ନୂଆଦିଲ୍ଲୀ,୧୭।୯: ଭାରତୀୟ କ୍ରିକେଟ ଟିମ୍ ଅଧିନାୟକ ବିରାଟ କୋହଲି ଟି୨୦ ବିଶ୍ୱକପ୍ ପରେ ଟି୨୦ ଟିମ୍ର ଅଧିନାୟକତ୍ୱ ଛାଡ଼ିବାକୁ ଘୋଷଣା କରିଛନ୍ତି। ସେ ସୋସିଆଲ ମିଡିଆରେ ଏକ ପୋଷ୍ଟ କରି ଏହି ନିଷ୍ପତ୍ତି ନେଇ ସୂଚନା ଦେଇଥିଲେ। ହେଲେ ଯଦି ଅନ୍ତର୍ଜାତୀୟସ୍ତରର ରେକର୍ଡ ଉପରେ ନଜର ପକାଇବା ତେବେ ସେ ଭାରତର ଦ୍ୱିତୀୟ ସଫଳ ଟି୨୦ ଅଧିନାୟକ। ସେହିଭଳି ବିଶ୍ୱରେ ସେ ପଞ୍ଚମ ସ୍ଥାନରେ ଅଛନ୍ତି।
ଏଯାବତ ବିରାଟ ଭାରତ ପାଇଁ ମୋଟ ୪୫ ଟି୨୦ ମ୍ୟାଚ୍ରେ ଅଧିନାୟକ ଥିବା ବେଳେ ୨୭ଟିରେ ଭାରତ ଜିତିଛି। ଅପରପକ୍ଷେ ମହେନ୍ଦ୍ର ସିଂହ ଧୋନୀ ୪୨ ଟି୨୦ ମ୍ୟାଚ୍ରେ ଭାରତକୁ ଜିତାଇଛନ୍ତି। ବିଶ୍ୱର ଅଧିନାୟକଙ୍କ ସହ ତୁଳନା କଲେ ବିଶ୍ୱର ପଞ୍ଚମ ସବୁଠାରୁ ସଫଳ ଅଧିନାୟକ ହେଉଛନ୍ତି କୋହଲି।
ଏହାଛଡ଼ା ଆଇପିଏଲ୍ରେ ସେ ଆର୍ସିବି ପକ୍ଷରୁ ୧୩୨ ମ୍ୟାଚ୍ରେ ଅଧିନାୟକ ଥିବା ବେଳେ ସେଥିରୁ ୬୬ ପରାସ୍ତ ହୋଇଛନ୍ତି। ୬୨ ମୁକାବିଲା ସେ ଜିତିଛନ୍ତି।
