ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ତାଙ୍କ ବନ୍ଧୁଙ୍କ ସହ ନୂଆବର୍ଷ ପାଳନ କରିଛନ୍ତି। ଏହି ସମୟର କିଛି ଫଟୋ କୋହଲି ନିଜର ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି। ଏହି ଫଟୋରେ କୋହଲିଙ୍କୁ ସ୍ତ୍ରୀ ଅନୁଷ୍କା ଶର୍ମାଙ୍କ ସମେତ ହାର୍ଦ୍ଦିକ ପାଣ୍ଡ୍ୟା ଏବଂ ତାଙ୍କ ସ୍ତ୍ରୀ ନତାଶା ଷ୍ଟାନକୋଭିକ୍ଙ୍କ ସହ ଦେଖିବାକୁ ମିଳୁଛି। କୋହଲି ଏହି ଫଟୋ ପୋଷ୍ଟ କରି ଲେଖିଛନ୍ତି, ନକାରାତ୍ମକ ସମୟରେ ବନ୍ଧୁମାନଙ୍କ ସହ ଏକାଠି ରୁହନ୍ତୁ ଏବଂ ସକାରାତ୍ମକ ସମୟରେ ଏକାଠି ସମୟ ବିତାନ୍ତୁ। ସୁରକ୍ଷିତ ପରିବେଶରେ ବନ୍ଧୁମାନଙ୍କ ସହ ଏକାଠି ସମୟ ବିତାଇବାଠାରୁ ଆଉ କ’ଣ ବା ଭଲ ହୋଇପାରେ। ଏହି ନୂତନ ବର୍ଷ ଆପଣମାନଙ୍କ ପାଇଁ ଆଶା, ଖୁସି ଏବଂ ଉତ୍ତମ ସ୍ବାସ୍ଥ୍ୟ ନେଇ ଆସୁ ବୋଲି କୋହଲି ଲେଖିଛନ୍ତି। କୋହଲିଙ୍କ ଦ୍ୱାରା ଶେୟାର ହୋଇଥିବା ଏହି ଫଟୋରେ ପ୍ରଶଂସକମାନେ ନିଜର ପ୍ରତିକ୍ରିୟା ରଖୁଛନ୍ତି।
