ନୂଆଦିଲ୍ଲୀ,୧୪।୭: ଇଂଲଣ୍ଡ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜରେ ପାକିସ୍ତାନ ପରାଜିତ ହୋଇଛି। ଏହା ପରେ ସୋସିଆଲ ମିଡିଆରେ ପାକିସ୍ତାନର ପରାଜୟର ହ୍ୟାଟ୍ରିକ୍ ବିଷୟରେ ଆଲୋଚନା ହେଉଥିବା ବେଳେ ଭିନ୍ନ କାରଣକୁ ନେଇ ଦଳର ଜଣେ ଖେଳାଳି ଚର୍ଚ୍ଚାରେ। କାରଣଟି ହେଲା ସେ ଭାରତୀୟ ଅଧିନାୟକ ବିରାଟ କୋହଲିଙ୍କ ଭଳି ଦେଖାଯାଉଛନ୍ତି। କ୍ରିକେଟରଜଣଙ୍କ ହେଉଛନ୍ତି ଏହି ସିରିଜରେ ଡେବ୍ୟୁ କରିଥିବା ବ୍ୟାଟ୍ସମ୍ୟାନ୍ ସାଉଦ ଶକିଲ।
ଶକିଲଙ୍କ ଫଟୋକୁ ଶେୟାର କରି କ୍ରିକେଟ ପ୍ରଶଂସକଙ୍କ ମଧ୍ୟରୁ କିଛି ପ୍ରଶଂସା କରୁଥିବା ବେଳେ କିଛି ତାଙ୍କୁ କଟାକ୍ଷ କରୁଛନ୍ତି। ଜଣେ ବ୍ୟବହାରକାରୀ ଲେଖିଛନ୍ତି, ‘ସମସ୍ତେ ଫୁଟବଲ୍ ଦେଖିବାରେ ବ୍ୟସ୍ତ ଅଛନ୍ତି। କୋହଲି ପାକିସ୍ତାନପାଇଁ ଖେଳୁଛନ୍ତି ବୋଲି କେହି ଜାଣିନାହାନ୍ତି।’ ଅନ୍ୟଜଣେ କହିଛନ୍ତି, ‘ବର୍ତ୍ତମାନ ପାକିସ୍ତାନର ମଧ୍ୟ ନିଜର କୋହଲି ଅଛି!’ସେହିଭଳି ଆଉଜଣେ କହିଛନ୍ତି, ‘ବିରାଟ କୋହଲି ପାକିସ୍ତାନ ଦଳକୁ ବଞ୍ଚାଇବାକୁ ଆସିଛନ୍ତି।’
ତେବେ ଶକିଲ ଇଂଲଣ୍ଡ ବିପକ୍ଷରେ ତିନୋଟି ଯାକ ମ୍ୟାଚ୍ ଖେଳିଥିଲେ। ହେଲେ ଗୋଟିଏ ମ୍ୟାଚ୍ ବ୍ୟତିତ ଅନ୍ୟ ଦୁଇଟିରେ ସେ ଭଲ ଖେଳିପାରି ନ ଥିଲେ। ଡେବ୍ୟୁ ବ୍ୟାଚ୍ରେ ସେ ରନ୍ କରିଥିବା ବେଳେ ଦ୍ୱିତୀୟ ଦିନିକିଆରେ ଅର୍ଦ୍ଧଶତକ ମାରିଥିଲେ। ତୃତୀୟ ମ୍ୟାଚ୍ରେ ଅଧିନାୟକ ବାବର ଆଜମ ଶତକ ମାରିଥିଲେ। ଏଥିପାଇଁ ଶକିଲଙ୍କୁ ବ୍ୟାଟିଂ କରିବାକୁ ଅଧିକ ସୁଯୋଗ ମିଳି ନ ଥିଲା। ଶେଷ ଦିନିକିଆରେ ୭ମ ସ୍ଥାନରେ ସେ ମଇଦାନକୁ ଓହ୍ଲାଇ ୩ ବଲ୍ରେ ୩ ରନ୍ କରି ଅପରାଜିତ ରହି ପାଭିଲିୟନକୁ ଫେରିଥିଲେ।
Every one is busy in watching football n no one noticed that kohli was playing for pakistan#Messi #PAKvENG #ENGvsPAK pic.twitter.com/iXeHxqLs5e
— 💥 WALI NASIR💥 🇵🇸 (@noturbrouh) July 11, 2021
