ବଲିଉଡର ଭେଟେରାନ ଅଭିନେତା ଧର୍ମେନ୍ଦ୍ର ଏବଂ ସଲମାନ ଖାନଙ୍କ ମଧ୍ୟରେ ସ୍ବତନ୍ତ୍ର ସମ୍ପର୍କ ରହିଛି। ଧର୍ମେନ୍ଦ୍ରଙ୍କ ପ୍ରତି ସଲମାନଙ୍କର ବହୁତ ସମ୍ମାନ ରହିଛି। ରଣଭୀର ସିଂଙ୍କ ଶୋ’ ‘ବିଗ ପିକ୍ଚର୍’ର ମଞ୍ଚରେ ପହଞ୍ଚି ଧର୍ମେନ୍ଦ୍ରଙ୍କ ପ୍ରତି ସେ ନିଜର ପ୍ରେମ ବ୍ୟକ୍ତ କରିଥିଲେ। ସଲ୍ଲୁ କହିଥିଲେ ସେ କେବଳ ବଲିଉଡରେ ଧର୍ମେନ୍ଦ୍ରଙ୍କୁ ଫଲୋ କରୁଛନ୍ତି। ସେ ମୋ ଆଦର୍ଶ। ଏହି ଭିଡିଓ ଦେଖିବା ପରେ ଧର୍ମେନ୍ଦ୍ର ନିଜର ପ୍ରତିକ୍ରିୟା ଦେଇ ବଲିଉଡର ଭାଇଜାନଙ୍କ ଉପରେ ନିଜର ଭଲପାଇବା ବଖାଣିଛନ୍ତି।
ସଲମାନ ଖାନ ଚଳିତ ସପ୍ତାହ ଶେଷରେ ରଣଭୀର ସିଂଙ୍କ ସୋ ‘ବିଗ ପିକ୍ଚର୍’ର ମଞ୍ଚରେ ନଜର ଆସିବେ। ଏହାର ପ୍ରୋମୋ ଭିଡିଓ ଭାଇରାଲ ହେଉଛି । ଭିଡିଓରେ ସଲମାନ ଧର୍ମେନ୍ଦ୍ରଙ୍କୁ ଆଦର୍ଶ ବୋଲି ବର୍ଣ୍ଣନା କରିଥିଲେ। ଭିଡିଓ ଦେଖିବା ପରେ ଧର୍ମେନ୍ଦ୍ର ନିଜକୁ ଅଟକାଇ ପାର ନାହାନ୍ତି। ସୋସିଆଲ ମିଡିଆରେ ସଲମାନଙ୍କ ପାଇଁ ଏକ ସୁନ୍ଦର ନୋଟ ଶେୟାର କରିଛନ୍ତି। ସେ ଲେଖିଛନ୍ତି, ପ୍ରିୟ ସଲମାନ, ତୁମକୁ ଢେର ସାରା ଭଲପାଇବା। ମୋ ପାଇଁ ଏପରି ଏକ ସୁନ୍ଦର ମନ୍ତବ୍ୟ ପାଇଁ। ତୁମେ ବଲିଉଡର ସବୁଠାରୁ ହ୍ୟାଣ୍ଡସମ୍ ଅଭିନେତାମାନଙ୍କ ମଧ୍ୟରୁ ଜଣେ। ମୁଁ ତୁମର ସରଳତାକୁ ଭଲ ପାଏ। ତୁମେ ସର୍ବଦା ସୁସ୍ଥ ରୁହ ଏବଂ ଜୀବନ ସୁଖରେ ପରିପୂର୍ଣ୍ଣ ହେଉ ବୋଲି ସେ କହିଛନ୍ତି।
ସଲମାନ ଖାନ ଏବଂ ଧର୍ମେନ୍ଦ୍ର ପରସ୍ପରର ଅତି ନିକଟତର। ଉଭୟଙ୍କୁ ପ୍ୟାର୍ କିୟା ଟୁ ଡରନା କିୟା ଫିଲ୍ମରେ ଏକାଠି ଦେଖିବାକୁ ମିଳଥିଲା। ଏଥିରେ କାଜୋଲ ସଲମାନଙ୍କ ବିପକ୍ଷରେ ଥିଲେ ଏବଂ ସଲମାନଙ୍କ ଭାଇ ଅରବାଜ ଖାନ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଥିଲେ।
