ପାରଳାଖେମୁଣ୍ଡି,୧।୫-ରାଜ୍ୟ ସରକାରଙ୍କ ନିର୍ଦ୍ଦେଶନୁସାରେ ଶନିବାର ଗଜପତି ଜିଲା ସଦରମହକୁମାର ପାରଳାଖେମୁଣ୍ଡି ପୌରାଞ୍ଚଳ ଓ କାଶୀନଗର ଏନ୍ଏସିରେ ସପ୍ତାହନ୍ତ ସଟ୍ଡାଉନ୍ ହୋଇଛି। ମେଡିକାଲ ଓ ଅତି ଆବଶ୍ୟକ ସେବାକୁ କଟକଣା ନଥିବା ବେଳେ ବିନା କୌଣସି କାରଣ ନ ଥାଇ ଯାତ୍ରା, ସହରରେ ଭ୍ରମଣ ଆଦିକୁ ସମ୍ପୂର୍ଣ୍ଣ ବନ୍ଦ କରାଇଛି।
ଜିଲାରେ କରୋନା ଆରମ୍ଭରୁ ତଥା ପ୍ରଥମ ଲହର ଓ ଦ୍ୱିତୀୟ ଲହରର ମୋଟ କରୋନା ପଜିଟିଭ୍ ସଂଖ୍ୟା ୫୩୪୭ ରେ ପହଞ୍ଚିଛି। ସେଥୁରୁ ପାଖାପାଖି ୪୯୦୦ ଜଣ ସୁସ୍ଥ ହୋଇଥିବା ବେଳେ ବର୍ତ୍ତମାନ ପାଖାପାଖି ୪୪୭ ଜଣ ଆକ୍ଟିଭ କେସ୍(ଚିକିତ୍ସାଧନ ଓ ସଙ୍ଗରୋଧ)ରେ ରହିଛନ୍ତି। ଅପରପକ୍ଷେ ଶନିବାର ଜିଲାରେ ୧୫୬ ପଜିଟିଭ୍ ଚିହ୍ନଟ ହୋଇଛନ୍ତି । ସେଥି ମଧ୍ୟରୁ ପରଳାରେ ସର୍ବାଧିକ ୯୫ ଜଣ ଚିହ୍ନଟ ହୋଇଥିବା ବେଳେ ଗୋସାଣି ବ୍ଲକରେ ୧୪, ଗୁମ୍ମା ବ୍ଲକରେ ୭, କାଶୀନଗର ବ୍ଲକରେ ୧୭, ମୋହନା ବ୍ଲକରେ ୫, ନୂଆଗଡ ବ୍ଲକରେ ୪, ରାୟଗଡ ବ୍ଲକରେ ଜଣେ ଉଦୟଗିରି ବ୍ଲକରେ ୧୧ ଏବଂ ଆନ୍ଧ୍ରପ୍ରଦେଶରୁ୨ ଜଣ ଚିହ୍ନଟ ହୋଇଛନ୍ତି। ଯାହାକୁ ନେଇ ଗଜପତି ଜିଲ୍ଲା ପ୍ରଶାସନ ତପ୍ତର ହେବା ସହ ପୋଲିସ ସଟ୍ଡାଉନକୁ କଡାକଡି କରିବା ପାଇଁ ପାରଳାଖେମୁଣ୍ଡି ଓ କାଶୀନଗର ସହରରେ ସମସ୍ତ ସୀମା ସିଲ୍ କରିଛି । ଗଜପତି ଏସ୍ପି ତପନ କୁମାର ପଟ୍ଟନାୟକ ନିଜେ ଉପସ୍ଥିତ ରହି ଆନ୍ଧ୍ର ଓଡ଼ିଶା ନାକା ପଏଣ୍ଟଗୁଡିକ ସମେତ ପାରଳାକେମୁଣ୍ଡି ଓ କାଶୀନଗର ସହରରେ ପୋଲିସ କର୍ମଚାରୀଙ୍କ କାର୍ଯ୍ୟ ସମୀକ୍ଷା କର ଜନସଚେତନତା ସୃଷ୍ଟି କରିଛନ୍ତି ।
