ହିସୁଆ, ୨୪ା୧୦: ବିହାରରେ ପ୍ରଚାର ମଇଦାନକୁ ଓହ୍ଲାଇଥିବା କଂଗ୍ରେସ ନେତା ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସିଧା ଟାର୍ଗେଟ କରିଛନ୍ତି। ଲଦାଖରେ ଚାଇନା ଜୋର୍ଜବରଦସ୍ତ ଭାରତର ଜାଗାକୁ ମାଡ଼ିବସିଛି। କିନ୍ତୁ ପ୍ରଧାନମନ୍ତ୍ରୀ କେହି ଆମ ଜାଗା ନେଇନାହାନ୍ତି ବୋଲି କହୁଛନ୍ତି। ଏହା ଦେଶର ସୁରକ୍ଷା ଲାଗି ନିୟୋଜିତ ଯବାନଙ୍କ ପ୍ରତି ଅପମାନ ବୋଲି ରାହୁଲ କହିଛନ୍ତି। ଚାଇନା ଭାରତର ୧,୨୦୦ କି.ମି. ମାଡ଼ିବସିଛି। କେବେ ଚାଇନା ସୈନ୍ୟ ସେଠାରୁ ହଟିବେ ଓ ଭାରତ ଉକ୍ତ ଅଞ୍ଚଳ ଫେରିପାଇବ ବୋଲି ବିହାର ରାଲିରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶ୍ନ କରିଛନ୍ତି। ମହାମାରୀ କରୋନା କାଳରେ ବାହାର ରାଜ୍ୟରେ ଥିବା ବିହାରବାସୀ ଭୋକ ଉପାସରେ ରହି ଫେରି ବାକୁ ବ୍ୟାକୁଳ ହେଉଥିବାବେଳେ ପ୍ରଧାନମନ୍ତ୍ରୀ କିଛି ସହଯୋଗ କରି ନଥିବା ରାହୁଲ ଅଭିଯୋଗ କରିଛନ୍ତି। ସେମାନଙ୍କ ସମସ୍ୟା କଥା ନ କହିବା ଭଲ। ରାଜ୍ୟରେ ବେକାର ସମସ୍ୟା ବଢ଼ିଚାଲିଛି। ଲୋକଙ୍କୁ ଏଠାରେ ନିଯୁକ୍ତି ମିଳିପାରୁ ନାହିଁ। ଏଭଳି ସ୍ଥିତିରେ ଲୋକଙ୍କୁ ସ୍ବପ୍ନ ଦେଖାଯିବା ଠିକ୍ ନୁହେଁ ବୋଲି ରାହୁଲ ପ୍ରକାଶ କରିଛନ୍ତି।
