ଚେନ୍ନାଇ, ୧୯।୨ : ଆଇପିଏଲର ୧୪ତମ ସଂସ୍କରଣ ଲାଗି ଶେଷ ହୋଇସାରିଛି ଖେଳାଳିଙ୍କ ନିଲାମ ପ୍ରକ୍ରିୟା। ୫୭ ଖେଳାଳିଙ୍କୁ ଆଇପିଏଲ କଣ୍ଟ୍ରାକ୍ଟ ମିଳିଥିଲାବେଳେ ଅଲୋଡ଼ା ହୋଇଯାଇଥିଲେ ଭଳି ବହୁ ଅନ୍ତର୍ଜାତୀୟ ତାରକା ଟପ୍ ଅର୍ଡର ବ୍ୟାଟ୍ସମ୍ୟାନ। ଏହାର କାରଣ ଜାଣିବା ପାଇଁ ପଢ଼ନ୍ତୁ…
ପ୍ରଥମତଃ ପ୍ରାୟ ଫ୍ରାଞ୍ଚାଇଜ ନିଜର ଟପ ଅର୍ଡର ବ୍ୟାଟିଂ ଲାଇନ ଅଫ୍ରେ କୌଣସି ପରବର୍ତ୍ତନ ହିଁ କରି ନ ଥିଲେ। ଏଣୁ ପ୍ରତ୍ୟେକ ଫ୍ରାଞ୍ଚାଇଜର ଆବଶ୍ୟକତା ଥିଲା ପେସ ବୋଲର ନ ହେଲେ ଫିନିଶର। ମାତ୍ର ସେହି ଦକ୍ଷତା ଥିବା ଖେଳାଳି ଖୁବ୍ କମ୍ ଅକ୍ଶନରେ ଉପଲବ୍ଧ ଥିଲେ। ଏହି କାରଣରୁ ଜଣେ ଖେଳାଳିଙ୍କ ପଛରେ ପଡ଼ିଥିଲେ ୩ରୁ ୪ ଫ୍ରାଞ୍ଚାଇଜ। ଏଥିଯୋଗୁ ଢ଼େର ବୃଦ୍ଧି ପାଇଥିଲା ଫିନିଶର ଓ ପେସ ବୋଲରଙ୍କ ମୂଲ୍ୟ। ଉଦ୍ହାରଣ ସ୍ବରୂପ ଫିନିଶର ଦକ୍ଷତା ଥିବା କେଳାଳି ହେଲେ ଗ୍ଲେନ ମ୍ୟାକ୍ସଓ୍ବେଲ। ତାଙ୍କ ବ୍ୟତୀତ ଅକ୍ଶନରେ ସେଭଳି ଅଭିଜ୍ଞ ଫିନିଶର ହିଁ ନ ଥିଲେ। ଏହାସତ୍ତ୍ୱେ ବୋଲିଂ ସାଙ୍ଗକୁ ନିମ୍ନକ୍ରମରେ ବଡ଼ ଶଟ୍ ଲଗାଇ ପାରୁଥିବା ଖେଳାଳି ଡାନିଏଲ ଖ୍ରିଷ୍ଟିଆନ, ଝେ ରିଚାର୍ଡସନ, କ୍ରିସ ମୋରିସ, କ୍ରିଷ୍ଣପା ଗୋଥାମ, ବେନ କଟିଂ, ମୋଇସେସ ହେନରିକ୍ସ, ମୋଇନ ଅଲୀଙ୍କ ପ୍ରତି ଫ୍ରାଞ୍ଚାଇଜମାନେ ଆକୃଷ୍ଟ ହୋଇଥିଲେ। ଆଉ ଆବଶ୍ୟକୀୟ ଦକ୍ଷତା ନ ଥିବାରୁ ଅଲୋଡ଼ା ହୋଇଯାଇଥିଲେ ଫିଞ୍ଚ, ରୟ, ଆଲେକ୍ସ ହେଲ୍ସ, ମାର୍ନସ ଲାବୁଶେନଙ୍କ ଭଳି ବହୁ ଅନ୍ତର୍ଜାତୀୟ ତାରକା।
