ନୂଆଦିଲ୍ଲୀ,୬।୫: ମାନେକା ଗାନ୍ଧୀ ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ଆମେଠି ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନକରିବା ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି। ସେ କହିଥିଲେ ଯେ ଆମେଠି ବିଷୟରେ ମୋର କିଛି କହିବାର ନାହିଁ। ମୁଁ କେବଳ ସୁଲତାନପୁର ବିଷୟରେ କହିବି।
ସୁଲତାନପୁରର ଭାଜପା ପ୍ରାର୍ଥୀ, ୟୁପି ତଥା ପୂର୍ବତନ କେନ୍ଦ୍ର ମନ୍ତ୍ରୀ ମାନେକା ଗାନ୍ଧୀ ନ୍ୟୁଜ ଏଜେନ୍ସି ଏଏନଆଇ ସହ କଥାବାର୍ତ୍ତା ବେଳେ କହିଛନ୍ତି ଯେ ସୁଲତାନପୁରରେ ମହିଳାମାନଙ୍କୁ ଘର ଯୋଗାଇବା ମୋର ପ୍ରାଥମିକତା। ମୋତେ ଅନେକ ବିକାଶ ସମ୍ବନ୍ଧୀୟ କାର୍ଯ୍ୟ କରିବାକୁ ପଡିବ।
ସୂଚନାଯୋଗ୍ୟ, ଏହି ସସପେନ୍ସକୁ ଶେଷ କରି କଂଗ୍ରେସ ଗାନ୍ଧୀ ପରିବାରର ନିକଟ କେ.ଏଲ ଶର୍ମାଙ୍କୁ ଆମେଠି ଏବଂ ରାହୁଲ ଗାନ୍ଧୀଙ୍କୁ ରାଏବରେଲିରୁ ପ୍ରାର୍ଥୀ କରିଛି। ତେବେ ଏହାପୂର୍ବରୁ ରାଜନୈତିକ ସର୍କଲରେ ରାହୁଲ ଗାନ୍ଧୀ ଆମେଠିରୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ବୋଲି କଳ୍ପନାଜଳ୍ପନା କରାଯାଇଥିଲା। ଏଥି ସହିତ ଦଳ ପ୍ରିୟଙ୍କା ଗାନ୍ଧୀଙ୍କୁ ରାଏବରେଲିରୁ ପ୍ରାର୍ଥୀ କରିିବ ବୋଲଇ ଅନୁମାନ କରାଯାଉଥିଲା।
ରାହୁଲ ଗାନ୍ଧୀ କ୍ରମାଗତ ତିନି ଥର ଆମେଠିରୁ ସାଂସଦ ହୋଇଥିବାରୁ ଏଭଳି କଳ୍ପନାଜଳ୍ପନା କରାଯାଉଥିଲା। ରାଏବରେଲି ମଧ୍ୟ ଗାନ୍ଧୀ ପରିବାରର ଗଡ଼ ହୋଇ ରହିଛି।
