କର୍ଲାମୁଣ୍ଡା,୩୦ା୧(ଡି.ଏନ୍.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକରେ ଚଳିତ ପଞ୍ଚାୟତ ନିର୍ବାଚନରେ ଅନେକ ପୁରୁଣା ମୁହଁ ପ୍ରାର୍ଥୀ ହୋଇଥିବା ବେଳେ ବ୍ଲକର ସରଗୁଲ ମାଲପଡ଼ା ପଞ୍ଚାୟତରେ ସମିତିସଭ୍ୟ ପଦବୀ ପାଇଁ ଅବସରପ୍ରାପ୍ତ ସୈନିକ କୋଦଣ୍ଡ ସାହୁ ଓ କର୍ଲାମୁଣ୍ଡା ପଞ୍ଚାୟତରେ ସମିତିସଭ୍ୟ ଆସନରେ ଅବସରପ୍ରାପ୍ତ ସୈନିକ ସୁରେନ୍ଦ୍ର ଭୋଇ ନିର୍ବାଚନ ମୈଦାନକୁ ଓହ୍ଲାଇଥିବା ଦେଖିବାକୁ ମିଳିଛି। ଦେଶ ସୁରକ୍ଷା ପାଇଁ ସୀମାରେ ସୈନିକ ଭାବେ କାର୍ଯ୍ୟ କରିବାର ସୁଯୋଗ ପାଇସାରିଛୁ। ଏବେ ଗାଁ ମାଟିର ସେବା କରିବା ପାଇଁ ପଞ୍ଚାୟତ ନିର୍ବାଚନରେ ଠିଆ ହେଇଥିବା ସୁରେନ୍ଦ୍ର ଭୋଇ କହିଛନ୍ତି। ଅନ୍ୟ ପଟେ ରାଜନୀତିରେ ନୂଆ ହେଲେ ବି ଜନସେବା ମୋ’ ପାଇଁ ନୂଆ ନୁହେଁ, ଜନସେବା ଉଦ୍ଦେଶ୍ୟରେ ନିର୍ବାଚନରେ ଠିଆ ହୋଇଛି ବୋଲି କହିଛନ୍ତି ଅବସରପ୍ରାପ୍ତ ସୈନିକ କୋଦଣ୍ଡ ସାହୁ।
