ଭାରତ ଏବଂ ଇଂଲଣ୍ଡ ମଧ୍ୟରେ ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜ୍ର ଦ୍ୱିତୀୟ ମ୍ୟାଚ କଟକର ବାରବାଟୀ ଷ୍ଟାଡିୟମରେ ଖେଳାଯାଇଥିଲା। ଟିମ୍ ଇଣ୍ଡିଆ ବାରବାଟୀରେ ଦମଦାର ବିଜୟ ହାସଲ କରିଛି । ଅଧିନାୟକ ରୋହିତ ଶର୍ମାଙ୍କ ବିସ୍ଫୋରକ ବ୍ୟାଟିଂ ବଳରେ ଭାରତ ୪ ଉଇକେଟ୍ରେ ମ୍ୟାଚ ଜିତିଛି। ଅନେକ ଦିନ ପରେ ରୋହିତ ଶର୍ମାଙ୍କ ବ୍ୟାଟ ଶତକ ଛୁଇଁଛି।
ଏହି ମୁକାବିଲାରେ ଭାରତର ଜିତିଛି ସତ କିନ୍ତୁ ମ୍ୟାଚ ମଝିରେ ହ୍ୟାସାରୋଳ ସୃଷ୍ଟି କରିଥିଲା ବର୍ତ୍ତମାନ ଓଡ଼ିଶାରେ ଚହଳ ପକାଇଥିବା ଗୀତ ଛି ଛି ଛିରେ ନନୀ ଛି…
ଏ ଗୀତ ଏମିତି ସେମିତି ସମୟ ବାଜିନଥିଲା ବରଂ ଯେଉଁ ସମୟରେ ବିରାଟ କୋହଲି ଡଗ୍ ଆଉଟରେ ବୁଲୁଥିଲେ ସେହି ସମୟରେ ବାଜିଥିଲା। ଯାହାକି ଷ୍ଟାଡିୟମରେ ଉପସ୍ଥିତ ହଜାର ହଜାର ଦର୍ଶକଙ୍କୁ ହସାଇ ଦେଇଥିଲା। ଦଳର ବିଜୟ ହୋଇଥିଲା ସତ କିନ୍ତୁ ବିରାଟ କୋହଲି ସେତେଟା ଭଲଖେଳି ପ୍ରଦର୍ଶନ କରି ନଥିଲେ।
ତେବେ ଛି ଛି ଛିରେ ନନୀ ଛି… ଗୀତ ଶୁଣି କୋହଲି ମଧ୍ୟ ନିଜକୁ ରୋକି ପାରି ନ ଥିଲେ । ଗୀତ ଶୁଣି କୋହଲି ବି ହସୁଥିବା ଦେଖିବାକୁ ମିଳିଥିଲା। ଏହି ଗୀତ ବାଜିବା ବେଳେ ପଡିଆରେ ବ୍ୟାଟିଂ କରୁଥିଲେ କ୍ୟାପଟେନ ରୋହିତ ଶର୍ମା ଏବଂ ଓପନର ଶୁବମନ ଗିଲ୍।
ଅବଶ୍ୟ ଫ୍ଲଡ ଲାଇଟ ବିଭ୍ରାଟ ଯୋଗୁ ଦର୍ଶକ କିଛିଟା ଅସନ୍ତୋଷ ବ୍ୟକ୍ତ କରିଥିଲେ। କିନ୍ତୁ ଛି ଛି ଛିରେ ନନୀ ଗୀତରେ ମତୁଆଲା ହୋଇଥିଲେ ଦର୍ଶକ । ଭାରତର ବାରବାଟୀ ବିଜୟକୁ ନେଇ ଦଳର ଖେଳାଳିଙ୍କ ସମେତ ଦର୍ଶକ ବି ବିମୋହିତ ହୋଇଥିଲେ ।
