ଲଣ୍ଡନ,୨୫ ।୧୨: ବ୍ରିଟେନରେ ବ୍ୟାପିଥିବା କରୋନା ଭାଇରସର ନୂଆ ଷ୍ଟ୍ରେନକୁ ନେଇ ବିଶେଷଜ୍ଞମାନେ ଚେତାବନୀ ଦେଇଛନ୍ତି । ଏକ ଅଧ୍ୟୟନରୁ ଜଣାପଡିଛି କି ଏହି ନୂଆ ଷ୍ଟ୍ରେନ୍ ପୁରୁଣା ଭାଇରସ ତୁଳନାରେ ୫୬ ପ୍ରତିଶତ ଅଧିକ କ୍ଷତିକାରକ । ଏହାଦ୍ୱାରା ଅଧିକ ସଂଖ୍ୟାରେ ମୃତ୍ୟୁ ଆଶଙ୍କା କରାଯାଉଛି । ତେଣୁ ଏହାକୁ ନେଇ ବ୍ରିଟେନରେ ଯେତେଶୀଘ୍ର ଟିକାକରଣ କରାଯିବା ଦରକାର । ଲଣ୍ଡନ ସ୍କୁଲ ଅଫ୍ ହାଇଜିନ ଆଣ୍ଡ ଟ୍ରପିକାଲ ମେଡିସିନରେ ସେଣ୍ଟର ଫର ମ୍ୟାଥମେଟିକାଲ ମଡଲିଂ ଅଫ୍ ଇନଫେକସନ୍ ଡିଜିଜ ପକ୍ଷରୁ ପ୍ରକାଶିତ ଏକ ଷ୍ଟଡି ଅନୁଯାୟୀ, ନଭେମ୍ବରରେ ଦକ୍ଷିଣ ପୂର୍ବ ଇଂଲଣ୍ଡରେ ଦ୍ରୁତ ଗତିରେ ବ୍ୟାପିଥିବା ଏହି ଷ୍ଟ୍ରେନ୍ କାରଣରୁ ଆସନ୍ତା ବର୍ଷ କୋଭିଡ-୧୯ ରୋଗୀଙ୍କ ସଂଖ୍ୟା ବୃଦ୍ଧି ପାଇବା ସହ ମୃତକଙ୍କ ସଂଖ୍ୟାରେ ମଧ୍ୟ ବୃ୍ଦ୍ଧି ଘଟିବ । ହେଲେ ଏବେ ପର୍ଯ୍ୟନ୍ତ ଏହା ପ୍ରମାଣିତ ହୋଇନାହିଁ ଯେ ମ୍ୟୁଟେଡେଡ ଷ୍ଟ୍ରେନ୍ ପୁରୁଣା ଭାରିଏଣ୍ଟଠାରୁ ଅଧିକ କ୍ଷତିକାରକ କି ନା । ହେଲେ ବିଶେଷଜ୍ଞଙ୍କ କହିବା କଥା ହେଲା ୨୦୨୧ରେ ସଂକ୍ରମଣ କାରଣରୁ ରୋଗୀଙ୍କ ସଂଖ୍ୟା ଓ ମୃତକଙ୍କ ସଂଖ୍ୟାରେ ବୃଦ୍ଧି ହେବ । କିନ୍ତୁ ନଭେମ୍ବରରେ ଲଣ୍ଡନରେ ଲାଗୁ କରାଯାଇଥିବା ଲକଡାଉନ ଦ୍ୱାରା ସଂକ୍ରମଣ କମ୍ ହେବନାହିଁ ଯେଉଁ ପର୍ଯ୍ୟନ୍ତ ସ୍କୁଲ, କଲେଜ ଓ ବିଶ୍ୱବିଦ୍ୟାଳୟକୁ ବନ୍ଦ ନ କରାଯାଇଛି । ଯଦି ଲକ୍ଡାଉନରେ ସାମାନ୍ୟ ଢିଲା କରାଯାଏ ତେବେବି ସଂକ୍ରମଣ ବଢିଯିବ । ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ ଖ୍ରୀଷ୍ଟମାସ ଛୁଟିକୁ ଆଖିଆଗରେ ରଖି ଲକଡାଉନ ଜାରି କରିଥିବା ବଳେ ସେ କହିଛନ୍ତି, ନୂଆ ଷ୍ଟ୍ରେନ୍ ୭୦ ପ୍ରତିଶତ ଅଧିକ ଗତିରେ ସଂକ୍ରମଣ ହେବାର ଆଶଙ୍କା ରହିଛି । ଅନ୍ୟପଟେ ବାୟୋଏନଟେକର କୋ-ଫାଉଣ୍ଡର କହିଛନ୍ତି ଆମ ଭ୍ୟାକ୍ସିନ ନୂଆ ଭାଇରସ ଉପରେ କାମ କରିପାରେ ଯଦି ନ କାମ କରେ ୬ ସପ୍ତାହ ମଧ୍ୟରେ ଏଥିପାଇଁ ଭ୍ୟାକ୍ସିନ ତିଆରି ହୋଇ ପାରିବ ।
