ପ୍ରକୃତି ଯେତିକି କରାଳ ରୂପ ଦେଖାଏ, ସେତିକି ଚମତ୍କାର ଦୃଶ୍ୟ ଦେଖାଏ। ବେଳେବେଳେ ପ୍ରକୃତିରାଣୀ ଏତେ ଶାନ୍ତ ହୋଇଯାଏ ଯେ, ଆମେ ତା’ କୋଳରେ କିଛି ସମୟ ଆରାମରେ ବିତାଇବାକୁ ଚେଷ୍ଟା କରୁ। ଏବେ ସେମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ସମୁଦ୍ର ଉପରୁ ମେଘର ରୂପ ଦେଖି ଲୋକମାନେ ଚକିତ ହୋଇଯାଇଛନ୍ତି।
@antena3com @tiempobrasero @rtve @cuatro @informativost5 Mallorca! pic.twitter.com/TTtW2M8Cew
— ENTJ (@cualify) September 16, 2022
ଆପଣ ନିଶ୍ଚିତ ବାଲିର ଝଡ଼, ଧୂଳିଝଡ଼ ଏବଂ ପବନର ରୂପ ଦେଖିଥିବେ। କିନ୍ତୁ ଘୂର୍ଣ୍ଣିବଳୟ ଆକାରରେ ମେଘ କେବେ ଦେଖି ନ ଥିବେ। ଭାଇରାଲ ହେଉଥିବା ଏହି ଭିଡିଓରେ ଦୂରରୁ ସମୁଦ୍ର ଉପରେ ଆସୁଥିବା ଏକ ଘୂର୍ଣ୍ଣିବଳୟ ପରି ଦୃଶ୍ୟମାନ ହେଉଛି। ଏହା ସମୁଦ୍ର ପୃଷ୍ଠକୁ ସ୍ପର୍ଶ କରୁଛି। ଏହି ଭିଡିଓ ସ୍ପେନର ମଲୋର୍କା ଦ୍ୱୀପପୁଞ୍ଜରେ ବୋଲି କୁହାଯାଉଛି। ଯାହା ଏକ ଜାହାଜରୁ କଏଦ ହୋଇଥିଲା। ଏହି ଭିଡିଓଟି @cualifyନାମକ ଜଣେ ୟୁଜର ଟୁଇଟର ପେଜ୍ରେ ଶେୟାର କରିଛନ୍ତି। ଏପର୍ଯ୍ୟନ୍ତ ଭିଡିଓଟି ୧.୬ ମିଲିୟନରୁ ଅଧିକଥର ଦେଖାସରିଲାଣି। ହଜାର ହଜାର ଲୋକ ମଧ୍ୟ ଏହି ଦୃଶ୍ୟକୁ ପସନ୍ଦ କରିଛନ୍ତି।
ଭୌଗୋଳିକ ଭାଷାରେ ଏହାକୁ ‘ଓ୍ବାଟରସ୍ପାଉଟ’ କୁହାଯାଏ। ଏହା ସାଧାରଣତଃ ସମୁଦ୍ର ଚଟାଣରେ ପ୍ରବଳ ପବନର ଘୂର୍ଣ୍ଣନ ହେତୁ ସୃଷ୍ଟି ହୁଏ। ଏହା ୫ଟି ଚକ୍ରକୁ ନେଇ ଗଠିତ। ପ୍ରଥମେ ଜଳ ଉପରେ ଅନ୍ଧକାର ସ୍ଥାନ, ତା’ପରେ ଜଳ ପୃଷ୍ଠର ବୃତ୍ତାକାର, ଏହା ଉପରେ ସ୍ପ୍ରେ ରିଙ୍ଗ, ତା’ପରେ ଏକ ଫନେଲ ଏବଂ ଶେଷ ହୋଇଥାଏ। ଏଥିମଧ୍ୟରୁ ଅଧିକାଂଶ ଏପରି ସ୍ଥାନରେ ଘଟିଥାଏ, ଯାହା ଗରମ ଏବଂ ସମୁଦ୍ର ହେତୁ ଆର୍ଦ୍ରତା ଥାଏ। ବର୍ତ୍ତମାନ ସମଗ୍ର ବିଶ୍ୱର ଲୋକମାନେ ଏହି ଦୃଶ୍ୟକୁ ଦେଖୁଛନ୍ତି।
