ଅଭିବୃଦ୍ଧିରେ ସହାୟକ ହେବ ଆବର୍ଜନା

ଅନୁଗୋଳ ଅଫିସ, ୩୧ା୮: କରୋନା କଟକଣା ମଧ୍ୟରେ ସୋମବାର ସ୍ବାୟତ୍ତ ଶାସନ ଦିବସ ପାଳିବ ଅନୁଗୋଳ ପୌରପାଳିକା। ଏଥିପାଇଁ ବିଭିନ୍ନ ପ୍ରକାର ପ୍ରସ୍ତୁତି କରାଯାଇଛି। ନିରାଡମ୍ବର ଭାବେ ହେବାକୁ ଥିବା ଏହି କାର୍ଯ୍ୟକ୍ରମ ଅବସରରେ ଚଳିତବର୍ଷ ପୌରପାଳିକାର ୩ଟି ମାଇକ୍ରୋ କମ୍ପୋଷ୍ଟିଂ ସେଣ୍ଟର (ଏମ୍‌ସିସି) ସହ ମ୍ୟାଟ୍‌ରିଆଲ୍‌ ରିକଭରି ଫ୍ୟାସିଲିଟି (ଏମ୍‌ଆର୍‌ଏଫ୍‌) ଉଦ୍‌ଘାଟନ ହେବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନ୍‌ଫରେନ୍ସ ମାଧ୍ୟମରେ ଏହି ଉଦ୍‌ଘାଟନ କରିବେ। ସେହିପରି ପଞ୍ଚମହଲାରେ ହୋଇଥିବା ଫିକଲ ସ୍ଲଜ ଟ୍ରିଟ୍‌ମେଣ୍ଟ ପ୍ଲାଣ୍ଟ(ଏଫ୍‌ଏସ୍‌ଟିପି) ପାଇଁ ଚୁକ୍ତି ସ୍ବାକ୍ଷର ହେବ। ସହରରୁ ଦୈନିକ ବାହାରୁଥିବା ଟନ୍‌ ଟନ୍‌ ଆବର୍ଜନା ଏଠାରେ ପ୍ରକ୍ରିୟାକରଣ କରାଯାଇ ସାର ଉତ୍ପାଦନ କରାଯିବ, ଯାହା ପୌରପାଳିକାର ଆର୍ଥତ୍କ ଅଭିବୃଦ୍ଧିରେ ସହାୟକ ହେବ ବୋଲି ପୌର ନିର୍ବାହୀ ଅଧିକାରୀ ବିନୋଦ ଚନ୍ଦ୍ର ପଣ୍ଡା ପ୍ରକାଶ କରିଛନ୍ତି।
୧୯୬୬ ଡିସେମ୍ବର ୨୧ରେ ଅନୁଗୋଳରେ ପ୍ରଥମେ ବିଜ୍ଞାପିତ ଅଞ୍ଚଳ ପରିଷଦ (ଏନ୍‌ଏସି) ଗଠନ ହୋଇଥିଲା। ସେ ସମୟରେ ଓ୍ବାର୍ଡ ସଂଖ୍ୟା ଥିଲା ୧୨। ପରବର୍ତ୍ତୀ ସମୟରେ ୧୭ ଓ ପରେ ଏହା ୨୧କୁ ବୃଦ୍ଧି ପାଇଥିଲା। ୨୦୦୮ ଜୁନ୍‌ ୧୬ରେ ଏହା ପୌରପାଳିକାରେ ପରିଣତ ହେଲା। ଏହାପରେ ୱାର୍ଡ ସଂଖ୍ୟା ବୃଦ୍ଧି ପାଇ ଏବେ ୨୩ରେ ପହଞ୍ଚିଛି। ୨୦୧୮ ଅକ୍ଟୋବର ୧ ତାରିଖରୁ ବିନା କାଉନସିଲ୍‌ରେ ପୌରପାଳିକା ଚାଲୁଛି। ଜିଲାପାଳ ଏହାର ପ୍ରଶାସକ ଭାବେ କାର୍ଯ୍ୟ କରୁଛନ୍ତି। ୨୦୧୧ ଜନଗଣନା ଅନୁଯାୟୀ ସହରର ଲୋକ ସଂଖ୍ୟା ଥିଲା ୪୩ ହଜାର ୭୯୫, ଯାହା ବର୍ତ୍ତମାନ ୭୦ ହଜାରରୁ ଅଧିକ ହେଲାଣି। କିନ୍ତୁ ସରକାରଙ୍କ ପକ୍ଷରୁ ୨୦୧୧ ଲୋକ ସଂଖ୍ୟା ଅନୁସାରେ ସଫେଇ ପାଇଁ ଅର୍ଥ ଯୋଗାଇ ଦିଆଯାଉଛି। ପ୍ରତି ୱାର୍ଡକୁ ୬ ଜଣ ଲେଖାଏ ସଫେଇ କର୍ମଚାରୀ ପ୍ରଦାନ କରାଯାଉଥିବାରୁ ଏହା ଯଥେଷ୍ଟ ହେଉନାହିଁ। ଫଳରେ ଆବର୍ଜନା ସମସ୍ୟା ସବୁବେଳେ ମୁଣ୍ଡବ୍ୟଥାର କାରଣ ହେଉଛି।

ଉତ୍ପାଦନ ପାଇଁ ପ୍ରସ୍ତୁତ ଏମ୍‌ସିସି, ଏମ୍‌ଆର୍‌ଏଫ୍‌
ଅନୁଗୋଳ ସହରର ହେମସୁରପଡ଼ା, ହୁଲୁରୁସିଂହା ଓ ମିଶ୍ରପଡ଼ାରେ ପାଖାପାଖି ଦେଢ଼ଶହ କୋଟିରୁ ଉର୍ଦ୍ଧ୍ୱ ଟଙ୍କାରେ ମାଇକ୍ରୋ କମ୍ପୋଷ୍ଟିଂ ସେଣ୍ଟର (ଏମ୍‌ସିସି) ଓ ମ୍ୟାଟ୍‌ରିଆଲ ରିକଭରି ଫ୍ୟାସିଲିଟି (ଏମ୍‌ଆର୍‌ଏଫ୍‌) ପ୍ରକଳ୍ପ ନିର୍ମାଣ କରାଯାଇଛି। ସହରରୁ ସଂଗ୍ରହ କରାଯାଉଥିବା ଆବର୍ଜନାକୁ ଏହି ଏମ୍‌ସିସିରେ ପ୍ରକ୍ରିୟାକରଣ କରାଯାଇ ସାର ଉତ୍ପାଦନ କରାଯିବ। ଉକ୍ତ ସାରକୁ ସହରବାସୀଙ୍କୁ କିଲୋ ପ୍ରତି ୨୦ ଟଙ୍କା ଲେଖାଏରେ ବିକ୍ରି କରାଯିବ। ସେହିପରି ଏମ୍‌ସିସିରୁ ପ୍ଲାଷ୍ଟିକ୍‌ ଆବର୍ଜନା ଅଲଗା କରାଯାଇ ଏମ୍‌ଆର୍‌ଏଫ୍‌କୁ ପଠାଯିବ। ସେଠାରେ ତାହାକୁ ଗୁଣ୍ଡ କରାଯାଇ ବରଗଡ଼ର ସିମେଣ୍ଟ କରାଖାନାକୁ ଯୋଗାଯିବାର ଯୋଜନା ରହିଛି।
କାର୍ଯ୍ୟକ୍ଷମ ହେଲାଣି ଏଫ୍‌ଏସ୍‌ଟିପି
ଅନୁଗୋଳ ସହର ଉପକଣ୍ଠ ପଞ୍ଚମହଲାରେ ଫିକଲ ସ୍ଲଜ ଟ୍ରିଟ୍‌ମେଣ୍ଟ ପ୍ଲାଣ୍ଟ(ଏଫ୍‌ଏସ୍‌ଟିପି) ୩କୋଟି ଟଙ୍କାରେ ନିର୍ମାଣ କରାଯାଇଛି। ସହର ଓ ଆଖପାଖ ଅଞ୍ଚଳର ଲୋକଙ୍କ ଘରୁ ସଂଗୃହୀତ ମଳରୁ ଏହି ପ୍ଲାଣ୍ଟରେ ଜୈବିକ ସାର ପ୍ରସ୍ତୁତ କରାଯିବ। ଏହି ଜୈବିକ ସାରକୁ ମତ୍ସ୍ୟସମ୍ପଦ ସହ ଜଙ୍ଗଲ ବିଭାଗକୁ ପ୍ରଦାନ କରାଯିବ। ଏଥିସହ ଯେଉଁ ଲୋକମାନେ ଏହାକୁ ନେବାକୁ ଚାହିଁବେ ସେମାନଙ୍କୁ ମଧ୍ୟ କିଲୋ ପିଛା ୨୦ ଟଙ୍କା ଲେଖାଏରେ ପ୍ରଦାନ କରାଯିବ। ଏଥିପାଇଁ ସୋମବାର ଜୟ ହନୁମାନ ସ୍ବୟଂ ସହାୟକ ଗୋଷ୍ଠୀ ଏଏଲ୍‌ଏଫ୍‌ ସହ ରାଜିନାମା ସ୍ବାକ୍ଷର କରାଯିବ। ଏହି ସ୍ବୟଂ ସହାୟକ ଗୋଷ୍ଠୀ ପ୍ଲାଣ୍ଟର ପରିଚାଳନା ଦାୟିତ୍ୱ ସହ ସଫେଇ ଓ ବଗିଚା ଦାୟିତ୍ୱ ତୁଲାଇବ। ଇତିମଧ୍ୟରେ ପ୍ଲାଣ୍ଟ କାର୍ଯ୍ୟକ୍ଷମ ହୋଇସାରିଛି ଓ ୧୦ କୁଇଣ୍ଟାଲ ଜୈବିକ ସାର ମଧ୍ୟ ଉତ୍ସାଦନ ସରିଥିବା ସୂଚନା ମିଳିଛି।

ସନ୍ତୁଷ୍ଟ ନୁହନ୍ତି ସହରବାସୀ
ଆବର୍ଜନା ପରିଚାଳନାରେ ଅନୁଗୋଳ ପୌରପାଳିକାର ପଦକ୍ଷେପକୁ ନେଇ ସନ୍ତୁଷ୍ଟ ନୁହନ୍ତି ସହରବାସୀ। ବିଶେଷକରି ସ୍ବଚ୍ଛ ସର୍ବେକ୍ଷଣରେ ୨୦୧୯ରେ ରାଜ୍ୟର ଅନ୍ୟ ପୌରାଞ୍ଚଳକୁ ପଛରେ ପକାଇ ଅନୁଗୋଳ ପୌର ପରିଷଦ ନମ୍ବର ୧ ହୋଇଥିବା ବେଳେ ୨୦୨୦ରେ ଏହା ୯ମ ସ୍ଥାନକୁ ଖସିଯାଇଛି। ଯଦିଓ ଜାତୀୟସ୍ତରୀୟ ତାଲିକାରେ ଅନୁଗୋଳ ଉପରକୁ ଉଠିଛି ତଥାପି ଆହୁରି ବହୁତ କିଛି କରିବାର ବାକି ଅଛି ବୋଲି ସହରବାସୀ ପ୍ରକାଶ କରିଛନ୍ତି। ବୁଦ୍ଧିଜୀବୀ ଶାନ୍ତନୁ କୁମାର ସରଙ୍କ କହିବା ଅନୁଯାୟୀ, ପ୍ରଥମେ ଡ୍ରେନ୍‌ ସମସ୍ୟାର ସମାଧାନ ଆବଶ୍ୟକ। ଡ୍ରେନ୍‌ ଉପରୁ ଜବରଦଖଲ ହଟାଯାଉ। ସହରର ବିଭିନ୍ନ ସ୍ଥାନରେ ଶୌଚାଳୟ ନିର୍ମାଣ କରାଯାଉ। ସହର ସଫା ସୁତରା ରହିଲେ ଏହାର ଗାରିମା ବୃଦ୍ଧି ସହ ଅନ୍ୟ ପୌରାଞ୍ଚଳ ପାଇଁ ଉଦାହରଣ ହୋଇପାରିବ। ସେହିପରି ଶରତ ସାହୁ କହିଛନ୍ତି, ଭବିଷ୍ୟତକୁ ଲକ୍ଷ୍ୟ କରାଯାଇ ପଦକ୍ଷେପ ନିଆଯିବା ଆବଶ୍ୟକ। ଅଧିକ ଜଳଉତ୍ସ ସହ ପରିମଳ ଉପରେ ଧ୍ୟାନ ଦିଆଯିବା ଜରୁରୀ। ସରୋଜ ପାଣିଗ୍ରାହୀ କହିଛନ୍ତି, ପୌରପାଳିକା ପ୍ରତି ଜନପ୍ରତିନିଧିଙ୍କ ଓ ଜନସାଧାରଣଙ୍କ ସମର୍ଥନ ରହିବା ଆବଶ୍ୟକ। ନଚେତ ସବୁ ପ୍ରତିଶ୍ରୁତି ଓ ପଦକ୍ଷେପ ମୂଲ୍ୟହୀନ ହୋଇପଡ଼ିବ।


Enter your email to get our daily news in your inbox.

All Right Reserved By Dharitri.Com

ଓଡ଼ିଆ ନାବାଳିକାଙ୍କୁ ଲକ୍ଷେ ଟଙ୍କାରେ ବିକିଦେଲେ…

ଉମରକୋଟ,୨୨।୩: କାମ କରାଇବାକୁ କହି ଜଣେ ନାବାଳିକାଙ୍କୁ ବିକ୍ରି ଅଭିଯୋଗରେ ଉମରକୋଟ ପୋଲିସ ୪ ମହିଳାଙ୍କ ସମେତ ୬ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ...

କିରୋସିନ ବଣ୍ଟନରେ ଅନିୟମିତତା

ବାସୁଦେବପୁର, ୨୯।୧ (ଡି.ଏନ.ଏ.) ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ନୂଆଗାଁ ପଞ୍ଚାୟତରେ ରିଟେଲର କିରୋସିନ ବଣ୍ଟନରେ ଅନିୟମିତତା କରିଥିବା ଅଭିଯୋଗ ହୋଇଛି। ଏହାର ପ୍ରତିବାଦରେ...

୬୨ ଜୁଆଡ଼ି ଗିରଫ

ବାରିପଦା ଅଫିସ,୧୪।୧୦: ମୟୂରଭଞ୍ଜ ଜିଲା ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ୬୨ ଜୁଆଡ଼ିଙ୍କୁ ଗିରଫ କରିଛି। ସେମାନଙ୍କ ଠାରୁ ୪୩ ହଜାର ୯୬୦ ଟଙ୍କା...

ସୁରଟରୁ ବସ୍‌ରେ ଭଦ୍ରକ ଆସୁଥିଲେ ମହିଳା: ରାସ୍ତାରେ ସନ୍ତାନ ପ୍ରସବ

ଭଦ୍ରକ ଅଫିସ,୪ା୫: ସୁରଟରୁ ଭଦ୍ରକ ଜିଲା ତିହିଡ଼ି ଅଞ୍ଚଳକୁ ବସ୍‌ରେ ଫେରିବାବେଳେ ନାଗପୁରଠାରେ ପ୍ରସବ ଯନ୍ତ୍ରଣା ହେବାରୁ ଜଣେ ମହିଳାଙ୍କ ପାଇଁ ବସ୍‌ ଅଟକି ଥିଲା।...

ବିଦ୍ୟାଳୟ ପାଚେରୀ ଭାଙ୍ଗିଲେ ହାତୀ ପଲ

ଠାକୁରମୁଣ୍ଡା,୨୩ା୧୨(ଡି.ଏନ୍‌.ଏ.)- ମୟୂରଭଞ୍ଜ ଜିଲା କରଞ୍ଜିଆ ଉପଖଣ୍ଡରେ ୨୨ ଟିକିଆ ହାତୀପଲଙ୍କ ଆତଙ୍କ ଜାରି ରହିଛି। ଶୁକୃଳି ନିକଟରେ ଥିବା ବେଗୁନାବିନ୍ଧା ସରକାରୀ ପ୍ରାଥମିକ ବିଦ୍ୟାଳୟ ପାଚେରୀକୁ...

ରେଙ୍ଗାଲି ଡ୍ୟାମ୍‌ରୁ ମିଳିଲା ମୃତ ହାତୀ ଶାବକ

ଦେବଗଡ଼,୭ା୧(ଡି.ଏନ.ଏ) ଦେବଗଡ ବନଖଣ୍ଡ ବାରକୋଟ ଫରେଷ୍ଟ ରେଞ୍ଜ୍‌ ଓ ବଳମ ସେକ୍ସନ ଅନ୍ତର୍ଗତ ମୂଷାବରି ଗ୍ରାମ ନିକଟ ରେଙ୍ଗାଲି ଡ୍ୟାମ୍‌ ଜଳଭଣ୍ଡାରରୁ ଗୁରୁବାର ଏକ ହାତୀ...

ନିଜକୁ ଇଞ୍ଜିନିୟର କହୁଥିଲେ: ମିଛ ଧରାପଡିବା ପରେ ଦେଲେ ଏସିଡ୍‌ ମାଡ଼ ଧମକ

ଭଦ୍ରକ ଅଫିସ,୬।୬: ଭଦ୍ରକ ଗ୍ରାମାଞ୍ଚଳ ଥାନା ବରପଦା ପଖିଆଗୁଡ଼ି ଅଞ୍ଚଳର ଜଣେ ଯୁବତୀଙ୍କୁ ଚାରିଡିହା ଗ୍ରାମର ଜଣେ ଯୁବକ ବିବାହ କରିବାକୁ ବାଧ୍ୟ କରୁଛନ୍ତି। ତାଙ୍କୁ...

ସମ୍ଭାବ୍ୟ ବାତ୍ୟା ପ୍ରସ୍ତୁତି : ପହଞ୍ଚିଲା ଏନ୍‌ଡିଆର୍‌ଏଫ୍‌ ଟିମ୍‌

ଭଦ୍ରକ ଅଫିସ, ୧୬ା୫-ସମ୍ଭାବ୍ୟ ବାତ୍ୟା ‘ଅମ୍ଫନ୍‌’କୁ ମୁକାବିଲା କରିବା ପାଇଁ ଶନିବାର ଅପରାହ୍ନରେ ଭଦ୍ରକ ଜିଲା ପ୍ରଶାସନର ଏକ ଜରୁରିକାଳୀନ ବୈଠକ ଅନୁଷ୍ଠିତ ହୋଇଯାଇଛି। ଜିଲାପାଳ...

Advertisement


Archives

Model This Week