ହୃତ୍ପିଣ୍ଡ ବା ହାର୍ଟକୁ ସୁସ୍ଥ ରଖିବାର ଏକ ସରଳ ତଥା ସହଜ ଉପାୟ ରହିଛି। ତାହା ପୁଣି ହାତ ପାଆନ୍ତାରେ। ସେହି ଉପାୟଟି କ’ଣ ଜାଣନ୍ତି ? ହସିବା। ଅର୍ଥାତ୍, ହସିବା ଦ୍ୱାରା ହୃତ୍ପିଣ୍ଡ ସୁସ୍ଥ ରହିଥାଏ ବୋଲି ୟୁନିଭର୍ସିଟି ଅଫ କାଲିଫର୍ନିଆର ହୃଦ୍ରୋଗ ବିଶେଷଜ୍ଞଙ୍କ ଦ୍ୱାରା ହୋଇଥିବା ଏକ ସର୍ଭେରୁ ଜଣାପଡିଛି। ହସିବା ଏକ ଭଲ ବ୍ୟାୟାମ। ଏହାଦ୍ୱାରା ଜଣେ ବ୍ୟକ୍ତି ଅନେକାଂଶରେ ସୁସ୍ଥ ରହିଥାଏ। ତେବେ ଏହାର ପ୍ରଭାବ ହୃତ୍ପିଣ୍ଡ ଉପରେ କିପରି ପଡୁଛି ସେ ସମ୍ପର୍କରେ ଜାଣିବା ପାଇଁ ଉକ୍ତ ୟୁନିଭର୍ସିଟି ପକ୍ଷରୁ ‘ହସ ଏବଂ ହୃତ୍ପିଣ୍ଡ’ ଶୀର୍ଷକ ବିଷୟକୁ ନେଇଏକ ସର୍ଭେ କରାଯାଇଥିଲା। ଯେଉଁମାନେ ଅଧିକାଂଶ ସମୟ ହସୁଥିଲେ କିମ୍ବା ଖୁସିର ମାହୋଲ ଭିତରେ ରହୁଥିଲେ ସେମାନଙ୍କର ହୃତ୍ପିଣ୍ଡ ପୂର୍ବାପେକ୍ଷା ସକ୍ରିୟ ଭାବରେ କାମ କରୁଥିଲା ବୋଲି ପ୍ରକାଶିତ ରିପୋର୍ଟରେ ଉଲ୍ଲେଖ କରାଯାଇଛି।
