ନୂଆଦିଲ୍ଲୀ,୮।୯: ଚର୍ଚ୍ଚାରେ ଭାରତୀୟ ଓପନର ଶିଖର ଧାଓ୍ବନ। ଦୀର୍ଘ ୯ ବର୍ଷ ପରେ ସ୍ତ୍ରୀ ଆୟେଶା ମୁଖାର୍ଜୀଙ୍କୁ ସେ ଛାଡ଼ପତ୍ର ଦେଇଛନ୍ତି। ଏହାକୁ ନେଇ ଧାଓ୍ବନ କୌଣସି ବିବୃତି ଦେଇ ନ ଥିବା ବେଳେ ଲୋକମାନେ ଆୟେଶାଙ୍କ ବିଷୟରେ ଅଧିକ କିଛି ଜାଣିବାକୁ ଚେଷ୍ଟା କରୁଛନ୍ତି। ଆସନ୍ତୁ ଜାଣିବା…
୧୯୭୫ ଅଗଷ୍ଟ ୨୭ରେ ଆୟେଶାଙ୍କ ଜନ୍ମ। ତାଙ୍କ ବାପା ବଙ୍ଗାଳି ହୋଇଥିବା ବେଳେ ମା’ ବ୍ରିଟିଶ ମୂଳର। ଆୟେଶାଙ୍କ ଜନ୍ମର ୮ ବର୍ଷ ପରେ ସେ ଅଷ୍ଟ୍ରେଲିଆରେ ରହିବାକୁ ଚାଲିଯାଇଥିଲେ। ସେଠାରେ ତାଙ୍କର ପାଠପଢ଼ା ଶେଷ ହୋଇଥିଲା।
ଆୟେଶା ଜଣେ ପ୍ରଫେଶନାଲ କିକ୍ ବକ୍ସର। ସେ ଧାଓ୍ବନଙ୍କ ପୂର୍ବରୁ ଅଷ୍ଟ୍ରେଲିଆର ଜଣେ ବ୍ୟବସାୟୀଙ୍କୁ ବିବାହ କରିଥିଲେ। ୧୦ ବର୍ଷ ଯାଏ ସେମାନଙ୍କ ସମ୍ପର୍କ ଚାଲିଥିଲା। ଉଭୟଙ୍କ ଦୁଇ ଝିଅ ରହଛି। ହେଲେ ୨୦୧୨ରେ ଉଭୟଙ୍କ ଛାଡ଼ପତ୍ର ହୋଇଥିଲା। ଏହା ପଛର କାରଣ ଆଜିଯାଏ ଜଣାପଡ଼ିନାହିଁ।
ଏହାପରେ ୨୦୧୨ରେ ଆୟେଶା ଧାଓ୍ବନଙ୍କୁ ଭେଟିଥିଲେ। ପ୍ରଥମ ଥର ପାଇଁ ଫେସବୁକ୍ରେ ଆୟେଶାଙ୍କୁ ଦେଖିବା ପରେ ଉଭୟ କଥାବାର୍ତ୍ତା ଆରମ୍ଭ କରିଥିଲେ। ପରେ ଉଭୟ ବିବାହ ପାଇଁ ନିଷ୍ପତ୍ତି ନେଇଥିଲେ। ୨୦୧୨ ଅକ୍ଟୋବରରେ ଉଭୟ ବିବାହ ବନ୍ଧନରେ ଆବଦ୍ଧ ହୋଇଥିଲେ।
ଧାଓ୍ବନ-ଆୟେଶାଙ୍କ ମଧ୍ୟରେ ୧୦ ବର୍ଷର ତଫାତ ଥିଲା। ଏଥିପାଇଁ ଧାଓ୍ବନଙ୍କ ବାପା ବିବାହ ପାଇଁ ରାଜି ନ ଥିଲେ। ପରେ ମା’ ରାଜି ହେବା ପରେ ବିବାହ ହୋଇଥିଲା। ବିବାହର ୨ ବର୍ଷ ପରେ ଆୟେଶା ଆଉ ଏକ ପୁଅ ଜନ୍ମ ଦେଇଥିଲେ। ତାଙ୍କ ନାମ ଜୋରାବର। ଧାଓ୍ବନ ଆୟେଶାଙ୍କ ପ୍ରଥମ ବିବାହର ସନ୍ତାନମାନଙ୍କୁ ନିଜ ନାମ ଦେଇଥିଲେ। ମୋଟ ସମ୍ପତ୍ତି ଦେଖିଲେ ଆୟେଶା ୭୫ କୋଟି ସମ୍ପତ୍ତିର ମାଲିକାଣୀ।
