ନୂଆଦିଲ୍ଲୀ: ଲଗାତର ତୃତୀୟ ମାସ ଲାଗି ପାଇକାରୀ ମୁଦ୍ରାସ୍ଫୀତି ବୃଦ୍ଧି ପାଇ ଅକ୍ଟୋବରରେ ଏହା ୧.୪୮% ସ୍ତରରେ ରହିଛି। ଏହା ସେପ୍ଟେମ୍ବରରେ ୧.୩୨% ରହିଥିଲା । ଅକ୍ଟୋବର ପାଇକାରୀ ମୁଦ୍ରାସ୍ଫୀତି ୮ ମାସର ସର୍ବୋଚ୍ଚ ସ୍ତର ବୋଲି ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରଣାଳୟ ପକ୍ଷରୁ ସୂଚନା ରହିଛି। ଗୋଟିଏ ବର୍ଷ ତଳେ ଅକ୍ଟୋବର ମାସରେ ପାଇକାରୀ ମୁଦ୍ରାସ୍ଫୀତି ୦% ସ୍ତରରେ ରହିଥିଲା। ମାନୁଫାକଚର ସାମଗ୍ରୀ ଉପରେ ମୁଦ୍ରାସ୍ଫୀତି ଅକ୍ଟୋବରରେ ୨.୧୨% ସ୍ତରରେ ରହିଛି। ଏହା ସେପ୍ଟେମ୍ବରରେ ୧.୬୧% ରହିଥିଲା। ଅକ୍ଟୋବରରେ ଖାଦ୍ୟ ବର୍ଗରେ ମୁଦ୍ରାସ୍ଫୀତି ୬.୩୭% ରହିଛି। ଏହା ସେପ୍ଟେମ୍ବରରେ ୮.୧୭% ରହିଥିଲା। ପନିପରିବା ଏବଂ ଆଳୁ ଦର ଏହି ସମୟ ଅବଧିରେ ୨୫.୨୩% ଏବଂ ୧୦୭.୭୦% ଉଚ୍ଚରେ ରହିଛି। ଅଣ ଖାଦ୍ୟ ସାମଗ୍ରୀ ଏବଂ ମିନେରାଲ୍ସ କ୍ଷେତ୍ରରେ ମୁଦ୍ରାସ୍ଫୀତି ଯଥାକ୍ରମେ ୨.୮୫% ଏବଂ ୯.୧୧% ଉଚ୍ଚରେ ରହିଛି। ଅକ୍ଟୋବରରେ ଖୁଚୁରା ମୁଦ୍ରାସ୍ଫୀତି ୭.୬୧% ସ୍ତରରେ ରହିଛି।
