍ତା ପ୍ରଶସ୍ତିକରଣକୁ ନେଇ ଉତ୍ତେଜନା: କାର୍ଯ୍ୟବନ୍ଦ କଲେ ଗ୍ରାମବାସୀ

ମୋରଡ଼ା,୨୮ା୩(ସ୍ମାରକ ମାଜୀ): ରାସ୍ତା ପ୍ରଶସ୍ତିକରଣକୁ ନେଇ ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଗଡ଼ିଆ ଗ୍ରାମରେ ଉତ୍ତେଜନା ଦେଖିବାକୁ ମିଳିଛି। ଏନେଇ ଗ୍ରାମବାସୀ  ନିର୍ମାଣ କାର୍ଯ୍ୟ...

ଟ୍ରକ୍‌ରେ ପିଟିହେଲା ହାଇଓ୍ବା, ଚାଲିଗଲା ଡ୍ରାଇଭରଙ୍କ ଜୀବନ

ଭଦ୍ରକ,୨୮ା୩(ସନାତନ ରାଉତ): ଭଦ୍ରକ ୧୬ନଂ ଜାତୀୟ ରାଜପଥର ଦମକଳ କେନ୍ଦ୍ର ସମ୍ମୁଖରେ ଗୁରୁବାର ପୂର୍ବାହ୍ନରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଡ୍ରାଇଭରଙ୍କ ମୃତ୍ୟୁ ହୋଇଛି।...

ଟିକେଟ୍‌ ମିଳିବା ପରେ ମହାପ୍ରଭୁଙ୍କ ଦର୍ଶନ କଲେ ବବି ଦାସ

ପୁରୀ,୨୮।୩: ବିଜୁ ଜନତା ଦଳ ପକ୍ଷରୁ ସମ୍ବଲପୁର ଲୋକ ସଭା ନିର୍ବାଚନ ମଣ୍ଡଳୀ ପ୍ରାର୍ଥୀ ଭାବେ ପ୍ରଣବ ପ୍ରକାଶ ଦାସ(ବବି)ଙ୍କ ନାମ ଘୋଷଣା କରାଯାଇଛି। ବବିଙ୍କୁ...

‘ଆଉ ତତେ ଗ୍ରହଣ କରିବି ନାହିଁ’

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ଥାନା ଅଞ୍ଚଳର ଜଣେ ନାବାଳିକାଙ୍କୁ ବିବାହ ପ୍ରଲୋଭନ କରି ପ୍ରତାରଣା କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ...

ଆତ୍ମସମର୍ପଣ କଲେ ୟୁଟ୍ୟୁବର ମୋନାଲିସା

ଯାଜପୁର,୨୮ା୩: ୟୁଟ୍ୟୁବର ମୋନାଲିସା ଭଦ୍ର ଯାଜପୁରରୋଡ୍‌ସ୍ଥିତ ବନ ବିଭାଗ କାର୍ଯ୍ୟାଳୟରେ ଗୁରୁବାର ଆତ୍ମସମର୍ପଣ କରିଛନ୍ତି। ମୋନାଲିସା ବନ୍ୟଜନ୍ତୁଙ୍କୁ ଘରେ ରଖି ଭିଡିଓ ପ୍ରସ୍ତୁତ କରି ସୋସିଆଲ...

ଅଗ୍ନି ଭୈରବୀଙ୍କ ଝାମୁଯାତ୍ରା ସମ୍ପନ୍ନ

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଲାଖବାହାଲି ପଞ୍ଚାୟତ ଅଧୀନ ଥୁଆଙ୍ଗପଦର ଗ୍ରାମରେ ଅଗ୍ନି ଭୈରବୀଙ୍କ ଝାମୁଯାତ୍ରା ମଙ୍ଗଳବାର ସମ୍ପନ୍ନ ହୋଇଯାଇଛି। ପରମ୍ପରା...

କଳାହାଣ୍ଡିରେ ବିଜେଡି ଖେଳିଲା ମହିଳା କାର୍ଡ

ଭବାନୀପାଟଣା,୨୮।୩(ଉତ୍ତମ କୁମାର ଦାଶ): ଆଗାମୀ ସାଧାରଣ ନିର୍ବାଚନ ବିଧାନ ସଭା କ୍ଷେତ୍ର ପାଇଁ ବିଜେଡି ପକ୍ଷରୁ ବୁଧବାର ପ୍ରଥମ ପର୍ଯ୍ୟାୟ ବିଧାୟକ ପ୍ରାର୍ଥିନୀ/ପ୍ରାର୍ଥିଙ୍କ ନାମ ଘୋଷଣା...

ଟିଟିଲାଗଡ଼: ବଢ଼ିଲା ସୁରେନ୍ଦ୍ରଙ୍କ ବିଜେଡିରେ ଯୋଗଦାନ ଚର୍ଚ୍ଚା

ସଇଁତଲା,୨୮ା୩(ରାଖାଲ ପ୍ରସାଦ ଶତପଥୀ): ନିର୍ବାଚନ ଯେତିକି ପାଖେଇ ଆସୁଛି, ଦଳଗୁଡ଼ିକ ଭିତରେ ଆଶାୟୀଙ୍କ ପ୍ରାର୍ଥୀ ସଂଖ୍ୟା ମଧ୍ୟ ବଢ଼ିବାରେ ଲାଗିଛି। ଭାଜପା ଲୋକ ସଭା ସଦସ୍ୟଙ୍କ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri