ଭୁବନେଶ୍ୱର,୧୦ା୮(ବ୍ୟୁରୋ): ପଶ୍ଚିମବଙ୍ଗରେ ଏକ ଶପିଂ ମଲ୍ର ମାଲିକଙ୍କୁ ବ୍ଲାକ୍ମେଲ୍ କରି ଟଙ୍କା ଆଦାୟ ମାମଲାରେ ଗିରଫ ହୋଇଥିବା ଝାଡ଼ଖଣ୍ଡ ରାଞ୍ଚତ୍ର ଜଣେ ଓକିଲଙ୍କ ସହ ଭୁବନେଶ୍ୱରସ୍ଥିତ ଆଞ୍ଚଳିକ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)ର ଡେପୁଟି ଡାଇରେକ୍ଟର ସୁବୋଧ କୁମାରଙ୍କ ସମ୍ପର୍କକୁ ନେଇ ଆରମ୍ଭ ହୋଇଛି ତନାଘନା। ଏହି ମାମଲାରେ ସୁବୋଧଙ୍କୁ ଜେରା କରିବାକୁ ପଶ୍ଚିମବଙ୍ଗ ପୋଲିସ ଡିଟେକ୍ଟିଭ୍ ଡିପାର୍ଟମେଣ୍ଟର ଏକ ୨ଜଣିଆ ଟିମ୍ ମଙ୍ଗଳବାର ଭୁବନେଶ୍ୱରରେ ପହଞ୍ଚତ୍ଛନ୍ତି। ଅନ୍ୟପକ୍ଷରେ ସୁବୋଧ ଗତ ଶୁକ୍ରବାରଠାରୁ ଛୁଟିରେ ଥିବା ସୂଚନା ମିଳିଛି। ତେଣୁ କୋଲ୍କାତା ପୋଲିସ ତାଙ୍କୁ ଜେରା କରିପାରି ନାହିଁ। ସେପଟେ ସୁବୋଧ କାର୍ଯ୍ୟରେ ଯୋଗ ଦେବା ପରେ ପଚରାଉଚରା ପାଇଁ ଆଉ ଏକ ତାରିଖ ଧାର୍ଯ୍ୟ କରିବାକୁ କୋଲ୍କାତା ପୋଲିସକୁ ଜଣାଇଥିବା କୁହାଯାଉଛି। ସୁବୋଧ ୨୦୧୬ରୁ ୨୦୨୨ ପର୍ଯ୍ୟନ୍ତ ରାଞ୍ଚତ୍ସ୍ଥିତ ଇଡି ଜୋନାଲ ଅଫିସ୍ର ଡେପୁଟି ଡାଇରେକ୍ଟର ଭାବେ ଦାୟିତ୍ୱରେ ଥିଲେ। ସେଠାରୁ ଭୁବନେଶ୍ୱରକୁ ସମାନ ପଦବୀରେ ବଦଳି ହୋଇଥିଲେ।
ସୂଚନା ଅନୁଯାୟୀ, ପଶ୍ଚିମବଙ୍ଗର ସେଣ୍ଟ୍ରାଲ କୋଲ୍କାତାରେ ଥିବା ଏକ ଶପିଂ ମଲ୍ର ମାଲିକ ଅମିତ ଅଗ୍ରୱାଲଙ୍କ ବିରୋଧରେ ଓକିଲ ରାଜୀବ କୁମାର ରାଞ୍ଚି ହାଇକୋର୍ଟରେ ଜନସ୍ବାର୍ଥ ମାମଲା(ପିଆଇଏଲ୍) ରୁଜୁ କରିଥିଲେ। ଉକ୍ତ ପିଆଇଏଲ୍ରୁ ଅମିତଙ୍କ ନାମ ହଟାଇବାକୁ ରାଜୀବ ତାଙ୍କୁ ବ୍ଲାକ୍ମେଲ କରି ୧୦ କୋଟି ଟଙ୍କା ଦାବି କରିଥିଲେ। ପରେ ଏହି ଡିଲ୍ ୧କୋଟିରେ ଛିଡ଼ିଥିଲା। ତେବେ ଅଗଷ୍ଟ ୧ରେ ରାଜୀବ ଉକ୍ତ ଶପିଂ ମଲ୍ର ମାଲିକ ଅମିତଙ୍କଠାରୁ ଅଗ୍ରୀମ ୬୦ଲକ୍ଷରୁ ଊର୍ଦ୍ଧ୍ୱ ଟଙ୍କା ନେଉଥିବାବେଳେ କୋଲ୍କାତା ପୋଲିସ ଡିଟେକ୍ଟିଭ୍ ଡିପାର୍ଟମେଣ୍ଟ୍ର ଏକ ଟିମ୍ ତାଙ୍କୁ ଗିରଫ କରିଥିଲା। ଏହାପରେ ଅଭିଯୁକ୍ତ ରାଜୀବଙ୍କ ରାଞ୍ଚତ୍ସ୍ଥିତ ବାସଭବନରେ ପୋଲିସ ଟିମ୍ ଚଢ଼ାଉ କରି ବିଭିନ୍ନ ଦସ୍ତାବିଜ୍ ଜବତ କରିଥିଲା। ରାଜୀବ ଏକାଧିକ ବ୍ୟକ୍ତିଙ୍କ ବିରୋଧରେ କୋର୍ଟରେ ପିଆଇଏଲ୍ ରୁଜୁ କରିବା ପରେ ବ୍ଲାକମେଲ୍ କରି ଟଙ୍କା ଆଦାୟ କରିଥିବା ଉକ୍ତ ଦସ୍ତାବିଜ୍ରୁ ଜଣାପଡ଼ିଥିଲା। ସେହିପରି ରାଜୀବଙ୍କ ହ୍ବାଟ୍ସଆପ୍ ଯାଞ୍ଚ ସମୟରେ ସେ ଅନେକ ଥର ଇଡି ଅଧିକାରୀ ସୁବୋଧଙ୍କ ସହ କଥା ହୋଇଥିବା ପୋଲିସ ଜାଣିବାକୁ ପାଇଥିଲା। ଏହାପରେ ଉକ୍ତ ମାମଲାରେ ସୁବୋଧଙ୍କ ସମ୍ପୃକ୍ତି ଥିବା ପୋଲିସ ସନ୍ଦେହ କରି ତାଙ୍କୁ ପଚରାଉଚରା ପାଇଁ ପଶ୍ଚିମବଙ୍ଗ ପୋଲିସ ନୋଟିସ୍ ଜାରି କରିଥିଲା।
