ବେଙ୍ଗାଲୁରୁ,୧୨।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର କର୍ନାଟକରେ ୧୦ ଲେନ ବିଶିଷ୍ଟ ବେଙ୍ଗାଲୁରୁ-ମହୀଶୁର ଏକ୍ସପ୍ରେସୱେକୁ ଉଦଘାଟନ କରିଛନ୍ତି। ଏହି ପ୍ରକଳ୍ପରେ ଜାତୀୟ ରାଜପଥ -୨୭୫ର ବେଙ୍ଗାଲୁରୁ-ନିଦାଘଟା-ମହୀଶୁର ଖଣ୍ଡ ଛଅ ଲେନ ସାମିଲ ଅଛି। ଏହି ୧୧୯ କିଲୋମିଟର ଲମ୍ବା ପ୍ରକଳ୍ପ ପ୍ରାୟ ୮,୪୮୦ କୋଟି ଟଙ୍କା ବ୍ୟୟରେ ବିକଶିତ ହୋଇଛି।
ପ୍ରଧାନମନ୍ତ୍ରୀ ମୋଦି ଉଦ୍ଘାଟନ ପରେ ଏକ ରାଲିକୁ ସମ୍ବୋଧିତ କରିଥିଲେ। ତାଙ୍କ ସମ୍ବୋଧନରେ ସେ କହିଛନ୍ତି, ଆଜି କର୍ନାଟକର ଲୋକମାନେ ମୋତେ ଆଶୀର୍ବାଦ ଦେଉଛନ୍ତି। କର୍ନାଟକରେ ଡବଲ ଇଞ୍ଜିନ ସରକାର କ୍ରମାଗତ ଭାବରେ ବିକାଶ କରୁଛନ୍ତି। ଆଜି ବେଙ୍ଗାଲୁରୁ-ମହୀଶୁର ଏକ୍ସପ୍ରେସୱେ ସାରା ଦେଶରେ ଆଲୋଚନା ହେଉଛି, ଏହାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି।
ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି, ଡବଲ ଇଞ୍ଚିନ ସରକାର କର୍ନାଟକବାସୀଙ୍କ ଭଲ ପାଇବାକୁ ଆମେ ସୁଧମୂଳ ସହ ପରିଶୋଧ କରିବେ। ଆଜି ଏହି ଏକ୍ସପ୍ରେସ ୱେର ଉଦଘାଟନ ପାଇଁ ଦେଶର ଯୁବକମାନେ ଗର୍ବିତ। ଦେଶରେ ଏହିପରି ଅଧିକ ଏକ୍ସପ୍ରେସୱେ ନିର୍ମାଣ କରାଯିବ।
